id int64 1 379 | text stringlengths 2 431 | source stringclasses 1 value | language stringclasses 1 value |
|---|---|---|---|
1 | Ndimaagu Wonnoo ɗoo ko suka debbo gooto. | ndimaagu.pdf | ff |
2 | Omo wiyee Daado. | ndimaagu.pdf | ff |
3 | Daado ko ɓaleejo juumo, mbaadi e nehdi! | ndimaagu.pdf | ff |
4 | Ndiin wiyetee kaaɗtudi. | ndimaagu.pdf | ff |
5 | Alaa fof to ndaarataa e Daado mbi'aa: «Sinno wonaa...» Ko gorko yoori hoore fof, so Daado ɓamtii gite mum ɓutte daneeje o ndaarii ɗum, o waɗdii heen mooso ray! | ndimaagu.pdf | ff |
6 | Oon ñippan ɗe mum, roŋka anndude ko waɗata. | ndimaagu.pdf | ff |
7 | Daado, kala ɗo o wirtii sagataaɓe worɓe, yeewtere mum'en telɓan! | ndimaagu.pdf | ff |
8 | Waaw haala'en mbii: «Hoto mem ko a yamiraaka, kono wonaa hoto ndaar ko njiɗ ɗaa.» Daado wii ina ƴeewa ndimaagu worɓe ɗo tolnii. | ndimaagu.pdf | ff |
9 | O wii: «Mi haaldataa e gorko ƴamal so wonaa cokaaɗo e suudu balɗe cappanɗe tati, subaka fof, ko lonngere wootere ñaamata e wooɓre wootere 3 ndiyam yarata, ko e oon kumantee mi.» Kala garɗo ƴamde mo, ko ɗuum o wiyata ɗum. | ndimaagu.pdf | ff |
10 | Oon wiya: «Miɗo yiɗ maa no feewi, kono mi waawaa.» Joom mum hoota. | ndimaagu.pdf | ff |
11 | Kala ɗo ngar ɗaa taw ɗaa sagataaɓe worɓe ina njeewta, ko haala Daado ɓe kaalata, Alla e makko yooɗde. | ndimaagu.pdf | ff |
12 | Sagataaɓe tato worɓe nani ɗuum. | ndimaagu.pdf | ff |
13 | Oo ina wiyee Sammba, oya ina wiyee Demmba, tataɓo oo ina wiyee Yero. | ndimaagu.pdf | ff |
14 | Gooto e maɓɓe fof, ko tinɗo hoore mum to diiwaan mum'en. | ndimaagu.pdf | ff |
15 | Ɓe mbii: «Oo suka debbo no o wa'i yooɗde nii fof, roŋka gorko jaɓɗo ko o wii koo?» Ɓe mbii: «Ƴamoy en mo ngann den hol ko o miijii, walla hol ko miijo makko ngoo yiɗi wiide, ngann den ko cikku ɗen ko o miijii koo, so ina e makko.» Daado wii: « Mi wiyaani ko dañɗo resata mi. | ndimaagu.pdf | ff |
16 | Mi wiyaani ko laamɗo resata mi. | ndimaagu.pdf | ff |
17 | Mi 4 wiyaani ko joom leñol resata mi. | ndimaagu.pdf | ff |
18 | Mbii mi ko miɗo ƴeewa ndimaagu worɓe ɗo tolnii.» Ɓe ngari ƴamde Daado, gooto e maɓɓe fof hokkaa suudu. | ndimaagu.pdf | ff |
19 | Daado ari salminde ɓe. | ndimaagu.pdf | ff |
20 | Daado salmini Sammba, ɓe calmondiri haa saɗi joofi. | ndimaagu.pdf | ff |
21 | Sammba haali sabaabu garal mum, wonde ari ko ƴamde mo. | ndimaagu.pdf | ff |
22 | Daado wii: «So tawii ko mbii mi koo aɗa waawi waɗde ɗum, maa en kaaldu. | ndimaagu.pdf | ff |
23 | Daado ɓenni to Demmba, ɓe calmondiri haa saɗi joofi. | ndimaagu.pdf | ff |
24 | Demmba wii: «Itti mi wuro amen hannde, ko dawol jam tan. | ndimaagu.pdf | ff |
25 | Addi mi, ko yiɗde ƴamde ma.» Daado wii: «So aɗa waawi waɗde ko mbii mi koo, ma en kaaldu.» Daado yahi to Yero. | ndimaagu.pdf | ff |
26 | Ɓe calmondiri. | ndimaagu.pdf | ff |
27 | Yero wii: «Ngar mi ko ƴamde ma.» Daado wii: «A waasataa nande ko mbii mi koo. | ndimaagu.pdf | ff |
28 | So aɗa waawi waɗde ɗum, maa en kaaldu.» Kamɓe tato fof, ɓe 5 mbaɗdii aadi e Daado. | ndimaagu.pdf | ff |
29 | Gooto e maɓɓe fof sokaa e suudu. | ndimaagu.pdf | ff |
30 | Ɓe ndammbii. | ndimaagu.pdf | ff |
31 | Subaka fof, ko lonngere wootere e wooɓre ndiyam hokketee. | ndimaagu.pdf | ff |
32 | Rawaandu ina nehaa e galle hee. | ndimaagu.pdf | ff |
33 | Subaka fof, so lonnge ɗee ngarii, ndu ara teŋkude ɓe. | ndimaagu.pdf | ff |
34 | Ndu daroo e damal suudu Sammba, ndu tawa Sammba ñaamii lonngere mum, yarii wooɓre mum. | ndimaagu.pdf | ff |
35 | Ndu ɓenna to Demmba, ndu daroo e damal suudu Demmba, ndu tawa Demmba ñaamii lonngere mum, yarii wooɓre mum. | ndimaagu.pdf | ff |
36 | Ndu ɓenna to Yero. | ndimaagu.pdf | ff |
37 | Yero fecca lonngere mum e wooɓre mum, hokka ndu heen. | ndimaagu.pdf | ff |
38 | Ɓe ngoori noon haa balɗe cappanɗe tati timmi. | ndimaagu.pdf | ff |
39 | Wiyaa yo ɓe njaltu. | ndimaagu.pdf | ff |
40 | Ɓe njalti. | ndimaagu.pdf | ff |
41 | Gooto e maɓɓe fof timminii ndimaagu mum e aadi mum waɗdunoo e Daado. | ndimaagu.pdf | ff |
42 | Wiyaa hol e maɓɓe potɗo resde Daado? | ndimaagu.pdf | ff |
43 | Yimɓe hellifaaɓe noddaa, ngari, 6 mbi'aa: «Ɓee ɗoo tato ngariino ƴamde Daado. | ndimaagu.pdf | ff |
44 | Daado wiino ɓe kala desoowo ɗum, maa sokee e suudu balɗe cappanɗe tati, subaka fof, ko lonngere wootere ñaamata e wooɓre wootere ndiyam yarata. | ndimaagu.pdf | ff |
45 | Kamɓe tato fof, ɓe timminii aadi maɓɓe e Daado.» Mawɓe hellifaaɓe mbii: «Ƴeewee gelooɗi teemedde tati, ngelooba heen fof waɗee iililal, Daado waɗee e nder iililal, gelooɗi ɗii coggee.» Ɓe mbii: «Moni e maɓɓe fof yoo yah nannga heen ngelooba: nannguɗo ngelooba Daado waɗɗii baa, oon humanee e Daado. | ndimaagu.pdf | ff |
46 | So hay gooto e maɓɓe nanngaani ngelooba Daado waɗɗii baa, kamɓe tato fof, ɓe mbaasii Daado.» Ɓe kaalanaa. | ndimaagu.pdf | ff |
47 | Ɓe njaɓi oon sariya. | ndimaagu.pdf | ff |
48 | Moni e maɓɓe fof wiyaa yoo naattu suudu sokee. | ndimaagu.pdf | ff |
49 | Gelooɗi mbaɗaa iilile, Daado waɗaa e nder 7 iililal, waɗɗinaa heen ngelooba. | ndimaagu.pdf | ff |
50 | Gelooɗi coggaa nawaa boowal wuro. | ndimaagu.pdf | ff |
51 | Ɓe mbi'aa: « Jooni dey, gelooɗi nawaama boowal, moni e mon fof, yoo yah suɓoo e heen ngelooba: So arsuku mum hawrii e ngelooba Daado waɗɗii baa, oon humanee e Daado; mo arsuku mum hawraani e ngelooba Daado waɗɗii baa, oon ko Alla haɗi ɗum.» Ɓe pinii subaka, ɓe mbi'aa: «Jooni dey, gelooɗi ɗii njaltii boowal.» Moni e maɓɓe fof woni e hebaade. | ndimaagu.pdf | ff |
52 | Rawaandu ndu ari e Yero. | ndimaagu.pdf | ff |
53 | Ndu wii: «Yero, hannde nganndataa ndimaagu e moƴƴere ko nafata: Hannde mi yoɓ maa. | ndimaagu.pdf | ff |
54 | Balɗe cappanɗe tati haa ndawdi e naange, subaka fof, mi aran teŋkude on, hay gooto e mon meeɗaa siftorde mi so wonaa aan. | ndimaagu.pdf | ff |
55 | Aan, subaka fof, ko miin e maa peccata lonngere maa. | ndimaagu.pdf | ff |
56 | Miin ko ɗoo nehaa mi, 8 jeyaaɗo e galle hee fof, miɗo anndi balngol mum. | ndimaagu.pdf | ff |
57 | Hay so joomi mum waɗaama lolli e lolli, walla waɗaama dow soorooji, so mi uurniima ɗo koyngal mum yaɓɓunoo, mi yiitat ɗum. | ndimaagu.pdf | ff |
58 | So gelooɗi ɗii njaltii, kala ngelooba Daado woni, mi yiitat ba. | ndimaagu.pdf | ff |
59 | So on njaltii, kala ngelooba njii ɗaa miɗo e les mum, ko baan Daado woni, ngaraa nanngaa caanol mabba.» Ɓe njalti, ɓe pa'i boowal. | ndimaagu.pdf | ff |
60 | Ɓe tawi teemedde tati ngelooba ina darii. | ndimaagu.pdf | ff |
61 | Illilal fof, cikkataa faɗɗi gonngal ngal. | ndimaagu.pdf | ff |
62 | Rawaandu nduu ari naati e diɗɗal gelooɗi hee. | ndimaagu.pdf | ff |
63 | Ndu heɓi les ngelooba Daado waɗɗii baa, ndu lelii. | ndimaagu.pdf | ff |
64 | Sammba ari suɓii heen ngelooba, nanngi caanol mabba. | ndimaagu.pdf | ff |
65 | Demmba ari suɓii heen ngelooba, nanngi caanol mabba. | ndimaagu.pdf | ff |
66 | Yero ari darii. | ndimaagu.pdf | ff |
67 | Nde rawaandu nduu sooynii mo tan, haftii darii les ngelooba Daado 9 woni baa. | ndimaagu.pdf | ff |
68 | Yero daaƴi koyɗe fa'i e mayru, yettii, nanngi caanol mabba ngelooba. | ndimaagu.pdf | ff |
69 | Gelooɗi ɗii ɗowaa, ngaddaa hakkunde wuro. | ndimaagu.pdf | ff |
70 | Moni e maɓɓe fof, ngelooba mum, iililal mum tellinaa. | ndimaagu.pdf | ff |
71 | Sammba, iililal mum udditaa: hay batte alaa heen. | ndimaagu.pdf | ff |
72 | Demmba, illilal mum udditaa: hay batte alaa heen. | ndimaagu.pdf | ff |
73 | Yero, ililal mum udditaa: Daado tawaa e nder maggal. | ndimaagu.pdf | ff |
74 | Gulaali ngulli yimɓe ɓee ngoni e wiide: «Ɗum dey woni muynude mbelɗam!» Mawɓe hellifaaɓe mbii: «Ko Yero arsuku mum hokki.» Daado nanngi e junngo Yero, ɓe pa'i galle Daado'en. | ndimaagu.pdf | ff |
75 | Ɓe njettii galle Daado'en, Yero wii: «Daado?» Daado wii: «Naam.» Yero wii: «Sammba e Demmba fof, mi ɓuraani ɗum'en ndimaagu. | ndimaagu.pdf | ff |
76 | Minen fof, min mbaɗii ko mbiino ɗaa koo. | ndimaagu.pdf | ff |
77 | Kono wanaa sabu mi hawrii e ngelooba mbaɗɗino ɗaa baa tan, 10 woni maa kumane ɗen. | ndimaagu.pdf | ff |
78 | Kala mo njiɗ ɗaa e amen, ko oon kumdante ɗaa.» Daado wii: «Ko aan njiɗ mi. | ndimaagu.pdf | ff |
79 | Jooni wiide ko wiide maa. | ndimaagu.pdf | ff |
80 | So aɗa yiɗi mi, hannde hiirataa en kumanaaka.» Yero wii: « Miɗo yiɗ maa.» Daado yalti haalani baaba mum e yumma mum. | ndimaagu.pdf | ff |
81 | Ɓeen mbii: «Mo njiɗ ɗaa fof, ko oon min njiɗi.» Dewgal ngal humaa. | ndimaagu.pdf | ff |
82 | Yero wii: «Daado, njiɗ mi ko lelnde ndee waɗa wuro amen.» Daado wii: «So a yiɗii, mi hurtoyoo hannde.» Yero wii: «Njiɗ mi ko kurtoyo ɗaa hannde.» Daado yalti haalani baaba mum e yummum. | ndimaagu.pdf | ff |
83 | Ɓeen mbii: «Wiide ko wiide mon No njiɗir ɗon fof...» Tabalde fiyaa, wiyaa Daado ina hurtoyoo hannde. | ndimaagu.pdf | ff |
84 | Daado ina joginoo cakka kaŋŋe. | ndimaagu.pdf | ff |
85 | O wii: «Yero, ndah cakka am kaa, mooftanaa mi haa njetto ɗen.» Yero heɓii cakka kaa, waɗi e jayba 11 mum. | ndimaagu.pdf | ff |
86 | Wonnoo Daado ko ɓii galo, ko ɓii innee- anndee, falnde ndee fof renndii ɗo galle baaba makko ɗoo. | ndimaagu.pdf | ff |
87 | Moni fof wii maa yaha kurtungu makko, maa ɓur teemedde ɗiɗi ndimaangu ceŋaa labale. | ndimaagu.pdf | ff |
88 | Ɓee mbaɗɗii coweeji, ɓeya mbaɗɗii bamɗi, ɓee njahri koyɗe. | ndimaagu.pdf | ff |
89 | Gulaali e kuljinaali, gila e wammbaaɓe haa e awluɓe, haa e ñeeñɓe, haa e coolooji, leydi ndii fof dilli ñande Daado hurtoytoo ndee. | ndimaagu.pdf | ff |
90 | Ñande mum Yero ina weltii sanne. | ndimaagu.pdf | ff |
91 | Nde yahi haa kurtungu nguu yalti, dimaaɗi ina ngama, ɗii ina cuudoo, ɗii ina mbaɗa baamte: ɗoon yitere ndaarata tan haa... | ndimaagu.pdf | ff |
92 | Nde yahi haa kurtungu nguu yawti, Yero waɗdii ndimaangu mum, yalti wuro. | ndimaagu.pdf | ff |
93 | Yero fooɗti taltali heedti caggal. | ndimaagu.pdf | ff |
94 | O jolni junngo e jayba makko hee, o yaltini cakka kaa, o woni e uurnaade ka, omo 12 ɓuucoo ka, omo teɓɓoo ka, tan haa ciilal diftii cakka kaa diwdi heen! | ndimaagu.pdf | ff |
95 | Omo ndaara ngal, haa ngal majji e leɗɗe. | ndimaagu.pdf | ff |
96 | Ɗuum haawi mo sanne. | ndimaagu.pdf | ff |
97 | Holno o waɗata? | ndimaagu.pdf | ff |
98 | O noddi giƴiiko gooto, sehil makko sanne. | ndimaagu.pdf | ff |
99 | Oon wii: «Yero, aan kam giƴam, ko heednu maa caggal? | ndimaagu.pdf | ff |
100 | Haalan am no njiitir ɗaa ngelooba Daado waɗɗinoo baa. | ndimaagu.pdf | ff |
Subsets and Splits
No community queries yet
The top public SQL queries from the community will appear here once available.