Headline stringlengths 25 110 | News Text stringlengths 170 10.4k ⌀ |
|---|---|
سينيئر صحافي محمد حنيف ماڃوٺي لاڏاڻو ڪري ويو | سينيئر صحافي محمد حنيف ماڃوٺي لاڏاڻو ڪري ويو، سينيئر صحافي محمد حنيف ماڃوٺي گذريل ٻن سالن کان گڙدن جي تڪليف سبب علاج ھيٺ ھو، حنيف ماڃوٺي جو علاج ايس آءِ يو ٽي ۾ ڊائلاسز ۽ علاج ھلندڙ ھو، سومر جي رات جو دير سان حنيف ماڃوٺي پنھنجا پساهه پورا ڪري وڃي خالق حقيقي سان مليو، سندس جنازي نماز ٻڪرا پڙي جي مدينه مسجد ۾ ادا ڪئي وئي، جنھن بعد سندس مڙهه آلين اکين سان مٽيءَ ماءُ حوالي ڪيو ويو، جڏھن ته حنيف ماڃوٺي جي والد عبدالمجيد چوھڙ جمالي واري ۽ ٻين وارثن سان تعزيت جو سلسلو ھلندڙ آھي. ھوڏانھن سينيئر صحافي حنيف ماڃوٺي جي لاڏاڻي تي ڪراچي پريس ڪلب جي صدر سعيد سربازي، نائب صدر مشتاق سھيل، سيڪريٽري شعيب خان ۽ گورننگ باڊي جي ميمبرن ذوالفقار واھوچو، ذوالفقار راڄپر، اڳوڻي ڪراچي پريس ڪلب جي طاھر حسن خان، امتياز فاران، فاضل جميلي، اڳوڻي نائب صدر رشيد ميمڻ، اعجاز سمون، عبدالرحمان، نور محمد ڪلھوڙو، عباس پٺاڻ، ماجد سنديلو، سينيئر صحافي ماڻڪ ڪنگراڻي، آزاد شر، رزاق ابڙو، آفاق ڀٽي، ماجد سمون، نصر اللھ جمالي ۽ ٻين حنيف ماڃوٺي جي پونئرن سان ڏک جو اظھار ڪيو. |
ملٽري مائينڊ سيٽ ۽ عدليا کي به ٺيڪ ڪرڻو آهي: آصف زرداري | اڳوڻي صدر ۽ پيپلز پارٽي جي شريڪ چيئرمين آصف علي زرداري چيو آهي ته پاڪستان هڪ ملڪ آهي، ڪا پبلڪ لميٽيڊ ڪمپني نه آهيون جو ڏيوالو نڪرندو، جاپان 10 ڀيرا ڊفالٽ ٿيو ۽ واپس آيو، جيئن پوري قوم کي ٺيڪ ڪرڻو ۽ سنڀالڻو آهي، تيئن ملٽري مائينڊ سيٽ کي سنڀالڻو آهي اهڙي ريت عدالت کي به سنڀالڻو ۽ ساڻن ڳالهائڻو آهي، عدليا سميت ملڪ جي هر اداري ۾ سڌارن جي ضرورت آهي. ملتان ۽ وهاڙي ۾ ميڊيا سان ڳالهائيندي آصف علي زرداري مختلف سوالن جا جواب ڏنا. هن چيو ته پوري قوم جيان معيشت کي سنڀالڻو ۽ ٺيڪ ڪرڻو آهي، ملٽري مائينڊ سيٽ کي سنڀالڻو آهي، اهڙي ريت منهنجو خيال آهي ته عدليا کي به سنڀالڻو آهي، انهن سان ڳالهه ٻول ڪرڻي پوندي، هي به اسان منجهان ئي آهن ۽ اسان منجهان ويل ماڻهو آهن، پهرين وڪيل هئا ۽ هاڻي جج بڻجي ويا آهن. حڪومت سنڀالڻ جي حوالي سان ڳالهائيندي اڳوڻي صدر چيو ته ائين ناهي ته اسان کي خبر نه هئي ته حالتون ڪهڙيون آهن، اسان کي خبر هئي ته هي وقت حڪومت وٺڻ جو ناهي، معاشي خرابيون ٿي رهيون آهن پر هن کي پتو نه هو جيڪو هليو ويو، کيس احساس ئي نه هو، جيڪڏهن اسان حڪومت نه وٺون ها ته عمران خان جنهن واٽ تي هلي پيو هو اها ملڪ جي تباهي جو سبب بڻجي وڃي ها، اهو صفا سولو هو ته اسان 2 مهينا انتظار ڪريون ها ۽ ٻيهر چونڊون ڪرائي ڇڏيون ها پر هن کي ڪجهه اهڙا ڪم ڪرڻا هئا جن کان اسان کي کيس روڪڻو هو، نه ته جيڪڏهن هو اهي ڪم ڪري وٺي ها ته قوم کي کپائي ڇڏي ها، هو هر جڳهه وڪرو ڪرڻ جي موڊ ۾ آهي، هن جي ته عادت آهي بس ڪو خريدار هجي، هي ته ڌرتي آهي، جنهن کي اسان وڪرو نٿا ڪري سگهون ۽ نه ئي ڪنهن کي ڏئي سگهون ٿا، عمران سمورا ادارا وڪرو ڪرڻ پئي چاهيا، اسان اقتدار ۾ اچي ملڪ کي بچائي ورتو آهي، منهنجي سوچ چوي ٿي ته چونڊون وقت تي ٿينديون، جڏهن ته پيپلز پارٽي کي سنڌ ۾ آدمشماري تي خدشا آهن، تنهن ڪري خدشا ختم ڪرڻا پوندا. عمران خان سان مفاهمت جي سوال تي آصف زرداري چيو ته سياستدانن ۽ سياسي ماڻهن سان ڳالهه ٻول ٿي سگهي ٿي پر عمران خان جهڙي غير سياسي شخص سان نٿا ڳالهائي سگهون جيڪو هر ڳالهه ڪرڻ بعد يو ٽرن وٺي ڇڏيندو آهي، سياسي ادارن، سياسي خاندانن ۽ سياسي جماعتن سان ڳالهائي سگهجي ٿو پر هن غير معياري سياسي جماعت ڪهڙي ڳالهه ٻول ڪريان، هي ته پاڻ چوندو آهي ته مان يوٽرن وٺندو آهيان ۽ يوٽرن منهنجي عادت آهي ته پو هڪ سياسي ماڻهو جڏهن زبان ڏئي ڇڏي ته پو ان تان يوٽرن ڪيئن ٿيندو؟ هي چوي ٿو يوٽرن وٺڻ سٺو هوندو آهي، جيڪڏهن هٽلر هجي ها ته ائين ٿئي ها، نپولين ڪري ها ته فلاڻو ٿئي ها، جنهن نپولين ۽ هٽلر تي هڪ ڪتاب پڙهيو آهي اهو اهڙيون ئي ڳالهيون ڪري سگهي ٿو، سياست ۾ جفاڪشي ڪرڻي پوندي آهي ۽ عمران خان جفاڪشي جو هيراڪ ناهي، عمران عدالتن کي منهن ڏيڻ کان ڊڄي ٿو، جڏهن ته سياستدان نه عدالتن کان گهٻرائجندو آهي نه ئي جيلن کان ڊڄندو آهي، اسان ڪاوڙ پيئڻ جا عادي آهيون، جڏهن کان سياست ۾ آيو آهيان، وڏي صبر ۽ حوصلي سان ڏکياين کي منهن ڏنو آهي، اسان پارٽي لا قربانيون ڏيندڙن جو احترام ڪندا آهيون، يوسف رضا گيلاني 6 سال جيل ڪاٽيو ته اسان کيس وزيراعظم بڻائي ڇڏيو. عمران خان کي گرفتار ڪرڻ کان روڪڻ واري تاثر تي زرداري چيو ته اهو ڪم گهرو وزير جو آهي، مان ان ۾ مداخلت ڇو ڪريان، هي گهرو وزير جو ڪم آهي، هو مون کان ڇو پڇندو، کيس جيڪو ڪرڻو آهي سو ڪري وٺندو. ملڪ جو ڏيوالو نڪرڻ واري سوال تي هن چيو ته اسان هڪ ملڪ آهيون، ڪا پبلڪ لميٽيڊ ڪمپني نه آهيون، جاپان 10 ڀيرا ڊفالٽ ٿيو پر واپس موٽي آيو، آمريڪا جو ڏيوالو نڪتو وري بحال ٿيو، ڪڏهن ٻڌندا آهيون ته دبئي ۾ اگهه صفا ڪري پيا آهن پر وري بحال ٿي ويو ته اهڙي نموني نه هلندا آهن ته پبلڪ لميٽيڊ ڪمپني جيان اسان جا شيئرز ڪمزور ٿيا ته ملڪ ختم ٿي ويو. پنجاب ۾ مسلم ليگ (ن) سان سيٽ ايڊجسٽمينٽ واري معاهدي بابت اڳوڻي صدر چيو ته ان جو دارومدار وقت ۽ حالتن تي آهي، سياست حالتن تي ٿيندي آهي، سياست اڻ ٿيڻي يا ناممڪنات تي نه پر ممڪنات تي ٿيندي آهي. هن وڌيڪ چيو ته پي ڊي ايم جو پنهنجو موقف ۽ اسان جو پنهنجو موقف آهي پر پي ڊي ايم اڪثريتي پارٽي آهي، تنهن ڪري اسان هنن سان گڏ هلندا آهيون، پي ڊي ايم سان گڏ هلي رهيا آهيون پر پي ڊي ايم جو حصو نه آهيون، اسان پي ڊي ايم جو نه پر حڪومت جو حصو آهيون، تنهن ڪري فاروق نائيڪ عدالت ۾ درخواست ڏني ته اسان کي به ٻڌو وڃي. هڪ سوال جي جواب ۾ پ پ پ جي شريڪ چيئرمين چيو ته راجن پور واري چونڊ مقبوليت تي نه کٽي وئي پر مهانگائي سبب ائين ٿيو آهي ۽ حد اها آهي جو هاڻي دال به خراب اچي ٿي، دال ۾ ملاوت نه هوندي هئي پر هاڻي دال ۾ به ملاوت ڪئي وڃي ٿي. |
بولان ۾ بلوچستان ڪانسٽيبلري جي ٽرڪ تي آپگهاتي حملو، 9 اهلڪار شهيد، 13 زخمي | بلوچستان جي علائقي بولان ۾ خودڪش بمبار بلوچستان ڪانسٽيبلري جي ٽرڪ تي ڌماڪو ڪري ڏنو، جنهن جي نتيجي ۾ 9 اهلڪار شهيد ٿي ويا ۽ 13 ڄڻا زخمي ٿي پيا آهن، جن مان ٽن زخمين جي حالت ڳڻتي جوڳي ٻڌائي وڃي ٿي. نصيرآباد ڊويزن جي ڪمشنر بشير احمد بنگلزئي بي بي سي کي ٻڌايو ته ڌماڪي جو نشانو بڻيل گاڏي سبي کان ڪوئيٽا ڏانهن وڃي رهي هئي، ان دوران ڪنبڙي پل تي هڪ آپگهاتي بمبار پنهنجي موٽر سائيڪل گاڏي سان ٽڪرائي ڇڏي، جنهن سبب اهلڪار محمد حيات، اي ايس آءِ گلبدين، سميع الله، شهزاد، اسحاق، دولت، نذير، قيوم ۽ ظهور شهيد ٿي ويا، جڏهن ته سليم جاويد، عبدالسلام، غلام قدير، عطاءُ الله، عبدالحق، محمد يعقوب ۽ رستم علي سميت 13 اهلڪار زخمي ٿي پيا آهن، دهشتگردي جي واقعي ۾ زخمي ٿيل اهلڪارن کي طبي امداد فراهم ڪرڻ لا سبي منتقل ڪيو ويو آهي. هن ٻڌايو ته حملي جو نشانو بڻيل اهلڪار ڪوئيٽا کان سبي ميلي جي سيڪيورٽي جا فرض سرانجام ڏيڻ لا سبي ويل هئا، دهشتگردي واري واقعي جي اڃا تائين ڪنهن به ذميواري قبول نه ڪئي آهي. واضح رهي ته بلوچستان ۾ 24 ڪلاڪن اندر دهشتگردي جو ٻيو وڏو واقعو پيش آيو آهي. ٻئي طرف ايس ايس پي بولان محمود تونيزئي موجب موٽر سائيڪل سوار آپگهاتي بمبار ٽرڪ جي ويجهو اچي پاڻ کي ڌماڪي سان اُڏائي ڇڏيو، واقعي جو اطلاع ملندي پوليس ۽ امداد ٽيمون موقعي تي پهچي ويون. هن چيو ته شهيد اهلڪارن جا لاش ۽ زخمين کي سبي منتقل ڪيو ويو آهي، جتي کين طبي امداد ڏني پئي وڃي، ڪجهه زخمين جي حالت ڳڻتي جوڳي ٻڌائي پئي وڃي، جنهن سبب فوتين جو انگ وڌڻ جو خدشو آهي، جڏهن ته ڪوئيٽا ۽ سبي جي اسپتالن ۾ هنگامي حالتون لاڳو ڪيون ويون آهن. هن چيو ته ڌماڪي بعد بم ڊسپوزل ٽيم واقعي واري هنڌ پهچي وئي ۽ علائقي ۾ سرچ ڪيو پيو وڃي. هوڏانهن بلوچستان جي وڏي وزير عبدالقدوس بزنجو بولان واقعي جي سخت مذمت ڪندي چيو آهي ته دهشتگرد بزدلاڻين ڪاررواين ذريعي ناپاڪ مقصد حاصل ڪرڻ چاهين ٿا، اهڙين سازشن کي عوام جي حمايت سان ناڪام بڻايو ويندو. وفاقي گهرو وزير راڻا ثناءُ الله به بولان ۾ بلوچستان ڪانسٽيبلري تي دهشتگرد حملي جي مذمت ڪندي قيمتي جانين جي زيان تي گهري ڏُک ۽ افسوس جو اظهار ڪيو آهي. هن صوبائي حڪومت کان واقعي جي رپورٽ طلب ڪئي ۽ چيو ته قوم دهشتگردي خلاف جنگ ۾ سيڪيورٽي فورسز سان ڪُلهو ڪُلهي ۾ ملائي بيٺي آهي. صوبائي گهرو وزير مير ضيا الله لانگو بلوچستان ڪانسٽيبلري جي گاڏي تي حملي جي مذمت ڪندي آءِ جي بلوچستان کان واقعي جي رپورٽ طلب ڪري ورتي آهي. جاري بيان ۾ گهرو وزير انتظاميا کي بم ڌماڪي جي زخمين کي طبي سهولتون فراهم ڪرڻ جون هدايتون ڏنيون. |
عمران جي بزدلي ۾ حڪومت جو فائدو آهي، اڃا ڊوڙڻ ڏيوس:خواجا آصف | نواز ليگ جي اڳواڻ ۽ بچا واري وزير خواجا آصف چيو آهي ته عمران خان کي گرفتار ڪرڻ کان بهتر آهي ته کيس ائين ئي ڊوڙايو وڃي، پي ٽي آ چيئرمين جي سياسي بزدلي ڏيکارڻ ۾ ته حڪومت جو ئي فائدو آهي، گذريل ڏينهن سڄي قوم عمران خان جي بزدلي ڏسي ورتي. خانگي ٽي وي چئنل سان ڳالهائيندي خواجا آصف چيو ته عمران گرفتاري جي ڊپ کان لڪي رهيو هو، شبلي فراز چوي ٿو ته عمران زمان پارڪ واري گهر ۾ موجود ناهي پر حقيقت ۾ هن اتان ئي خطاب ڪيو هو. بچا واري وزير وڌيڪ چيو ته جتي به اتحادي حڪومتون هونديون آهن اتي ننڍا وڏا اختلاف ٿيندا آهن ۽ اختلاف ڳالهه ٻول ذريعي حل ٿي ويندا آهن، پيپلز پارٽي جي وزيرن سدائين اتحادي حڪومت جو ساٿ ڏنو آهي. |
سنڌ حڪومت چاهي ٿي ته ڊجيٽل آدمشماري شفاف طريقي سان ٿئي:شرجيل ميمڻ | سنڌ جي اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ چيو آهي ته سنڌ حڪومت چاهي ٿي ته صاف ۽ شفاف طريقي سان ڊجيٽل آدمشماري جو عمل ٿئي ۽ ڪنهن جماعت يا گروپ کي ان تي ڪوبه اعتراض نه هجي. هن چيو ته سنڌ اسيمبلي اڄ قرارداد پڻ منظور ڪئي آهي ته ڊيجيٽل آدم شماري شفاف طريقي سان ٿئي. اهڙن خيالن جو اظهار هن سنڌ اسيمبلي ۾ ميڊيا ڪارنر تي ميڊيا سان ڳالهه ٻولهه ڪندي ڪيو. صوبائي وزير چيو ته چيئرمين بلاول ڀٽو زرداري ۽ سنڌ جو وڏي وزير سيد مراد علي شاهه به ڊيجيٽل آدم شماري تي واضح موقف ڏئي چڪا آهن. هن چيو ته جيل ڀريو تحريڪ جو نعرو لڳائيندڙ هاڻي جيل کان بچايو تحريڪ ۾ مصروف آهن. جيل وڃڻ جو خوف سندس ذهن تي تمام گهڻو هاوي ٿي ويو آهي، گذريل ڏينهن عدالتي حڪمن جون ڌڄيون اڏايون ويون. هن چيو ته اقتدار جي هوس ۾ عمران نيازي پنهنجي حقيقي آقائن جي خلاف زهريلي مهم ۾ مصروف آهي، جن جي مدد سان عمران خان کي ناجائز اقتدار ڏنو ويو، اڄ انهن جي خلاف عمران نيازي پرڏيهي ملڪن کان مهم هلائي رهيو آهي. عمران کي جنهن اقتدار ۾ آندو، اڄ انهيءَ جي ڳلي پئجي ويو آهي. هن چيو ته باجوه صاحب هن کي جھولي ۾ ويهاريو، ان وقت سڀ ٺيڪ هو. هن چيو ته هاڻي اداري جي هر آفيسر کي بليڪ ميل ڪري رهيو آهي، اها تحريڪ نه پر غنڊا گردي آهي، ڇا هٿن ۾ لٺيون کڻي تحريڪ هلائي ويندي آهي. هي چاهي ٿو ته بليڪ ميل ڪري ته جيئن چور دروازي کان اقتدار ۾ اچي سگهي. هن چيو ته عمران خان چوندو آهي ته ھو ماريو ويندو، کيس ٻڏي مرڻ گهرجي، ڇا ھو ايڏو وڏو ترم خان آهي جو ماڻهو ھن جا دشمن ٿي ويا آهن. هن چيو ته عمران خان احسان فراموش شخص آهي، پنهنجي محسن کي گھٽ وڌ ڳالھائي رهيو آهي. هن چيو ته انھن کي چار چار گوليون لڳيون پر انهن کي ڪجهه به نه ٿيو، ڇا سمورا ماڻهو بلٽ پروف پيدا ٿيا هئا. شرجيل انعام ميمڻ چيو ته جنهن شخص کيس صادق ۽ امين جو سرٽيفڪيٽ ڏنو هو، هاڻي اهو به چئي رهيو آهي ته مون کيس ٽن شين تي صادق ۽ امين جو سرٽيفڪيٽ ڏنو هو. سمورين شين تي نه ڏنو ھو. صوبائي وزير اطلاعات شرجيل انعام ميمڻ چيو ته هي شخص پاڪستان کي نقصان پهچائڻ جا رستا ڳولي رهيو آهي. هن شخص پويان ٻاهريان هٿ آهن، جيڪي سندس مالي مدد ڪري رهيا آهن، اهو سڀني جون اکيون کولڻ لاءِ ڪافي آهي. هن چيو ته پاڪستان آهي ته اسان آهيون. هن چيو ته پاڪستاني عوام کي انهن ماڻهن جا گريبان پڪڙڻ گهرجن ۽ انهن جو گھيرا ڪرڻ گهرجي. هي تبديلي نه پر تباهي آهي، جنهن اسان جي نوجوان نسل کي تباهه ڪري ڇڏيو. هڪ سوال جي جواب ۾ هن چيو ته وفاقي حڪومت کي پنهنجي رٽ قائم ڪرڻ گهرجي پر وفاقي حڪومت تحمل جو مظاهرو ڪري رهي آهي ۽ چاهي ٿي ته معصوم ماڻهن جون جانيون ضايع نه ٿين . هن چيو ته عمران خان ٽڪراءُ چاهي ٿو، ڪراچي جي مڪاني چونڊن بابت سوال جي جواب ۾ هن چيو ته حافظ نعيم الرحمان 10 مارچ جو انتظار ڇو ڪري رهيو آهي، اڄ ئي اليڪشن ڪميشن هليو وڃي، اسان کي ڪنهن قسم جي ڌانڌلي ناهي ڪرڻي. هن چيو ته ايم ڪيو ايم جي بائيڪاٽ جي ڪري جماعت اسلامي کي ايتريون سيٽون مليون نه ته سندن 25 کان وڌيڪ سيٽن جي حيثيت نه هئي. هن چيو ته جيڪڏهن حافظ نعيم الرحمان ڪراچي جي ميئر جا خواب ڏسي رهيو آهي ته خواب ڏسڻ تي ڪابه پابندي ناهي. |
سنڌ اسيمبلي ۾ ڊجيٽل آدمشماري خلاف ٺهراءُ اڪثريت راءِ سان منظور | سنڌ اسيمبلي سومر تي پنهنجي اجلاس ۾ ڊجيٽل آدمشماري تي سنڌ جي سخت خدشن جي حوالي سان هڪ ٺهراءُ اڪثريت راءِ سان پاس ڪري ورتو. ٺهراءُ آبپاشي واري وزير ڄام خان شورو پيش ڪيو، جنهن ۾ چيو ويو ته ڊجيٽل آدمشماري جي حوالي سان سنڌ جي عوام کي اونداهه ۾ رکيو ويو آهي ۽ سنڌ کي ڊيٽا تائين پهچ نه پئي ڏني وڃي، ڊيش بورڊ به ڪم نه پيو ڪري، جنهن سبب شڪ پيدا ٿي رهيا آهن. ٺهراءُ ۾ چيو ويو ته جيڪي گهر ٻوڏ ۾ لڙهي ويا هئا، انهن جي ڳڻپ جو ڪوئي مڪينزم ناهي ٺاهيو ويو، ضلعي انتظاميا به فراهم ڪيل نقشن ۾ نقصن کان آگاهه ڪيو آهي، ٺهراءُ پيش ڪرڻ جي موقعي تي اپوزيشن ايوان ۾ گوڙ ڪيو ۽ ايجنڊا جون ڪاپيون ڦاڙي ڇڏيون، جنهن کان پوءِ ٺهراءُ اڪثريت راءِ سان منظور ڪيو ويو. جي ڊي اي جي عبدالرزاق راهمون چيو ته آدمشماري جي عملي کي سهولتون نه پيون ڏنيون وڃن، انهن کي اهڙيون ڊواسز ڏنيون ويون آهن، جن ۾ سگنل نٿا اچن. هن چيو ته هي آدمشماري شفاف نموني سان نه پئي ٿئي. جنهن کان پوءِ اسپيڪر اجلاس 14 مارچ تي منجهند 12 وڳي تائين ملتوي ڪري ڇڏيو. |
اسرندڙ ملڪن لاءِ قرضن تي شرط آسان ڪرڻ گهرجن:وزيراعظم شهباز شريف | وزيراعظم شهباز شريف چيو آهي ته اسرندڙ ملڪن جي عوام جي ترقي لاءِ گڏجي قدم کڻڻا پوندا، اسرندڙ ملڪن لاءِ قرضن جي شرطن کي آسان ڪيو وڃي، عوام کي سماجي تحفظ جي فراهمي ۽ جديد ٽيڪنالاجي تائين آسان پهچ يقيني بڻائي وڃي، پاڪستان دوحه پروگرام آف ايڪشن لاڳو ڪرڻ جي ڀرپور حمايت ڪريان ٿو. اهڙن خيالن جو اظهار هن گڏيل قومن جي اهتمام هيٺ اسرندڙ ملڪن جي ڪانفرنس کي خطاب ڪندي ڪيو. وزيراعظم ڪانفرنس منعقد ڪرڻ کي سٺو سنئوڻ قرار ڏيندي قطر پاران اها ڪانفرنس منعقد ڪرڻ کي ساراهيو. وزيراعظم چيو ته پاڪستان ۽ قطر جي وچ ۾ پراڻا خوشگوار لاڳاپا قائم آهن. هن چيو ته اسرندڙ ملڪن جي پائيدار ترقي لاءِ ڪانفرنس جو انعقاد وقتائتو آهي. هن چيو ته ماحولياتي تبديلين جي اثرن اسرندڙ ملڪن کي وڌيڪ متاثر ڪيو آهي. اسان کي گڏجي گهٽ ترقي يافته ملڪن جي عوام جي ترقي لاءِ قدم کڻڻا پوندا. سڄي دنيا ۾ ماڻهن جي وڏي انگ کي غربت ۽ غذائي کوٽ درپيش آهي. وزيراعظم چيو ته پاڪستان سماجي ۽ اقتصادي ترقي لاءِ ان فورم جي ڀرپور حمايت ڪري ٿو. پاڪستان ان فورم سميت سڀني اهم فورمن تي اسرندڙ ملڪن جي آواز کي اجاگر ڪندو رهندو. هن اسرندڙ ملڪن لاءِ ويڪسين جي فراهمي کي تسلسل سان يقيني بڻائڻ تي زور ڏنو. هن تجويز ڏني ته اسرندڙ ملڪن لاءِ قرض جي شرطن کي آسان بڻائڻ گهرجي ۽ عوام کي سماجي تحفظ جي فراهمي يقيني بڻائڻ گهرجي. هن اسرندڙ ملڪن جي جديد ٽيڪنالاجي تائين پهچ آسان بڻائڻ تي زور ڏيندي چيو ته ٽيڪنالاجي ۽ علم ترقي ۾اهم ڪردار ادا ڪن ٿا. وزيراعظم چيو ته پاڪستان دوحا پروگرام آف ايڪشن لاڳو ڪرڻ جي ڀرپور حمايت ڪري ٿو ۽ ان سلسلي ۾ متحرڪ ڪردار ادا ڪندو. وزيراعظم چيو ته ان پروگرام جا هدف حاصل ڪرڻ لاءِ ٺوس قدم کڻڻا پوندا. |
عمران خان مئسيج ڪري عدالتي ڪيسن ۾ مدد گهري: اڳوڻو چيف جسٽس ثاقب نثار | سپريم ڪورٽ جي اڳوڻي چيف جسٽس ثاقب نثار انڪشاف ڪيو آهي ته عمران خان 3 هفتا اڳ واٽس ايپ تي مئسيج ڪيو ۽ عدالتن ۾ هلندڙ ڪيسن جي سلسلي ۾ مدد گهري هئي، هن ڳالهائڻ پئي چاهيو پر مون انڪار ڪري ڇڏيو. خانگي ٽي وي چئنل سان ڳالهائيندي ثاقب نثار چيو ته عمران خان کي مڪمل ۽ سمورن معاملن تي صادق ۽ امين قرار نه ڏنو هو، عدالت ۾ جيڪي دستاويز آيا انهن جي بنياد تي اڳوڻي وزيراعظم کي صادق ۽ امين قرار ڏنو هو، جيڪو شخص اڄ عدالتن تي حملا ڪري رهيو آهي اُهو ڪڏهن عدالتن جو لاڏلو به رهيو آهي، اڄڪلهه عدالتي فيصلن تي اُهي ماڻهو ڳالهائي رهيا آهن جن کي قانون جي زير زبر جي به خبر ناهي، جيڪو همراهه اڄ عدالتن جي حملا ڪري رهيو آهي اُهي ڪڏهن عدالتن جو پسنديده رهيو آهيو، رڳو هڪ ڪيس کانسواءِ کيس سدائين عدالتن مان رليف ملندو رهيو آهي. هن چيو ته جڏهن اڃا چيف جسٽس نه بڻيو هئس تڏهن نواز شريف مختلف موقعن تي چوڻ شروع ڪيو ته هي پنهنجو چيف آهي. اڳوڻي چيف جسٽس چيو ته ٻن ڏينهن کان منهنجو واٽس ايپ هيڪ ٿي ويو آهي، اڃا تائين ريڪور ناهي ٿيو، خدشو آهي ته منهنجي موبائيل ڊيٽا کي ڪنهن مقصد لاءِ استعمال ڪري سگهجي ٿو پر منهنجو واٽس ايپ هيڪ ڪرڻ وارن کي شرمساري ئي ٿيندي، ان کان اڳ به منهنجا مختلف وڊيوز جوڙي هڪ آڊيو ٺاهي وئي هئي، ڪنهن جي ذاتي زندگي ۾ مداخلت چوري جي ذمري ۾ ايندو آهي. هن چيو ته عمران خان کي مڪمل طور صادق ۽ امين قرار نه ڏنو هو، ان کي سياسي رنگ ڏنو ويو، عمران خان کي ٽن نقطن تي صادق ۽ امين قرار ڏنو، اڪرم شيخ عمران خان بابت ٽي نقطا لکي ڏنا ته انهن تي فيصلو ڪيو وڃي، ٽنهي نقطن تي عمران خان صادق ۽ امين ثابت ٿيو هو. جسٽس (ر) ثاقب نثار وڌيڪ چيو ته مُلڪ جي مسئلن جو حل چونڊن ۾ آهي، 2018ع ۾ به اليڪشن جي رستي ۾ رندڪون وڌيون ويون جنهن کي ناڪام بڻايو ويو هو جنهن جو بابر يعقوب شاهد آهي. هن اعتراف ڪندي چيو ته مان به انسان آهيان ۽ مون به ڪي غلط فيصلا ڪيا هوندا پر مُلڪ جي بقا لاءِ جيڪي فيصلا ڪيا ان تي عمل ڇو نٿا ڪيو؟ ثاقب نثار کان سوال ڪيو ويو ته پاناما ڪيس ۾ اوهان تي نواز شريف کي نااهل ڪرائڻ لاءِ جنرل ( ر ) فيض دٻاءُ وڌو؟ جنهن جي جواب ۾ هن چيو ته جنرل (ر) فيض ڪير ٿيندو آهي جيڪو مون تي دٻاءُ وجهي ها؟ جنرل (ر) باجوا سان ان دعويٰ جي حوالي سان ڳالهائيندس، هو چون ٿا ته مان عمران خان لاءِ عدليا ۾ لابنگ ڪري رهيو آهيان، مان ڇو عمران خان لاءِ عدليا ۾ لابنگ ڪندس، آئون ته پنهنجي ٻارن جي مستقبل لا پريشان آهيان. منهنجي مرڻ بعد هڪ ڪتاب شايع ٿيندو، جنهن ۾ سموريون حقيقتون هونديون. |
تعليم کاتي جي ننڍن ملازمن جا مطالبن جي مڃتا لا مظاهرا | ٽنڊوالهيار/نئون ديرو/ سنجهورو: ٽنڊوالهيار ۾ آل سنڌ ايجوڪيشن ڊپارٽمينٽ لوئر اسٽاف ايسوسيئيشن سنڌ پاران مطالبن جي مڃتا لا پريس ڪلب آڏو احتجاجي مظاهرو ڪيو ويو. ان موقعي تي ضلعي صدر محمد علي ميرجت، نواب بهراڻي، الله ڏنو هڪڙو، عبدالله ڪنڀار، دلدار لنڊ، شوڪت ميرجت ۽ ٻين صحافين آڏو دانهيندي چيو ته پروموشن لا من پسند ماڻهن کي سينارٽي لسٽ ۾ شامل ڪري اسان سينيئرن سان ناانصافي ڪئي پئي وڃي، 2007ع ۾ اسان جو ٽائيم اسڪيل 2 هو، 2011 ۾ ڪورٽ اسان کي ريگيولر ڪيو، پر هن وقت اسان کي هڪ گريڊ ۾ رکيو ويو آهي، جيڪو ظلم آهي. اسان جي 30 سيڪڙو ڪوٽا تي تعليم کاتي جا عملدار من پسند ماڻهن کي ڀرتي ڪري رهيا آهن. هنن اعلى اختيارين کان گهر ڪئي ته اسان جا جائز مطالبا منظور ڪري انصاف ڪيو وڃي. نئون ديرو ۾ تعليم کاتي جي ننڍن ملازمن رجب مڱڻيجو، سڌير کوکر، شمشاد ميراڻي، ڪليم الله ڪوريجو، مجاهد علي ۽ شمير کوکر جي اڳواڻي ۾ ريلي ڪڍي شهيد راڻي بينظير پريس ڪلب پهچي علامتي بک هڙتال ڪئي. سنجھورو ۾ تعلقي صدر مصري ٿھيم جي اڳواڻي ۾ اميربخش چانگ، مير علي چانگ، عطا محمد جلالاڻي، محسن ٽالپر، سائين بخش ھنڱورو، محمد رضا جلالاڻي، نعيم ٽالپر، سجاد چانگ، امير بخش ڪاڇائي ۽ ٻين مظاهرو ڪيو. |
ڪوٽ غلام محمد ۾ پراڻي دشمني تان همراهه ڪهاڙيون هڻي قتل | ڪوٽ غلام محمد: ڪوٽ غلام محمد شھر جي لاھوتي چوڪ تي ھوٽل تي ويٺل ڳوٺ ساجن چانڊيو ديهھ 296 جو رھواسي 48 سالن جو ساجن چانڊيو پٽ لال بخش چانڊيو ڪھاڙيون منھن ۾ لڳڻ ڪري بيدردي سان قتل ٿي ويو، جڏھن ته جوابدار واقعي بعد موقعي تان فرار ٿي ويو. اطلاع تي پوليس پهچي وئي، جنهن مقتول جو لاش کڻائي تعلقي اسپتال پهچايو، جتان پوسٽ مارٽم بعد وارثن حوالي ڪيو ويو، لاش گهر آندو ويو ته ڪهرام مچي ويو. ھوڏانھن ڪوٽ غلام محمد پوليس ڪارروائي ڪندي ساجن چانڊيو کي بيدردي سان منھن ۾ ڪھاڙيون ھڻي قتل ڪندڙ جوابدار جمعون چانڊيو کي گرفتار ڪري ڪوٽ غلام محمد ٿاڻي تي لاڪپ ڪري ڇڏيو. ان سلسلي ۾ پوليس ٻڌايو ته گرفتار جوابدار مقتول ساجن چانڊيو جو ويجھو عزيز آھي، ساجن چانڊيو جا وارث ٿاڻي تي ايندا ته جوابدار خلاف ڪيس داخل ڪيو ويندو. ٻئي پاسي قتل ٿيل ساجن چانڊيو جي ڀائيٽي عنايت چانڊيو ٻڌايو ته جمعون چانڊيو سان پراڻي دشمني ھئي ۽ اھڙي درخواست ٿاڻي تي ڏنل ھئي. ھوڏانھن مقتول ساجن چانڊيو جي جنازي نماز سندس ڳوٺ ۾ ادا ڪئي وئي ۽ کيس اباڻي قبرستان ۾ مٽي ما حوالي ڪيو ويو. |
ننگرپارڪر جي عوام لا مڌر چائلڊ موبائل ڪلينڪ جو افتتاح | ننگرپارڪر: ڊبليو ايڇ او پاران ننگرپارڪر جي عوام لا ڏنل مڌر چائلڊ موبائل ڪلينڪ جو افتتاح ايم پي اي پارلياماني سيڪريٽري صحت قاسم سراج سومرو ڪيو. موبائل ڪلينڪ بابت صحافين سان ڳالھائيندي قاسم سراج سومرو چيو ته ٻوڏ ۾ ڳوٺن ۾ وڏيون موبائل وينون نٿيون وڃي سگھن، اتي هي موبائل ڪلينڪ گاڏي ويندي، سموري سنڌ لا 5 گاڏيون مليون آهن، موبائل ڪلينڪ ۾ عملو ۽ بجيٽ ڌار آهي، موبائل اسپتال ۾ او پي ڊي، ڊليوري ڪرائڻ جون سھولتون ۽ نيوٽريشن سپورٽ جي سھولت به شامل ھوندي، ھي اسپتال ٿر جي انھن پري واري ڳوٺن ۾ موڪلي ويندي، جتي صحت جي ڪا سھولت ناہي. صحافين جي سوال جي جواب ۾ پارلياماني سيڪريٽري صحت قاسم سراج سومرو چيو ته ننگرپارڪر اسپتال ۾ ڊاڪٽرن جي غيرحاضري، ڊيوٽي ۾ غفلت، اسپتال ۾ ٽيسٽن جي سھولت نه ھجڻ بابت ٻڌايو ته منھنجي ڊي ايڇ او ٿرپارڪر ۽ ايم ايس ننگرپارڪر سان تفصيلي ميٽنگ ٿي آھي، اسپتال ۾ سرجن، گائناڪولاجسٽ ۽ ٻين ڊاڪٽرن جي کوٽ آھي، ان باوجود 2 ليڊي ڊاڪٽرياڻيون موجود آھن. ورلڊ بئنڪ جو پراجيڪٽ منظور ٿي چڪو آھي، جنھن ۾ ننگرپارڪر اسپتال نئين ٺھندي، ايمرجنسي سيڪشن ڌار ٺھندو. ان موقعي تي ڊي ايڇ او ڊاڪٽر ھرچند، ڊپٽي ڊي ايڇ او چھنو مل، ايم ايس ڊاڪٽر پونمچند، ڊاڪٽر غلام حيدر سميجو، سردار خان کوسو، علي اڪبر راھمون، ڪريمڏنو دل، لالالجپت ڀيل، علي اڪبر رند ۽ ٻيا موجود هئا. |
ميرپورخاص ۾ پيار جي شادي ڪندڙ نوجوان وليمي واري رات قتل | ميرپورخاص: ميرپورخاص ۾ پيار جي شادي ڪندڙ نوجوان وليمي واري رات ڪمري ۾ گوليون لڳڻ سبب قتل ٿي ويو. پوليس ڪنوار کي جاچ لا حراست ۾ وٺي ڇڏيو. ميرپورخاص جي تعلقي ٿاڻي جي حد ڳوٺ امام بخش لغاري ۾ پيار جو پرڻو ڪندڙ گهوٽ 20 سالن جي صابر علي کوکر کي ڪمري وليمو ختم ٿيڻ بعد رات جي وقت ڪمري ۾ بيدردي سان قتل ڪيو ويو، گهوٽ کي گوليون هڻي ماريو ويو. ان سلسلي ۾ رابطو ڪرڻ تي تعلقي ٿاڻي جي ايس ايڇ او نياز کوسو ٻڌايو ته سائره ۽ صابر علي کوکر هڪ ڏينهن اڳ ڊگهڙي ۾ پيار جو پرڻو ڪيو، رات سندن وليمي جي تقريب رٿيل هئي، تقريب ختم ٿيڻ کانپو صبح جو ڪمري ۾ گهوٽ کي قتل ڪرڻ جو اطلاع مليو، جانچ موجب ته ڪمري ۾ ڪنوار سائره موجود هئي ۽ گهوٽ جو به لاش مليو هو. پوليس لاش تحويل ۾ وٺي سول اسپتال منتقل ڪيو آھي ۽ ڪنوار سائره کي پوليس تحويل ۾ جانچ لا رکيو آھي. هوڏانهن نوجوان جي قتل بعد شادي جون خوشيون ماتم ۾ تبديل ٿي ويون آهن. ضروري ڪارروائي بعد لاش وارثن حوالي ڪيو ويو. ياد رهي ته صابر علي کوکر ۽ 18 ورهين جي ناري سائره کوکر هڪ ڏينهن اڳ ڊگهڙي ۾ پيار جي شادي ڪئي هئي. |
نئون ڪوٽ ۾ قتل ڪيل عورت جي ڏير ۽ سس کي 25 سال قيد | ميرپورخاص : ميرپورخاص جي ماڊل ٽرائل ڪورٽ عورت مسڪان کوکر جي قتل جو ڏوهه ثابت ٿيڻ تي سندس ڏير علي حيدر راجپوت ۽ سس امتياز بي بي کي 25-25 سال قيد جي سزا جو فيصلو ڏئي ڇڏيو. 2021ع ۾ نئون ڪوٽ ٿاڻي جي حد ۾ عورت مسڪان کوکر قتل ٿي وئي ھئي، جنھن جو ڪيس مقتولا عورت جي والد تنوير کوکر جي فرياد تي مقتولا عورت جي ڏير علي حيدر راجپوت ۽ سندس سس امتياز بي بي مٿان داخل ڪيو ويو ھو، ڪيس ڪورٽ ۾ ھلندڙ ھو، جنھن جو ڪرمنل ماڊل ٽرائل ڪورٽ فيصلو ٻڌائيندي عورت جي قتل جو ڏوهه ثابت ٿيڻ تي جوابدار علي حيدر راجپوت ۽ سندس ما کي عمر قيد 25-25 سال سزا ڏني. عدالت جوابدار ما ۽ پٽ کي عورت جي وارثن کي 43 لک 18 ھزار 500 رپيا ادا ڪرڻ جو پڻ حڪم ڏنو ويو، عدالتي فيصلي بعد ما پٽ کي جيل منتقل ڪيو ويو. |
مورو لڳ معصوم ٻارڙو نلڪي واري هودي تي پير ترڪڻ سبب فوت | مورو: مورو ويجھو نوان جتوئي جي ڳوٺ سائين بخش خاصخيلي ۾ 4 سالن جو معصوم نينگر مومن پٽ استاد منصور خاصخيلي گھر اندر راند ڪندي اوچتو نلڪي جي ھودي تي پير ترڪڻ سبب ڪري پيو، جنھن کي ڳڻتي جوڳي حالت ۾ اسپتال آندو ويو، جتي ڊاڪٽرن نينگر جي فوت ٿيڻ جي تصديق ڪئي. |
قوم هڪ ليڊر ۽ گدڙ ۾ فرق ڄاڻي ورتو آهي:مريم نواز | مسلم ليگ (ن) جي سينيئر نائب صدر مريم نواز تحريڪ انصاف جي چيئرمين عمران خان تي طنز سان ڀرپور تبصرو ڪندي چيو آهي ته قوم ليڊر ۽ گدڙ ۾ فرق ڄاڻي ورتو آهي. ٽوئيٽر تي پنهنجي پيغام ۾ مريم نواز لکيو ته شينھن بيڏوهي هوندي به ڌي جو هٿ پڪڙي لنڊن مان پاڪستان اچي گرفتاري ڏيندو آھي پر جيڪڏهن ليڊر چور هجي ته ٻين جي نياڻين کي ڍال بڻائي لڪي ويهي رهندو آهي، قوم ليڊر ۽ گدڙ ۾ فرق ڄاڻي چڪي آهي، ٻاهر نڪر بزدل ماڻهو! مهرباني ڪري عمران خان کي اوڌر تي ٿوري بهادري ڏيو. |
اسلام آباد پوليس گرفتاري لا زمان پارڪ ۾ موجود، ڪوڙي ڪيس ۾ عدالت گهرائي قتل ڪرڻ جي سازش آهي:عمران خان | اسلام آباد پوليس سيشن ڪورٽ ۾ هلندڙ ڪيس ۾ فرد جرم جي شنوائي تي 3 ڀيرا غير حاضر رهڻ تي تحريڪ انصاف چيئرمين ۽ اڳوڻي وزيراعظم عمران خان کي گرفتار ڪرڻ لا زمان پارڪ لاهور پهچي وئي، پوليس کي وڏي ڏکيائي سان عمران خان جي رهائشگاهه اندر اچڻ ڏنو ويو پر هو پنهنجي ڪمري ۾ موجود نه هو، جنهن بعد پي ٽي آئي جي اڳواڻن ۽ وڪيلن نوٽيس وصول ڪيو، اهلڪار رات دير تائين زمان پارڪ ۾ موجود هئا. تفصيل موجب اسلام آباد پوليس ڪالهه منجهند ساڍي 12 هين لڳي عمران خان کي گرفتار ڪرڻ لا لاهور سندس رهائشگاهه زمان پارڪ پهتي. توشا خانا ڪيس ۾ عدالت جي حڪمن جي تعميل لاءِ اسلام آباد پوليس جا اهلڪار ايس پي حسين طاهر جي اڳواڻي ۾ زمان پارڪ پهتا ته کين اڳتي وڃڻ کان روڪيو ويو، سوشل ميڊيا تي اسلام آباد پوليس جي پهچڻ ۽ عمران خان جي امڪاني گرفتاري جي اطلاع تي شاهه محمود قريشي، حماد اظهر، فواد چوڌري، اعجاز چوڌري، ياسمين راشد، مسرت چيما، جمشيد اقبال چيما، زبير نيازي ۽ مرد توڙي عورت ڪارڪنن جو وڏو انگ به زمان پارڪ پهچي ويو، ڪيترن ئي ڪارڪنن جي هٿن ۾ ڏنڊا کنيل هئا جيڪي مختلف نعرا هڻندا رهيا، جڏهن ته اسلام آباد پوليس جي حفاظت لاءِ پنجاب پوليس جا جوان به پهتا. ان موقعي تي پي ٽي آئي جا ڪارڪن اسلام آباد پوليس جي اهلڪارن جو گهيرو ڪري شديد نعريبازي ڪندا رهيا، جڏهن ته پي ٽي آئي جا اڳواڻ ۽ پنجاب پوليس جا جوان نعرا هڻندڙ ڪارڪنن کي پٺتي ڌڪيندا رهيا جنهن کان پوءِ اسلام آباد پوليس مشڪل سان عمران خان جي رهائشگاهه اندر اچڻ ڏنو ويو، جتي عمران خان ڪمري ۾ موجود نه هو. پي ٽي آئي جي اڳواڻن ۽ وڪيلن پاران نوٽيس وصول ڪيو ويو، پي ٽي آئي جي ڪارڪنن عمران خان جي رهائشگاهه طرف ويندڙ سمورن رستن تي ڌرڻو هنيو. ٻئي طرف عمران خان زمان پارڪ واري رهاشگاهه اندر ٿيل تقريب کي خطاب ڪندي مطالبو ڪيو ته توشا خانا ڪيس ٽي وي تي ٻڌو وڃي، مان اڄ تائين ڪنهن فرد يا اداري جي اڳيان ناهيان جهڪيو ۽ نه ئي توهان کي جهڪڻ ڏيندس، جن ماڻهن کي ملڪ تي مڙهيو ويو آهي انهن جا پئسا ٻاهر پيا آهن، مان ڀڄڻ ۽ ڊڄڻ وارو ناهيان، ڪارڪن مون سان گڏ آهن، منهنجي زندگي کي خطرو آهي، ڪورٽن ۾ پيش ٿيندو رهيو آهيان، مون کي مارڻ جون ڪوششون ٿي رهيون آهن. هن چيو ته مون کي خطرو ئي تحفظ ڏيندڙن مان آهي، مون کي جعلي ڪيسن ۾ وري وري گهرايو پيو وڃي، سڀني جي سامهون آندو وڃي ته مون تي ڪهڙو ڪيس آهي، جيڪي ڏوهاري آهن انهن کي معافي ملي وئي، مان هر پيشي تي ايندو رهيو آهيان ته پوءِ به ڪيس ڪيا پيا وڃن، عدالتن اندر ڪا سيڪيورٽي ناهي ۽ هي مون کي ڪوڙي ڪيس ۾ عدالت گهرائي قتل ڪرڻ جي سازش ٿي رهي آهي، هي مون کي رستي تان هٽائڻ چاهين ٿا، منهنجو مطالبو آهي ته توشا خانا ڪيس ٽي وي تي ٻڌو وڃي، اڳوڻو وزيراعظم آهيان ۽ مون تي قاتلاڻو حملو ٿي چڪو آهي. |
حڪومت چاهي ته عمران خان کي گرفتار ڪرڻ ڏکيو ناهي:گهرو وزير | وفاقي گهرو وزير راڻا ثنا الله چيو آهي ته عمران خان عدالت ۾ پيش ٿيڻ ۽ سزا کان بچڻ لاءِ بهانا ڪري رهيو آهي، جيڪڏهن حڪومت هڪ دفعو فيصلو ڪري وٺي ته عمران خان کي گرفتار ڪرڻ ڏکيو ناهي، مٿس توشا خانا ڪيس ۾ فرد جرم لاڳو ٿيڻو آھي. فيصل آباد ۾ ميڊيا سان ڳالهائيندي هن چيو ته پي ٽي آءِ چيئرمين تي قاتلاڻي حملي جو ڪو به معاملو ناهي، عمران خان عدالت ۾ پيش ٿيڻ ۽ سزا کان بچڻ لاءِ بهانا ڪري رهيو آهي، اسلام آباد پوليس حڪومت جي چوڻ تي نه پر عدالت جي حڪم تي وارنٽ کڻي لاهور وئي هئي، عمران نيازي کي گرفتار ڪرڻو هجي ها ته “برگر” رنڊڪ نه بڻجي سگهن ها. هن چيو ته عمران خان جي گرفتاري لاءِ اسلام آباد پوليس لاهور وئي، عمران خان تي توشا خانا ڪيس ۾ فرم جرم لاڳو ٿيڻو آهي، کيس خبر آهي ته پيش ٿيندس ته فرد جرم لاڳو ٿيندو، مٿس قاتلاڻي حملي جي ڪهاڻي ڪوڙ تي ٻڌل آهي، سڀ عدالتن ۾ پيش نه ٿيڻ جا بهانا آهن، مٿس ڪو به قاتلاڻو حملو نٿو ٿي سگهي. هن وڌيڪ چيو ته حڪومت جنهن ڏينهن فيصلو ڪيو ان ڏينهن گرفتاري ڏکيو ڪم ناهي، عمران جڏهن ٽي ڏينهن اڳ ها ڪورٽ ۾ پيش ٿيو هو ته ان وقت به گرفتاري ٿي پئي سگهي، جيڪڏهن گرفتاري ڪرڻي هجي ها ته ڪارڪن نه روڪي سگهن ها، جيڪڏهن عمران کي هر قيمت تي گرفتار ڪرڻو هجي ها ته “برگر” رنڊڪ نه بڻجي سگهن ها، چونڊون ڪرائڻ اليڪشن ڪميشن جو ڪم آهي پر ملڪ جون موجوده حالتون سڀني جي سامهون آهن. اهڙيون چونڊون ٿيڻ گهرجن جنهن سان ملڪ بهتري طرف وڃي. |
عمرساند ۾ ٽرانسفارمر مان ڪوائلون چوري، مظاهرو | عثمان شاھه ھڙي: عمر ساند ٿاڻي جي حد ڳوٺ محمد ابراهيم عاقلاڻي جي واٽر سپلائي اسڪيم جي ٽرانسفارمر مان نامعلوم چور ڪاپر واريون ڪوائلون چوري ڪري فرار ٿي ويا. ان سلسلي ۾ ڳوٺاڻن مير خان عاقلاڻي، شريف عاقلاڻي ۽ شاھجھان عاقلاڻي جي اڳواڻي ۾ مظاهرو ڪيو. هنن چيو ته گذريل رات دير سان نامعلوم چور ڀوڦاڙ شاخ ڀرسان ڳوٺ ابراهيم عاقلاڻي جي واٽر سپلائي اسڪيم جي ٽرانسفارمر لاهي ڪوائلون چوري ڪري ويا. جنهن جي ماليت لکين رپيا آھي. عمرساند ٿاڻي جي حد ۾ ڦر ۽ چوريون روز جو معمول بڻجي ويون آھن، پر پوليس خاموش تماشائي بڻيل آھي. هنن ايس ايس پي ٽنڊوالهيار کان مطالبو ڪيو ته نوٽيس وٺي عمرساند ٿاڻي جي ايس ايڇ او کي هٽائي چوري ٿيل سامان واپس ڪرايو وڃي. |
ڄام ساقي اسان جي ذهنن ۽ دلين ۾ هميشه زنده رهندو:بلاول ڀٽو | ڪراچي: پرڏيهي وزير بلاول ڀٽو زرداري چيو آهي ته ڄام ساقي اسان جي ذهنن ۽ دلين ۾ هميشه زنده رهندو. پ پ چيئرمين بلاول ڀٽو زرداري پنهنجي پيغام ۾ پارٽي اڳواڻ ڄام ساقي مرحوم کي پنجين ورسي تي ڀيٽا پيش ڪندي چيو ته هو جمهوريت پسند ۽ ڊگهي نظر رکندڙ عوامي اڳواڻ هو. هن چيو ته ڄام ساقي مرحوم جون جبري پورهئي کي روڪڻ ۽ انساني حقن کي هٿي ڏيڻ لاءِ ڪوششون به فراموش ڪرڻ جوڳيون نه آهن. پرڏيهي وزير اهو به چيو ته ضيا جي آمريت دوران جڏهن ڄام ساقي خلاف بغاوت جو ڪوڙو ڪيس ٺاهيو ويو هو ته ان جي بيگناهي جي شاهدي ڏيڻ لاءِ شهيد ڀٽو پاڻ ملٽري ڪورٽ ۾ پيش ٿي هئي. بلاول ڀٽو زرداري چيو ته ڄام ساقي پاڪستان ۾ پورهيت طبقن جي حقن لاءِ جدوجهد ۽ مثالي قربانيون ڏيڻ جو نالو آهي، ڄام ساقي هڪ سوچ جو نالو آهي، جنهن کي موت به نٿو اچي سگهي هو، اسان جي ذهنن ۽ دلين ۾ هميشه زنده رهندو. |
ٽنڊو جان محمد ۾ موٽر ٺاهيندي پيرسن ڪرنٽ ۾ فوت | ٽنڊو جان محمد: ٽنڊو جان محمد ۾ ڪرنٽ لڳڻ سبب اڌڙوٽ شخص فوت ٿي ويو. ٽنڊوجان محمد جي الله آباد ڪالوني ۾ 50 ورھين جو لال زمان راجپوت ڪرنٽ لڳڻ سبب فوت ٿي ويو، واقعي جي اطلاع تي پوليس پھتي. فوتي جي ڀا قمرالزمان ۽ پٽ عمران راجپوت چيو ته فوتي گھر ۾ اڪيلو ھو، لوڊشيڊنگ دوران پاڻي جي موٽر جو ڪنيڪشن جوڙي رھيو ته اوچتو بجلي اچڻ سبب کيس ڪرنٽ لڳو ۽ هو فوت ٿي ويو. پاڙيواري لياقت آرائين جو چوڻ ھو ته واقعي کان پھرين ھن مون کي چانهھ کڻي اچڻ لا چيو، منھنجي پھچڻ تي ھو فوتي حالت ۾ پيل ھو. پوليس جي ضروري ڪاروائي بعد لاش وارثن حوالي ڪيو، جيڪي اباڻي ڳوٺ ديھه 201 ڳوٺ شاهھ زمان کڻائي ويا. |
شهيد سلطان محمود ڪرڪيٽ چئمپين شپ ۾ 4 ٽيمن ۾ مقابلا | ميرپورخاص: ميرپورخاص پريس ڪلب جي زير نگراني سنڌ حڪومت جي سهڪار سان شهيد ذوالفقار علي ڀٽو اسپورٽس ڪمپليڪس پي سي بي گرائونڊ ۾ ٿيندڙ شهيد محمود سلطان چانڊيو 100 بال ليگ ڪرڪيٽ چئمپين شپ ۾ کيڏيل 2 ميچن جا فيصلا ٿي ويا. پهرين ميچ ۾ شهيد عمران اليون جي ٽيم پيراڊائز سڪسرز جي ٽيم کي 9 وڪيٽن تان هارائي ڇڏيو. بيٽنگ ڪندي پيراڊائز سڪسرز جي ٽيم 100 بالن تي 95 رنس ٺاهي سگهي. جوابي بيٽنگ ڪندي شهيد عمران اليون جي ٽيم مخالف ٽيم پاران ڏنل ٽارگيٽ 9 وڪيٽن تي پورو ڪري ڇڏيو. ٻي ميچ ۾ شهيد محمود سلطان چانڊيو جي ٽيم ايم ڊي اسٽرائڪرز جي ٽيم کي 8 وڪيٽن تان هارائي ڇڏيو. ايم ڊي جي ٽيم پهرين بيٽنگ ڪندي 100 بالن تي صرف 63 رنسون ٺاهي سگهي. شهيد محمود سلطان چانڊيو جي ٽيم ٽارگيٽ 2 وڪيٽ جي نقصان تي پورو ڪري ورتو. |
پاڻي جي لنگهن تان قبضا ختم نه ٿيا ته ٻيهر نقصان ٿيندو:منور ٽالپر | ميرپورخاص: پ پ ايم اين اي مير منور ٽالپر 2023ع جي امڪاني زوردار برساتن جي سلسلي ۾ ميرپورخاص شھر جو دورو ڪيو. ان موقعي تي ميونسپل ڪارپوريشن ۽ ڊي سي ميرپورخاص کان تفصيل ورتا، بعد ۾ ايم اين اي مير منور ٽالپر پ پ اڳواڻ غلام قادر مري، ضلعي جنرل سيڪريٽري مير حسن ڌونڪائي، عبدالسلام ميمڻ ۽ مير الهداد ٽالپر سان گڏ پريس ڪلب جو دورو ڪيو. ان موقعي تي صحافين سان ڳالھائيندي مير منور چيو تھ 2022ع جون برساتون 2010ع ۽ 2011ع کان وڌيڪ زوردار ھيون، پر بدقمستي سان اسان وٽ پاڻيءَ جي قدرتي وھڪرن تي ماڻھن جا قبضا ٿيل آھن. پ پ ڪو چيئرمين آصف علي زرداري جي حڪم تي سنڌ حڪومت قدرتي وھڪرن تان قبضا ھٽائڻ لاءِ قانون پاس ڪيو آهي، ھن وقت قانون موجب سمورن پاڻيءَ جي قدرتي وھڪرن جون ليزون ۽ کڻتون رد ٿيل آھن، پر آبپاشي ۽ روينيو کاتي جي عملدارن پاران قانون تي عمل نھ ڪرائڻ سبب قبضا برقرار آھن، ان ڪري قانون جي رٽ بحال ڪري اھي قبضا ھٽائڻا ئي پوندا، نھ تھ ٻيھر وڏو نقصان ٿيندو. ھن چيو تھ ميرپورخاص، عمرڪوٽ ۽ بدين اھڙا ضلعا آھن، جن مان اٽڪل سموري سنڌ جي ٻوڏن جو برساتي پاڻي گذري ٿو، ان ڪري ھاڪڙي درياھه ۽ پراڻ ندي سميت سمورن وھڪرن جي روٽن کي الڳ الڳ طريقي سان سمنڊ ۾ ڇوڙ ڪرائڻو پوندو. ھن چيو تھ ايل بي او ڊي سسٽم جي اسپائل ڊرين جتي پراڻ جي قدرتي وھڪرن ۾ رڪاوٽ آھي، اتي 4 سائفن ڏئي پراڻي جي 25 ھزار ڪيوسڪ پاڻي سندس اصل رستي تان گذاري شڪور ڍنڍ وسيلي سمنڊ ۾ ڇوڙ ڪرايو ويندو ۽ ان ڏس ۾ ڪم ھلندڙ آھي. ميرپورخاص ڊويزنل ھيڊڪوارٽر جو شھر آھي، ان ۾ آءِ ٽي سينٽر ھجڻ لازمي آھي، جنھن سان جديد دور جي تقاضائن موجب صحافت کي ھٿي ملندي. |
بڪيراشريف ۾ نوجوان خودڪشي ڪري ڇڏي | بڪيرا شريف: بڪيرا شريف درگاهھ قلندر قائم الدين قريشي جي رهواسي 30 سالن جي نوجوان نثار علي شيدي وڻ ۾ رسو ٻڌي خودڪشي ڪري ڇڏي. ماروڙي ڪالوني لڳ ڪيلي جي فصل جي بائونڊري تي موجود وڻ ۾ لاش ٽنگيل ڏسي رهواسين پوليس کي اطلاع ڏنو، بڪيرا پوليس واقعي واري هنڌ پهچي لاش لهرائي سول اسپتال ٽنڊوالهيار پهچايو، جتان ضروري ڪارروائي بعد لاش وارثن حوالي ڪيو ويو. لاش گهر آندو ويو ته ڪهرام مچي ويو. واقعي جو ڪيس داخل نه ٿي سگهيو. |
حيدرآباد جي 71 اڌر ڪيڊر استادن کي رليو ڪرڻ لا نوٽيفيڪشن جاري | حيدرآباد: حيدرآباد ضلعي جي ڊسٽرڪٽ ايجوڪيشن آَفيسر عزيزالرحمان ڏهوٽ هڪ نوٽيفيڪشن جاري ڪندي حيدرآباد ضلعي جي 71 اڌر ڪيڊر استادن کي رليو ڪري ڇڏيو آهي. جاري ڪيل نوٽيفيڪيشن ۾ چيو ويو آهي ته تعليم کاتي جي 17 فيبروري تي جاري ڪيل نوٽيفڪيشن مطابق حيدرآباد ضلعي ۾ 2012ع ۾ ڀرتي ڪيل اڌر ڪيڊر استادن جي اسڪروٽني رپورٽ ۾ 71 اڌر ڪيڊر استادن جون ڊگريون جعلي بوگس نڪتيون، جنهن بعد سيڪريٽري ايجوڪيشن 71 استادن کي برطرف ڪندي پگهارون روڪڻ جو حڪم جاري ڪيو، ان ئي نوٽيفڪيشن تحت اڌر ڪيڊر وارن 71 استادن کي رليو ڪيو وڃي. ڊي اي او حيدرآباد ضلعي جي سمورن اسڪولن جي هيڊماسترن ۽ هيڊمسٽريس کي پڻ هدايت ڪئي ته 71 استادن کي رليو ڪيو وڃي. |
ٽنڊوآدم لڳ گهر کي باهه، سامان رک، 2 ٻڪريون مري ويون | ٽنڊوآدم: ٽنڊوآدم لڳ ڳوٺ محمد لاشاري ۾ اوچتو محمد امين لاشاري جي گهر ۽ اوطاق کي باھه لڳي وئي، جنهن سبب هنڌ، کٽون، اناج، ڪپڙا ۽ ٻيو گهريلو سامان سڙي رک ٿي ويو. جڏهن ته وٿاڻ ۾ بيٺل 2 ٻڪريون به سڙي مري ويون. اطلاع ملڻ تي فائربرگيڊ پهچي باهھ تي ڪنٽرول ڪري وڌيڪ گهرن کي سڙڻ کان بچائي ورتو. |
ڪراچي ۾ ميرواهه گورچاڻي واسي پورهيت ڪرنٽ ۾ فوت | ميرواهه گورچاڻي: ڪراچي قائد آباد واري علائقي ۾ هوٽل تي مزدور ڪندڙ ميرواہه گورچاڻي جو رھواسي پورهيت نوجوان انور خاصخيلي 11 هزار بجلي جي تارن مان ڪرنٽ لڳڻ سبب فوت ٿي ويو. ميرواھه گورچاڻي ڀرسان ڳوٺ ڪنگورو جو رهواسي 18 سالن جو انور ولد گل محمد خاصخيلي ڪراچي قائد آباد واري علائقي ۾ هوٽل تي محنت مزوري ڪندو هو، جتي نوجوان کي هوٽل جي ڇت تي گذرندڙ 11 هزار وولٽين واري تارن مان ڪرنٽ لڳي ويو، جيڪو موقعي تي فوت ٿي ويو. هوٽل مالڪ ٻڌايو ته انور ٽانڪي مان پاڻي نه اچڻ سبب چيڪ ڪرڻ مٿي ويو هو ته کيس ڪرنٽ لڳي ويو، اسان کيس جناح اسپتال پهچايو، جتي هو فوت ٿي ويو. ٻئي پاسي ضروري ڪارروائي بعد نوجوان جو لاش اباڻي ڳوٺ ڪنگورو آندو ويو ته گهر ۾ ڪهرام مچي ويو. رابطي ڪرڻ تي فوتي انور جي مامي ڪريم بخش خاصخيلي ٻڌايو ته ڪرنٽ لڳڻ سبب ڀاڻيجو فوت ٿيو آهي، وڌيڪ اسان کي ڪا خبر ناهي. |
ميري ٽائيم ايڪسپو ۾ سهڪار ڪرڻ تي ڪموڊور احمد شجاع سينيئر انجنيئر امتياز ڀٽو جا ٿورا مڃي ورتا | ڪراچي: ڪمانڊر ڪراچي 9 لياقت بيرڪس جي چيف آفيسر ڪموڊور احمد شجاع تازو ڪراچي ۾ ٿيل پهرين پاڪستان انٽرنيشنل ميري ٽائيم ايڪسپو اينڊ ڪانفرنس ۾ شرڪت ڪرڻ تي ڊسٽرڪٽ ميونسپل ڪارپوريشن ايسٽ ڪراچي جي سينيئر ايگزيڪيوٽو انجنيئر امتياز احمد ڀٽو جا ٿورا مڃيا. جاري ڪيل پڌرائي ۾ ڪموڊور احمد شجاع چيو ته سينيئر ايگزيڪيوٽو انجنيئر امتياز احمد ڀٽو جي شرڪت ڪرڻ تي دلي خوشي ٿي، مون کي اميد آهي ته توهان کي ميري ٽائيم ايڪسپو اينڊ ڪانفرنس ۾ ڄاڻ توڙي سٺو ماحول ڏسڻ لا مليو هوندو. توهان جي موجودگي ۽ ڀرپور سهڪار هن ايونٽ کي حقيقي ڪاميابي ڏياري آهي. |
حڪومت واعدا پاڙي نه ته وزارتون رکڻ مشڪل ٿي پوندو:بلاول ڀٽو | پي پي چيئرمين بلاول ڀٽو زرداري چيو آهي ته ٻوڏ متاثرن سان ڪيل واعدا پورا نه ٿيا ته وزارتون رکڻ مشڪل ٿي وينديون، عوام جو سڀ کان وڏو مسئلو مهانگائي ۽ بيروزگاري آهي، وفاقي حڪومت پنهنجا واعدا پورا ڪري، واعدو ڪيو آهي ته ان کي پورو ڪرڻو پوندو، سياسي ڪوئو زمان پارڪ ۾ بستر جي هيٺان لڪل آهي. ڪوئي جي ٽنگ ۾ تڪليف آهي، هيڏانهن هوڏانهن ڀڄي رهيو آهي، سياسي ڪوئي جي بدران اسان کي معيشت تي ڌيان ڏيڻ جي ضرورت آهي. وزيراعليٰ هائوس ٻوڏ متاثرن ۾ امدادي رقم ورهائڻ جي حوالي سان هڪ تقريب کي خطاب ڪندي پي پي چيئرمين چيو ته موجوده حالتن ۾ هر طبقو تڪليف ۾ آهي، ٻوڏ سان پاڪستان جي معيشت کي وڏو ڌڪ لڳو، ٻوڏ سان متاثر هارين جي مدد ڪرڻ جو فيصلو ڪيو ويو آهي. ننڍن هارين ۽ آبادگارن کي سپورٽ ڪيو وڃي ته ملڪ جون ضرورتون پوريون ٿي سگهن ٿيون. هن چيو ته پاڪستان هڪ زرعي ملڪ آهي ۽ زراعت جي شعبي کي سپورٽ ڪيو ويو ته اسان پنهنجون ضرورتون پوري ڪري سگهون ٿا، ٻوڏ متاثر هارين جي مدد ڪرڻ جو فيصلو ڪيو آهي ٻوڏ سان 50 ملين ايڪڙ تي بيٺل فصل تباهه ٿيا آهن، گذريل 10 سالن کان زرعي معيشت کي جنهن سيڙپڪاري جي ضرورت هئي اها نه ٿي سگهي. پرڏيهي وزير چيو ته سنڌ واحد صوبو آهي، جنهن ڪڻڪ جي قيمت 4000 رپيا مقرر ڪئي، آصف زرداري جڏهن صدر ٿيو ته پاڪستان جا ايڪسپورٽس تمام گهٽ هئا، هر شئي پاڪستان امپورٽ ڪرائيندو هو، يوڪرين جي هارين کي ڊالر ڏئي رهيو هو. آصف زرداري جي دور ۾ زرعي شعبي تي گهڻو ڌيان ڏنو ويو ننڍن هارين کي پنهنجن پيرن تي بيهارڻ چاهيون ٿا، پاڪستان کي زرعي شعبي ۾ پاڻڀرو بنائڻ پهرين ترجيح آهي، بلاول ڀٽو زرداري چيو ته پيپلزپارٽي جي حڪومت ختم ٿيڻ کان پوءِ زرعي شعبي کي سپورٽ نه ڪيو ويو، جنهن سان زرعي شعبي جون حالتون ڏينهون ڏينهن خراب ٿينديون ويون، معاشي سڌاري لاءِ زرعي شعبي تي ڌيان ڏيڻو پوندو، بلاول ڀٽو وڌيڪ چيو ته بينظير انڪم سپورٽ پروگرام جي ذريعي ننڍن هارين جي مدد ڪنداسين. ننڍن هارين جي مدد ڪري زرعي پيداوار وڌائينداسين، وفاقي حڪومت ٻوڏ متاثرن سان جيڪي واعدا ڪيا اهي واعدا پورا ڪري، ٻوڏ ۾ 5 ملين ايڪڙ تي بيٺل فصل تباهه ٿيو آهي. پي پي چيئرمين چيو ته سنڌ حڪومت 8.39 ارب رپيا هارين جي مدد لاءِ رکيا آهن وفاقي حڪومت 4 ڏهائي ارب رپين جو واعدو ڪيو آهي، وفاق کي ٻوڏ متاثرن لاءِ ڪيل واعدا پورا ڪرڻا پوندا، متاثرن سان واعدا پورا نه ٿيا ته وزارتون رکڻ مشڪل ٿي وينديون. پرڏيهي وزير چيو ته آدمشماري تي اسان خدشا ظاهر ڪيا، سنڌ ۽ ٻين صوبن جي تعداد ۾ صاف فرق هو، رڳو 5 سيڪڙو بلاڪ تي ٻيهر آدمشماري جو چيو ته جيئن حقيقت جو پتو پئجي سگهي. اهو ڪم نه ٿيو، انهيءَآدمشماري تي 2018 جون چونڊون ٿيون، پيپلز پارٽي هي خدشا لاڳيتو اٿاريا، اليڪشن ويجهو آهي ته اعلان ٿيو ته ڊجيٽل آدمشماري ٿيندي. جيڪو فيڊ بيڪ اسان کي مليو آهي ان ڊجيٽل آدمشماري تي پيپلز پارٽي ۽ عوام جا به خدشا آهن بلاول ڀٽو زرداري وڌيڪ چيو ته جيڪڏهن انهيءَ طريقي سان آدمشماري ٿيڻي آهي ته پيپلزپارٽي کي قبول نه آهي، جيڪڏهن وفاقي حڪومت اسان جي اعتراضن کي نٿي ڏسي ته صوبائي حڪومت آدمشماري ۾ گڏ نه هوندي، وفاقي حڪومت پاڻ آدمشماري ڪري وٺي. پيپلزپارٽي هڪ سائنٽفڪ ۽ حقيقي آدمشماري کي سپورٽ ڪري سگهي ٿي، اهڙي قسم جي آدمشماري کي اسان سپورٽ نٿا ڪري سگهون. بلاول ڀٽو چيو ته ملڪ ۾ دهشتگردي وارو ماحول قائم ٿي چڪو آهي، خانصاحب جهڙا سياستدان سياست ۾ نفرت کڻي آيا، زمان پارڪ ۾ سياسي ڪوئو بستر جي هيٺان لڪل آهي، سڀني جو ڌيان ڪوئي بدران ملڪي مسئلن ڏانهن هئڻ گهرجي، سڀني جو ڌيان ملڪ جي تاريخي بحران طرف هئڻ گهرجي. پي پي چيئرمين چيو ته پيپلزپارٽي هڪ نظرياتي جماعت آهي، اسان جو ڪوئي دشمن نه آهي، اسان جو مقابلو بيروزگاري، مهانگائي ۽ غربت سان آهي. اسان جو مقابلو ڪنهن سليڪٽڊ ۽ ڪٺپتلي جماعت سان نه آهي، اسان هميشه عوام جي مسئلن کي ترجيح ڏني آهي. |
آدمشماري درست نھ ٿي تھ اسان قبول نھ ڪنداسين:وڏو وزير | پاڪستان پيپلز پارٽي جي چيئرمين ۽ پرڏيهي وزير بلاول ڀٽو زرداري ڪمپيوٽر جو بٽڻ دٻائي “ٻج جي سبسڊي پروگرام: ڪڻڪ جي ٻج لاءِ معاوضي” جو افتتاح ڪري ڇڏيو ۽ 12 ايڪڙ تائين زرعي زمين رکندڙ ننڍن هارين ۾ 5000 رپيا ورهائڻ واري عمل جي شروعات ڪئي ۽ 8 ڏهائي 39 ارب رپيا بينظير انڪم سپورٽ پروگرام(بي آءِ ايس پي) کي منتقل ڪيا. وزيراعليٰ هائوس ۾ رٿيل پروگرام ۾ سنڌ جو وڏو وزير سيد مراد علي شاهه، ايم اين اي فريال ٽالپر، اڳوڻو وڏو وزير سيد قائم علي شاهه، پيپلز پارٽي سنڌ جو صدر نثار کهڙو، وفاقي وزير شازيه عطا مري، زراعت بابت صلاحڪار منظور وساڻ، صوبائي وزيرن، چونڊيل ميمبرن سميت عورتن ۽ مرد آبادگارن خاص طور تي شرڪت ڪئي. ان کان پھرين پاڪستان پيپلز پارٽي جي چيئرمين بلاول ڀٽو زرداري کي پريزنٽيشن ذريعي ٻڌايو ويو ته 2022ع جي ٻوڏ ۾ 4 ڏهائي 4 ملين ايڪڙ زمين مان 3 ڏهائي6 ملين ايڪڙن تي بيٺل خريف جو فصل تباهه ٿي ويو، جنهن سبب هارين کي 421 ارب رپين جو نقصان ٿيو. سنڌ جي وڏي وزير سيد مراد علي شاهه خطاب ڪندي چيو ته فصل جي تباھيءَ صوبي ۾ کاڌ خورال ۽ معاشي مسئلا پيدا ڪيا. ھن چيو تھ سنڌ حڪومت پارٽي قيادت جي ھدايت تي ڪڻڪ جي ٻج کي مھيا ڪرڻ جو پروگرام بڻايو. ٻج تي سبسڊي لاءِ 13 ڏهائي 5 ارب رپيا گھربل ھئا، سنڌ حڪومت ٻج جي سبسڊي لاءِ 8 ڏهائي 39 ارب رپين جو بندوبست ڪيو ۽ وفاقي حڪومت ان پروگرام لاءِ 4 ڏهائي 7 ارب رپين جي خاص گرانٽ ڏني. سيد مراد علي شاھھ چيو تھ آبادگارن کي ڪڻڪ جي پوکيءَ لاءِ مفت ٻج ڏيڻ جو پروگرام جوڙيو ھو، آبادگارن جو ڊيٽا ۽ ان جي تصديق واري عمل ڪري پوکيءَ دوران رقم ڏئي نھ سگھياسين. ھارين کي في ايڪڙ پنج ھزار رپين جي حساب سان ٻج ۽ کاڌ جي مد ۾ ڏئي رھيا آھيون، تصديق ٿيل آبادگارن جو انگ 185928 آھي، جن کي پنج ھزار رپيا في ايڪڙ منتقل ڪيا ويندا. ھن چيو تھ پھرين مرحلي ۾ 4 ڏهائي 227 ارب رپيا 185928 آبادگارن ۾ ورھايا ويندا، بينظير انڪم سپورٽ پروگرام کي 8 ڏهائي 39 ارب رپيا ڏنا ويا آھن، جنھن مان 4 ڏهائي 227 ارب رپيا ايندڙ ڏھن ڏينھن ۾ ورھايا ويندا. وڏي وزير چيو تھ اسان ڪڻڪ جو امدادي اگھھ چار ھزار رپيا رکيو آھي. ورلڊ بينڪ ھارين لاءِ سنڌ حڪومت جي مدد ڪئي آھي. سيد مراد علي شاھھ چيو تھ هو ھارين کي ٻج جي بدران رقم جي واپسيءَ جو خواھشمند ھو، پر وفاقي حڪومت پنھنجو واعدو پورو نھ ڪيو، تنھن ڪري سندس حڪومت پھرين مرحلي ۾ 12 ايڪڙ زمين رکندڙ ننڍن آبادگارن تائين رقم جي واپسي کي محدود ڪري ڇڏيو آھي. وڏي وزير چيو تھ 4 ڏهائي 227 بلين رپين جي تقسيم کان پوءِ 4 ڏهائي 17 بلين رپيا رقم بي آءِ ايس پي وٽ بچندي، جيڪا ٻئين مرحلي ۾ 25 ايڪڙ تائين ايراضي رکندڙ ھارين ۽ پھرين مرحلي ۾ رھجي ويل 12 ايڪڙ رکندڙ آبادگارن ۾ ورھائي ويندي، اسان 25 ايڪڙ جي آبادگارن کي ٻج جي مد ۾ 5000 رپيا في ايڪڙ ڏئي رھيا آھيون. وڏي وزير سمورن زميندارن کي ھدايت ڪئي تھ 5000 رپيا سندن ھارين کي ڏين. سيد مراد علي شاھھ چيو تھ اسان جي ملڪ ۾ آدم شماري ڊجيٽل طريقي سان ٿي رھي آھي. ھن وڌيڪ چيو تھ آدمشماري واري وقت کي وڌايو ويو آھي. وڏي وزير چيو تھ سڄي صوبي جي عوام کي عرض آھي تھ اوھان آدمشماري تحت رجسٽر ڪرايو، جيڪڏھن نھ ڪري سگھو تھ ٽيم اوھان وٽ ايندي، آدمشماري ۾ پاڻ کي ۽ ٻين کي رجسٽر ڪرايو. وڏي وزير چيو تھ مون وفاقي حڪومت کي خط لکيو آھي تھ جيڪڏھن اھا آدمشماري درست نھ ٿي تھ اسان قبول نھ ڪنداسين. سيد مراد علي شاھھ چيو تھ ڳڻپ کاتي وارا جنھن کي رجسٽر ڪري رھيا آھن، ان جي ڪاپي انھن کي فراھم ڪئي وڃي. وڏي وزير جي زراعت بابت صلاحڪار منظور وساڻ سبسڊي پروگرام لاڳو ڪرڻ ۾ پيش ايندڙ ڏکيائين بابت ڳالھائيندي چيو تھ ھارين جي حوالي سان ڪوبھ مستند ڊيٽا موجود نھ آھي. ھن وڌيڪ چيو تھ صوبي جي ڏورانھن علائقن کان ماڻھن جو وڏو انگ ڊيٽا گڏ ڪرڻ لاءِ پھتو آھي. ھن چيو تھ موبائل ايپ جي تياري ۽ ڊيٽا گڏ ڪرڻ ۽ ايپ جي تصديق جي حوالي سان لاڳاپيل عملي کي سکيا ڏيڻ پڻ ھڪ وڏو چيلنج ھو. ان دوران ھارين پاران زمين جي ڪاغذن جي تصديق ھڪ مسئلو ھو پر سمورن مسئلن ۽ چيلنجز جو مقابلو ڪيو ويو ۽ 12 ايڪڙ ۽ 25 ايڪڙ تائين جي ھارين جو ڊيٽا بينڪ تيار ڪيو. زراعت واري سيڪريٽري اعجاز مھيسر چيئرمين بلاول ڀٽو زرداري کي بريفنگ ڏيندي چيو تھ ورلڊ بينڪ موبائل ايپ بڻائڻ ۾ مدد ڪئي. ان بابت نشاندھي ڪئي وئي تھ زمين جي رڪارڊ جي تصديق لاءِ تپي سطح تي ڪميٽيون جوڙيون ويون آھن. وفاقي وزير شازيا مري چيو تھ بي آءِ ايس پي ويب سائيٽ تي بائيو ميٽرڪ تصديق بعد موبائل اڪائونٽ ذريعي رقم ورھائڻ لاءِ حبيب بينڪ لميٽڊ سان ڀائيواري ڪري تعلقي سطح تي 110 مرڪز قائم ڪيا آھن. شازيا مري چيو تھ صوبائي حڪومت 8 ڏهائي 39 بلين رپيا بي آءِ ايس پي کي منتقل ڪيا آھن، جنھن مان 4 ڏهائي 227 بلين رپيا ايندڙ 10 ڏينھن ۾ جاري ڪيا ويندا. واضح رھي تھ وڏي وزير چيو ھو تھ بي آءِ ايس پي وٽ باقي 4 ڏهائي 17 بلين رپيا، ٻئي مرحلي ۾ ورھايا ويندا، جنھن ۾ 25 ايڪڙ تائين ايراضي رکندڙ ھارين ۽ پھرئين مرحلي ۾ رھجي ويل آبادگارن ۾ ورھيا ويندا. |
عمران خان جو گرفتار نه ٿيڻ عدالت جي توهين آهي:شرجيل ميمڻ | سڌ سماءَ واري صوبائي وزير شرجيل انعام ميمڻ چيو آهي ته اڄوڪو ڏينهن پاڪستان جي تاريخ ۾ هڪ ڪارو ڏينهن آهي، پوليس کي عدالتي حڪمن تي عملدرآمد ڪرائڻ کان روڪيو ويو، پي ٽي آئي قانون جو مذاق اڏايو آھي، پوليس ڀڳوڙي کي گرفتار ڪرڻ لاءِ جڏهن زمان پارڪ پهتي ته هو ڀڄي ويو. جيڪو ٻين کي صلاحون ڏيندو هو ته گھٻرائڻ جي ضرورت ناهي، اهو پاڻ اڄ گهٻراهٽ جو شڪار آهي. اهڙن خيالن جو اظهار هن وزيراعليٰ هائوس ۾ ميڊيا سان ڳالهائيندي ڪيو. هن چيو ته عدالتي حڪمن تي ڪارروائي ڪئي پئي وڃي، عدالتي حڪمن کان مٿانهون ڪو به ناهي، جيڪي عدالتي حڪم ڪمزور لاءِ آهن، اهي ئي حڪم مضبوط لاءِ به هئڻ گهرجن، جنهن ريت عدالتي حڪمن تي عملدرآمد ڪمزور طبقن تي ڪيو وڃي ٿو، اهڙي طرح عمران خان جهڙي ٺڳ تي به عدالتي حڪمن تي عمل ٿيڻ گهرجي. سڌ سماءَ واري صوبائي وزير چيو ته اها ئي اسلام آباد پوليس جڏهن اڳوڻي صدر آصف علي زرداري جي گرفتاري لاءِ سندس رهائشگاهه پهتي ته سڀني ڏٺو ته صدر آصف علي زرداري گريس سان گرفتاري ڏني، هن جرئت ۽ حوصلي جو مظاهرو ڪري هڪ سچي سياسي اڳواڻ جو ثبوت ڏنو. هن چيو ته ٽيسٽ ٽيوب بيبي جنهن کي مصنوعي طريقي سان سياست ۾ آندو ويو، اڄ گرفتاريءَ جي خوف کان سندس ڄنگهون ڪيئن ڏڪي رهيون آهن. شرجيل انعام ميمڻ مطالبو ڪيو ته سپريم ڪورٽ اڄ آچر ڏينهن ان جو پاڻ مرادو نوٽيس وٺي، اها قانون جي توهين آهي، عدالتي حڪمن جي ڀڃڪڙي ڪئي پئي وڃي، ان سان اهو پيغام وڃي رهيو آهي ته هن ملڪ ۾ قانون جي حڪمراني ناهي. شرجيل انعام ميمڻ چيو ته عمران خان چوندو هو ته امير ۽ غريب لاءِ الڳ الڳ قانون آهي، پر اڄ ثابت ٿي ويو آهي ته عمران خان پاڻ کي ان طبقي ۾ وٺي آيو آهي، جنهن لاءِ ڪوبه قانون ناهي. جيڪڏهن ڪنهن عام شهري کي گرفتار ڪرڻ جو ڪيس هجي ها ته پوليس اهڙو تحمل جو مظاهرو ڪري ها، ڇا پوليس غريب سان اهڙو سلوڪ ڪندي؟ هن چيو ته جيڪڏهن ڪنهن غريب تي ڪيس هوندو آھي ته پوليس کيس ٿڏا ھڻي، پوليس موبائلن ۾ اڇليندي آھي جڏهن ته عمران خان کي وي آءِ پي ٽريٽمينٽ ڏني پئي وڃي. هن چيو ته پي ٽي آءِ ڪارڪنن کي زمان پارڪ ۾ گڏ ٿيڻ جو سڏ ڏنو پيو وڃي، هر جماعت وٽ اسٽريٽ پاور آهي، پي ٽي آءِ پنهنجي ننڍي اسٽريٽ پاور جو تماشو ڪندي قانون جي ڀڃڪڙي ڪري رهي آهي. اهو سواليه نشان آهي. هن چيو ته اڄوڪو ڏينهن پاڪستان جي تاريخ جو ڪارو ڏينهن آهي، زمان پارڪ ٻاهران پي ٽي آءِ ڪارڪنن کي گڏ ڪري اهي ڇا ثابت ڪرڻ چاهين ٿا، جڏهن سندن اڳواڻ ڪجهه نه ڪيو آهي ته تماشو ڪرڻ جي ڪھڙي ضرورت آهي. صوبائي وزير چيو ته هي ڪنهن نظرياتي جدوجهد جا گرفتاري وارنٽ ناهن، هي توشاخاني ۾ چوري ۽ ڌاڙن جي ڪيس ۾ گرفتاري جا وارنٽ آهن. شرجيل انعام ميمڻ چيو ته سپريم ڪورٽ فوري طور تي ان تماشي جو نوٽيس وٺي ۽ عمران خان کي گرفتار ڪيو وڃي. هن چيو ته عمران خان لاءِ اهو تاثر مضبوط ٿي رهيو آهي ته هن شخص سان هميشه لاڏلي جهڙو سلوڪ ڪيو ويو ۽ هن لاڏلي کي هميشه قانون کان مٿانهون سمجهيو ويو. هن چيو ته مان سمجهان ٿو ته لاڏلي عمران خان لاءِ ڪوبه قانون ناهي. هن چيو ته اهو نه سمجهيو وڃي ته هي ماتحت عدالت يا ننڍي عدالت جي توهين آهي، اهو ملڪ جي قانون تي چماٽ ۽ عدالت جي توهين آهي. هڪ شخص چوي ٿو ته هو گرفتاري نه ڏيندو. ملڪ جو قانون ۽ عدالتون هن شخص جي سامهون بيوس بڻيل آهن، ھن چيو ته ملڪ ۾ ٻه قانون نه ٿا هلي سگهن. جيڪڏهن اهو شخص اڄ ڪامياب ٿي ويو ته سڀاڻي پوليس ڪنهن به عدالتي حڪم تي عمل نه ڪرائي سگهندي. هن چيو ته ملڪ ۾ اهڙي قسم جي انارڪي نه ھجڻ گهرجي ۽ ملڪ ۾ قانون جي حڪمراني هئڻ گهرجي. هڪ سوال جي جواب ۾ هن چيو ته پاڪستان الحمدلله هڪ مضبوط ملڪ آهي، هي ملڪ ڪنهن جي پيءُ جي جاگير ناهي، هن ملڪ کي ڪو به نقصان نه ٿو پهچائي سگهي. ڪو به اها ڌمڪي نه ڏي ته جيڪڏهن عمران خان کي گرفتار ڪيو ويو ته ملڪ کي نقصان پهچائيندا، هن چيو ته اسان سڀ گڏجي هن ملڪ جي حفاظت ڪنداسين. |
ثاقب نثار ۽ فيض حميد اڃا به عمران لا لابنگ ڪري رهيا آهن:فضل الرحمان | اسلام آباد :جمعيت علماءِ اسلام (ف) جي امير مولانا فضل الرحمان چيو آهي ته ثاقب نثار ۽ فيض حميد هن وقت به عمران خان لا لابنگ ڪري رهيا آهن. ادارن کي گهرجي ته فوري طور تي ان جو نوٽيس وٺن ۽ انهن کي لغام ڏين. اهي پاڪستان جي سياست ۾ وقت کان اڳ مداخلت ڪرڻ جي ڪوشش نه ڪن. ڪالهه پريس ڪانفرنس دوران هن چيو ته سياسي صورتحال جي جيڪا تصوير پيش ڪئي پئي وڃي، اها تصوير اسان جي نظر کان بلڪل مختلف آهي. اڄ آءِ ايم ايف اسان جي بجيٽ ٺاهي ۽ قيمتون ڪنٽرول ڪري رهيو آهي. اسان هميشه عدالتن جو احترام ڪيو آهي، اسان هميشه آئين ۽ رياست سان گڏ بيٺا آهيون. اسان کي نگران حڪومتون قائم رکڻ جي ڪا به خواهش ناهي، اسان کي رياست کي منهن ڏيڻو پوندو. مولانا چيو ته اسان کي ڪنهن به سياسي مخالفت تي حقيقتن کان اکيون بند نه ڪرڻ گهرجن. هن وقت ٻه اسيمبليون موجود نه آهن، ٻنهي اسيمبلين جي ٽوڙڻ جو وقت هڪ جهڙو ناهي ۽ نه ئي چونڊن جو شيڊول ساڳيو آهي، هڪ ئي ادارو آهي، ان وٽ به شيڊيول ڏيڻ جو اختيار نه آهي، آدم شماري به ٿي رهي آهي، هاڻي چونڊون ٿينديون، پوءِ اها پراڻي آدمشماري جي بنياد تي ٿيندي. مولانا فضل الرحمان چيو ته ايندڙ وفاقي ۽ ٻن صوبن جي چونڊن لاءِ آدمشماري جي نوعيت مختلف هوندي، اهو ڪهڙو عمل آهي؟ هن چيو ته آئيني نقطه نظر کان اهو درست آهي، ڇا اسان پاڪستان جي سياست اهڙي طريقي سان ڪنداسين؟ عالمي اڳواڻن سان گڏجي هاڪاري انداز ۾ اڳتي وڌي رهيا آهيون، سپريم ڪورٽ پاڻمرادو نوٽيس ورتو آهي ته چونڊن جو شيڊول ڇو نه ڏنو پيو وڃي. هن چيو ته ڪاش 2018ع جي چونڊن ۾ ائين نه ٿيو ۽ اڄ اهي سوموٽو کڻي رهيا آهن. هي سپريم ڪورٽ آهي جنهن جي نظر ۾ 3 سال اليڪشن جي گهرج هوندي آهي. اڄ 90 ڏينهن ڏئي رهيا آهن. |
پاڪستان ۽ آئي ايم ايف وچ ۾ ورچوئل ڳالهيون اڄ کان ٻيهر شروع ٿينديون | اسلام آباد :حڪومت ايندڙ چئن مهينن لاءِ آمدني ۽ خرچن جي ڪاٿن کي حتمي طور طئي ڪرڻ لاءِ اڄ سومر کان عالمي مالياتي فنڊ سان ورچوئل ڳالهيون ٻيهر شروع ڪندي. رپورٽ مطابق هڪ سينيئر سرڪاري عهديدار ان اڳڀرائي جي تصديق ڪئي آهي. ورچوئل ڳالهين کانپو ليٽر آف انٽينٽ تي صحيحون ڪيون وينديون ۽ معاهدي جو اعلان ٿيندو. پاڪستان ۾ آئي ايم ايف جي مشن چيف نيٿن پورٽر جي سربراهي هيٺ آئي ايم ايف جي ٽيم ناڻي وزارت جي عملدارن سان ڪجهه ڏينهن تائين ڳالهيون ڪيون، جنهن کان پوءِ 3 مارچ جمعي تي ٽيڪس عملدارن سان آخري اجلاس ٿيو، جنهن ۾ مالياتي فرق کي پورو ڪرڻ تي روينيو جنريشن جي حوالي سان اڳواٽ قدم ۽ ان جي اثرن جو جائزو ورتو ويو. فيڊرل بورڊ آف روينيو (ايف بي آر) کي اهو خال ڀرڻ لاءِ اضافي 170 ارب رپيا روينيو گڏ ڪرڻ جو ڪم ڏنو ويو. جڏهن ته رهيل رقم ٻين قدمن مثال طور سبسڊي ختم ڪري ۽ گئس ۽ بجلي جي اگهن ۾ اضافي جي ذريعي حاصل ڪئي ويندي. ٻئي ڌريون اقتصادي ۽ مالياتي پاليسين جا مسودا يادداشت (ايم اي ايف پي) جو متن به بهتر بڻائينديون جيئن عام طور تي اسٽاف ليول ايگريمينٽ چيو وڃي ٿو. ذريعن چيو ته معاهدي جي متن تي تفصيلي بحث ڪيو ويندو. 21 فيبروري تي ناڻي واري سيڪريٽري حامد يعقوب شيخ ناڻي بابت پارلياماني ڪميٽي کي ٻڌايو هو ته ايم اي ايف پي کي هڪ هفتي ۾ آخري شڪل ڏني ويندي. جڏهن ته ايئن نه ٿي سگهيو. ناڻي وزارت جي رپورٽن ۾ ٻڌايو ويو ته آئي ايم ايف 4 وڌيڪ اڳواٽ قدمن جي گهر ڪئي هئي. چين جهڙي ٻطرفي قرض ڏيندڙن کان مالي مدد جي ضمانت وٺڻ آئي. ايم ايف جي شرطن ۾ شامل هو، تنهنڪري گذريل ڏينهن اسحاق ڊار اعلان ڪيو ته اسٽيٽ بئنڪ آف پاڪستان کي انڊسٽريل اينڊ ڪمرشل بئنڪ آف چائنا کان 50 ڪروڙڊالر مليا آهن. هي رقم پاڪستان کي ملندڙ ٽن قسطن مان پهرين هئي ڇو ته چيني بئنڪ پاڪستان لاءِ ڪل هڪ ارب 30 ڪروڙ ڊالر جيقرض جيرول اوور جي منطوري ڏني آهي. هن قرض سان اسٽيٽ بئنڪ جي گهت ٿيندڙ ناڻي مٽا سٽا جي ذخيرن ۾ اضافي جو امڪان آهي. جيڪي تازو ئي ڪجهه مهينن اندر ان سطح تائين هيٺ اچي ويا. جنهن سان مشڪل سان ٽن هفتن جي امپورٽ کي پورو ڪري سگهجي ٿو. |
عمران خان جا بيان ۽ تقريرون نشر ڪرڻ تي پابندي | اسلام آباد :پيمرا چيئرمين پي ٽي آءِ عمران خان جا بيان ۽ تقريرون نشر ڪرڻ تي پابندي لڳائي ڇڏي. تفصيل موجب پابندي پيمرا آرڊيننس جي سيڪشن 27 تحت لاڳو ڪئي وئي آهي. پيمرا موجب عمران خان پنهنجي تقريرن۽ بيانن ۾ رياستي ادارن تي بي بنياد الزام لڳائي رهيو آهي. پيمرا موجب عمران خان اشتعال انگيز بيانن ذريعي نفرت پکيڙي رهيو آهي. عمران خان جا بيان امن لاءِ خطرو آهن، سندس رڪارڊ ٿيل يا لائيو تقريرون ۽ بيانن تي پابندي هوندي. |
سڀني سان ڳالهائڻ ۽ سمجهوتو ڪرڻ لا تيار آهيان:عمران خان | تحريڪ انصاف جي چيئرمين عمران خان پنجاب ۾ اليڪشن مهم جي شروعات ڪندي چيو آهي ته مان سڀني سان ڳالهائڻ ۽ سمجهوتو ڪرڻ لا تيار آهيان، جن مون تي قاتلاڻو حملو ڪرايو، انهن کي به معاف ڪرڻ لا تيار آهيان، منهنجو مطالبو آهي ته 60 سيڪڙو ملڪ ۾ اليڪشن بدران سڄي ملڪ ۾ هڪ ئي وقت چونڊون ٿيڻ گهرجن، ليول پليئنگ فيلڊ تڏهن ايندي آهي جڏهن ملڪ ۾ انصاف هوندو آهي. لاهور ۾ وڊيو لنڪ ذريعي ڪارڪنن کي خطاب ڪندي هن چيو ته جڏهن اسان جي حڪومت ڪيرائي پئي وئي ته ان وقت آرمي چيف باجوا کي سمجهايو هو ته ان سان عدم استحڪام ايندو، سياستدان سڀني سان ڳالهائيندو آهي ڪنهن سان وچ وارو رستو ڪڍندو آهي پر جيڪي ماڻهو ملڪ جو پئسو چوري ڪن انهن سان ڳالهه ٻول ڪيئن ٿي ڪري سگهجي؟ جنرل باجوا چيو ته انهن کي اين آر او ڏي، عوام جو پئسو کين معاف ڪرڻ وارو مان ڪير ٿيندو آهيان، مون کي خبر آهي ته قاتلاڻي حملي ۾ ڪير ڪير ملوث هو، حملو ڪندڙن کي به معاف ڪرڻ لاءِ تيار آهيان. عمران خان چيو ته نيلسن منڊيلا 27 سال جيل ۾ ڪاٽيا ۽ ٻاهر اچي سڀني کي معاف ڪري ڇڏيائين، مان 26 سالن کان ملڪ ۾ قانون جي حڪمراني قائم ڪرڻ جي ڪوششون ڪري رهيو آهيان، اڄ پاڪستان جي جيڪا صورتحال آهي، ان ۾ سڀني کي گڏ ٿيڻو پوندو، سپريم ڪورٽ جي فيصلي بعد اهو يقين رکان ٿو ته اهي چونڊون ڪرائيندا، ملڪ کي ڌٻڻ مان ڪڍڻ لاءِ چونڊون پهريون قدم ۽ واحد حل آهي، سياسي استحڪام چونڊن سان ئي ايندو، ان کانپوءِ معاشي استحڪام ايندو، عوامي مينڊيٽ سان حڪومت ايندي ته عوام جو اعتماد وڌندو، اعتماد نه هوندو ته سيڙپڪار پنهنجو پئسو نه لڳائيندو. هن وڌيڪ چيو ته ايندڙ هفتي پهريون جلسو ڪري چونڊ مهم جي شروعات ڪندس، ٻن هفتن تائين سڀئي ٽڪيٽون ورهائي ڇڏيندس، پوئين ڀيري اسان جون ٽڪيٽون وڪرو ٿيون پر هن دفعي سڀئي ٽڪيٽون پنهنجي هٿن سان ڏيندس، جيڪو پارٽي جو نظم ۽ ٽوڙيندو ان کان پارٽي مان ڪڍي ڇڏيندس. |
رڪارڊ مهانگائي پگهارن کي ناڪافي ڪري ڇڏيو، گهر هلائڻ مشڪل | ملڪ ۾ عام واهپي جي شين جا اگهه آسمان تي پهچڻ ڪري صورتحال اها وڃي بيٺي آهي ته هڪ سال اڳ 50 هزار رپيا ڪمائيندڙ جي پگهار 15 هزار 750 رپيا گهٽجي وئي آهي. خانگي ٽي وي چئنل جي رپورٽ مطابق گذريل سال فيبروري کان فيبروري 2023ع تائين ملڪ ۾ مهانگائي 31 سيڪڙو وڌي وئي آهي، بجلي، گيس، پيٽرول، کاڄرو تيل، گيهه، اٽو، داليون، ڪڪڙ جو گوشت، اسڪول جي في ۽ ڀاڙا هر شئي جا اگهه چوٽ چڙهي ويا آهن، اهڙي صورتحال ۾ هڪ سال اڳ ۾ 50 هزار رپيا ڪمائيندڙ کي هاڻي 34 هزار 250 رپين ۾ گذارو ڪرڻو آهي، جنهن ۾ گهر جي مسواڙ، کاڌي پيتي جو سامان، اسپتال جا خرچ ۽ ٻارن جي اسڪول جي في به ڏيڻي آهي. رپورٽ مطابق اسٽيٽ بئنڪ مهانگائي تي ضابطي لا وياج جي شرح وڌائي پر ان جي نتيجي ۾ مهانگائي ويتر وڌي وئي آهي. |
اسان کي عمران خان جهڙي بزدل سان نه، مهانگائي سان مقابلو ڪرڻو آهي:شازيا مري | وفاقي وزير شازيا عطا مري خانڳڙهه ۾ بينظير انڪم سپورٽ پروگرام تحت بينظير ڊائنامڪ رجسٽري سينٽر جو افتتاح ڪري ڇڏيو. ان موقعي تي هن ميڊيا سان ڳالهائيندي چيو ته مظفر ڳڙهه ضلعي ۾ 6 ڊائنامڪ رجسٽري سينٽر ٺاهيا ويندا. هن چيو ته بي آءِ ايس پي تحت مظفر ڳڙهه جي 3 لک 21 هزار کان وڌيڪ خاندانن کي وظيفا ڏنا پيا وڃن ۽ ڊائنامڪ رجسٽري سينٽر ۾ هاڻي تائين 8 لک 72 هزار سروي مڪمل ڪيو ويو آهي. هن چيو ته حڪومت بينظير ڪفالت جي ايندڙ قسط لاءِ 78 ارب کان وڌيڪ جي رقم رکي آهي ۽ ساليانو بجيٽ 252 ارب رپيا آهي. وفاقي وزير چيو ته اسان جو نعرو اهو آهي ته طاقت جو سرچشمو عوام آهي ۽ اسان عوام جي نبض تي هٿ رکي انهن جي تڪليف کي سمجهنداسين. وفاقي وزير چيو ته ڪجهه لاڏلا سليڪٽ ٿي اچن ٿا، انهن جو سروڪار ئي ناهي ته ملڪ ۾ ڇا ٿي رهيو آهي. عمران خان 4 سال هيليڪاپٽر جا مزا ورتا، هاڻي ته عوام جي جان ڇڏي. اسان کي تو جهڙي بزدل جو مقابلو ناهي ڪرڻو، بلڪه مهانگائي ۽ بيروزگاري جو مقابلو ڪرڻو آهي. هن ملڪ کي سياسي استحڪام ۽ روزگار جي ضرورت آهي. وفاقي وزير شازيه مري خطاب ڪندي چيو ته افسوس آهي ته مون کي پڻ قاتل روڊ تي سفر ڪري اچڻو پيو. هن ماڻهن سان واعدو ڪيو ته بلاول وزيراعظم بڻيو ته هن قاتل روڊ کي ڊبل ڪرائڻ کان ڪو به روڪي نه سگهندو. وفاقي وزير چيو ته پيپلز پارٽي هميشه سچا واعدا ڪيا آهن ۽ واعدا وفا به ڪري ڏيکاريا. ووٽ جي قيمت جي خبر صرف ورڪرن کي ئي آهي، عمران خان پنهنجي 4 سالن ۾ هيليڪاپٽر جا مزا ورتا، هاڻي ملڪ جي جان ڇڏي. شازيه مري چيو ته اسان کي وڏين ڳالهين جي خبر آهي، پر اسان اوهان جي پيءُ جا قصا نه کولينداسين. اسان کي مهانگائي تي ضابطو آڻڻو آهي، ملڪ کي سياسي ۽ معاشي استحڪام جي ضرورت آهي ۽ مظفر ڳڙهه کي يونيورسٽي جي ضرورت آهي، اسان انشاءَ الله يونيورسٽي وارو واعدو پڻ نڀائينداسين. شازيه مري وومين امپاورمينٽ سينٽر خانڳڙهه ۾ بڻائڻ جو اعلان ڪيو آهي. هن چيو ته قاتل روڊ کي ڊبل ڪيو ويندو. سياست ڪرڻي آهي ته عوام جي پارٽي ۾ ڪيو. هن چيو ته خانڳڙهه جي عورتن لاءِ بي نظير انڪم سپورٽ پروگرام ڊائنامڪ رجسٽري سينٽر جي ڪائونٽرن جو تعداد وڌائڻو آهي. عمران خان کي محنت سان اقتدار مليو هجي ها ته هو ايئن ميدان ڇڏي نه ڀڄي ها. هن چيو ته جيڪي ماڻهو هن ملڪ کي ڦيڻي سڳي سان هلائي رهيا آهن، انهن کي عوامي مشڪلاتن جي خبر ئي ناهي. وفاقي وزير چيو ته شهيد ذوالفقار علي ڀٽو کي قتل ڪندڙن قوم جي ترقي کي قتل ڪيو. مسٽر توشه خانه چاهي ٿو ته اسان توشه خانه وساري ڇڏيون، واچ ڀلجي وڃو، باباءِ جمهوريت نوابزاده نصر الله خان اصولن تي ڄمي سياست ڪئي ۽ مخالفن سان اخلاقيات سان ڳالهايو. هن چيو ته هي ڪهڙو پلاسٽر آهي جيڪو اڃا لهي ئي نٿو. بينظير انڪم سپورٽ پروگرام جي ٽه ماهي قسط ۾ 25 سيڪڙو واڌ ڪئي پئي وڃي، جهڙي طرح بلاول نوجواني ۾ سياست ڪئي آهي، تو اها سياست پيريءَ ۾ به نه ڪئي. |
ميرپورخاص م ڪرڪيٽ چئمپين شپ ۾ 4 ٽيمن ۾ مقابلو | ميرپورخاص : ميرپورخاص پريس ڪلب جي زير نگراني شهيد ذوالفقار علي ڀٽو اسپورٽس ڪامپليڪس پي سي بي گرائونڊ ۾ ٿيندڙ شهيد محمود سلطان چانڊيو 100 بال ليگ ڪرڪيٽ چيمپئن شپ ۾ کيڏيل 2 ميچن مان هڪ ميچ جو فيصلو ٿي ويو. ٻيو ميچ گهٽ روشني سبب روڪيو ويو. پهرين ميچ ۾ پيٽرومين لائنز جي ٽيم يونائٽڊ اسٽارز جي ٽيم کي 14 رنس کان هارائي ڇڏيو. بيٽنگ ڪندي پيٽرومين لائنز جي ٽيم 100 بالن تي 124 رنس ٺاهي سگهي، زين پٺاڻ 36 ۽ مبين جٽ 29 رنسون ٺاهيون. يونائٽڊ اسٽارز جي ٽيم ٽارگيٽ پورو نه ڪري سگهي. مهمان خاص ميزان بئنڪ جي مئنيجر عبيدالله ۽ پي پي يوسي چيئرمين عبدالرئوف غوري کي ٽيمن سان تعارف ڪرايو ويو. |
ڍورونارو لڳ معصوم ٻارڙو ماکي جي مکين جي حملي ۾ فوت | ڍورونارو: ڍورونارو ويجھو ٽيون ميل موري تي ماکي جي مکين جي ڏنگن سبب 5 ورھين جو ٻارڙو ڪريم پٽ اشرف پٺاڻ فوت ٿي ويو. ان سلسلي ۾ وارثن متاثر ڇوڪري کي ڍورونارو جي سرڪاري اسپتال منتقل ڪيو، پر ٻارڙو اڳ ئي فوت ٿي چڪو ھو، ٻارڙو پنهنجي گهر ۾ راند ڪري رهيو هو، لوڙھي تي ويٺل ماکي جي مکين کيس ڏنگ هنيا، جنھن ڪري ري ايڪشن سبب معصوم رستي ۾ دم ڏئي ڇڏيو. ننڍڙي ٻالڪ جو لاش گھر پھچڻ تي ڪُهرام مچي ويو. |
هيڊ ٽيچرز جو اسڪول هلائڻ ۾ اهم ڪردار هوندو آهي:ستار عالماڻي | حيدرآباد: حيدرآباد ۾ فيڪلٽي آف ايجوڪيشن يونيورسٽي آف سنڌ اولڊ ڪئمپس حيدرآباد طرفان اولڊ ڪئمپس ۾ گورنمينٽ ۽ پرائيويٽ هيڊ ٽيچرز لا ڪيپيسٽي بلڊنگ آف اسڪول ليڊرز جي عنوان سان تربيتي ورڪشاپ منعقد ڪيو ويو، جنهن ۾ سرڪاري ۽ نجي اسڪولن جي مرد ۽ عورت هيڊ ٽيچرن وڏي انگ ۾ شرڪت ڪئي. ورڪشاپ ۾ فيڪلٽي آف ايجوڪيشن جي ڊين پروفيسر ڊاڪٽر عبدالستار عالماڻي هيڊ ٽيچرن جي آجيان ڪئي ۽ خطاب ڪندي چيو ته هيڊ ٽيچرز جو اسڪول هلائڻ ۾ اهم ڪردار هوندو آهي، هيڊ ٽيچرز، هيڊماستر يا هيڊمسٽريس ئي اسڪول جي ماحول کي بهتر بڻائي تعليمي سرگيون سٺي نموني جاري سگهن ٿا، ان لا ضروري آهي ته هيڊ ٽيچرز پاڻ اسڪول تي ڌيان ڏين ۽ معاملا ڏسن. پروفيسر ڊاڪٽر طارق ڀٽي چيو ته اسڪول هيڊ ٽيچرز سان ئي هلندو آهي، هيڊ ٽيچرز جو فرض آهي ته سمورن استادن کي گڏ کڻي هلي ۽ انهن سان اسڪول جي بهتري لا مشورا به ڪري. عارف لوڌي ليڪچر ڏيندي چيو ته اسڪولن ۾ ٻارن جي داخلا، تعليمي سرگرميون، استادن ۾ تعليمي اسڪل ۽ اسڪول جو ماحول بهتر ڪرڻ هيڊ ٽيچرز جي هٿ ۾ آهي، پر بدقسمتي سان اسان جي سماج جي اسڪولن جي حالت هيڊ ٽيچرز پاران توجه نه ڏيڻ سبب خراب آهي، ان ۾ بهتري آڻڻ لا سڀ کان اول هيڊ ٽيچرز کي پنهنجو ڪردار ادا ڪرڻو پوندو. ورڪشاپ ۾ پروفيسر ڊاڪٽر ثميرا ارم، سائره سومرو، جميل احمد قريشي ۽ ڊاڪٽر دلشاد اسڪول مئجمينٽ جي حوالي سان سيشنز دوران هيڊ ٽيچرن کي اسڪولي عمارت، ڊسيپلين، اسيمبلي ۽ ٻين معاملن بابت ليڪچر ڏنو. |
نصرپور ۾ مصري شاهه درگاهه جي اوتاري جي کوهه مان لاش هٿ | ٽنڊوالهيار: نصرپور جي مصري شاھه درگاھه جي اوتاري جي کوھه مان نامعلوم نوجوان جو لاش ھٿ آيو، ماڻهن جي اطلاع تي پوليس پهچي کوهه مان لاش ڪڍرايو ۽ سول اسپتال ٽنڊوالهيار آندو، جتان ضروري ڪارروائي ڪري لاش سردخاني ۾ رکيو ويو. نوجوان جي سڃاڻپ نه ٿي سگهي. ان سلسلي ۾ مقامي ماڻهن ٻڌايو ته نوجوان نصرپور جو رهواسي ناهي. |
جنهن پنهنجي نياڻي سان انصاف نه ڪيو، سو ملڪ سان ڪهڙو انصاف ڪندو:مريم نواز | ن ليگ جي سينيئر نائب صدر مريم نواز چيو آهي ته مريم جڏهن آئينو ڏيکاريندي آهي ته توهين عدالت ياد اچي ويندي آهي، توهين عدالت تڏهن ٿيندي آهي، جڏهن هڪ گهڙي چور پڪڙيو وڃي ۽ ٻاهر ڦرندو وتي. گوجرانوالا ۾ ورڪرز ڪنويشن سان خطاب ڪندي مريم نواز چيو ته توهين عدالت تڏهن ٿيندي آهي جڏهن وزيراعظم کي پٽ کان پگهار نه وٺڻ تي ٻاهر ڪيو وڃي، توهين عدالت تڏهن ٿيندي آهي، جڏهن توهان پنهنجي ملڪيت ۽ ڌيءَ کي لڪائيندا آهيو، ان ڪوڙ سان توهان 4 چونڊون وڙهيون، جيڪو شخص پنهنجي ڌيءَ کي انصاف نه ڏئي سگهيو، اهو پاڪستان سان ڪهڙو انصاف ڪندو؟ هن چيو توهين عدالت تڏهن ٿيندي آهي، جڏهن سازشي کي صادق ۽ امين جو سرٽيفڪيٽ ڏنو ويندو آهي، توهين عدالت تڏهن ٿيندي آهي جڏهن عدالت پيشي جو چئي ۽ هي حڪم نه مڃي، چيو ويندو هو ته نواز شريف هڪ ڪلاڪ ۾ پيش ٿئي ۽ ٿيندو هو، هن کي عدالت گهرائي رهي آهي ۽ هي پلاسٽر ڏيکاري رهيو آهي، هي نواز شريف تي ٽوڪون ڪندو هو، 5 مهينن کان پلاسٽر نٿو لاهي. سندس چوڻ هو ته نواز شريف خلاف تڪڙا فيصلا ايندا هئا، هن جي ڏوهن خلاف فيصلا ڪرڻ وارو ڪير آهي يا قيامت تائين کيس ڇڏيو ويو آهي. |
آرمي چيف سان ڳالهائڻ چاهيان ٿو، ڪير ڳالهائي نٿو ته ڇا ڪريان:عمران خان | تحريڪ انصاف چيئرمين عمران خان چيو آهي ته لڳي ٿو آرمي چيف مون کي پنهنجو دشمن سمجهي رهيو آهي، مان ڪرپٽ ناهيان، آرمي چيف ئي منهنجي خلاف ڪو ڪرپشن جو ڪيس ڪڍي، ملڪ جي بهتري لاءِ آرمي چيف سان ڳالهائڻ لاءِ تيار آهيان. لاهور ۾ صحافين سان ملاقات ۾ گفتگو ڪندي عمران خان چيو ته منهنجي اسٽيبلشمينٽ سان ڪا ويڙهه ناهي، جيڪڏهن ڪير اهو ٿو سمجهي ته گوڏا کوڙي ڇڏيندس ته ائين نٿو ٿي سگهي، هاڻ ڪو ڳالهائڻ لاءِ ئي تيار ناهي ته مان ڇا ڪيان، ملڪ جي بهتري لاءِ آرمي چيف سان ڳالهائڻ لاءِ تيار آهيان. هن چيو ته مان چئلينج ٿو ڪريان ته مون تي ۽ گهرواري تي ڪرپشن جو هڪ به ڪيس ثابت ڪيو، آرمي چيف ئي منهنجي خلاف ڪو ڪرپشن جو ڪيس ڪڍي، لڳي ٿو ته آرمي چيف مون کي پنهنجو دشمن سمجهي رهيو آهي، اسان جي اسٽيبلشمينٽ کي سمجهه ئي ناهي ته سياست ڇا ٿيندي آهي. سندس موجب وڏو زور لڳايو ويو ته پرويز الاهي منهنجو ساٿ ڇڏي ڏئي، هاڻ اسان کي پرويز الاهي سان وفاداري ڏيکارڻي آهي، مان ڪنهن سان بي وفائي نٿو ڪري سگهان. عمران خان چيو ته جنرل (ر) باجوا منهنجي چيلهه ۾ چاقو هنيو، اسان پي ڊي ايم جي امپائرن باوجود چونڊون کٽينداسين، سمنڊ پار پاڪستاني پي ٽي آءِ سان گڏ آهن. |
تحريڪ انصاف اڳواڻن جي نظربندي معطل، عدالت آزاد ڪرڻ جو حڪم ڏئي ڇڏيو | لاهور ها ڪورٽ شاهه محمود قريشي، اسد عمر ۽ تحريڪ انصاف جي ٻين نظربند ڪيل اڳواڻن کي آزاد ڪرڻ جو حڪم ڏئي ڇڏيو آهي. پي ٽي آ طرفان جيل ڀريو تحريڪ جي پهرئين مرحلي ۾ گرفتاري ڏيندڙ اڳواڻن بابت ها ڪورٽ ۾ جسٽس طارق سليم شيخ درخواستگذار فواد چوڌري جي درخواست تي حڪم جاري ڪندي شاهه محمود قريشي، اسد عمر ۽ ٻين اڳواڻن جي نظربندي جا حڪم معطل ڪري ڇڏيا ۽ اڳواڻن کي آزاد ڪرڻ جو حڪم ڏنو. عدالت طرفان پنجاب حڪومت سميت ڌرين کان 6 مارچ تائين جواب پڻ طلب ڪيو ويو آهي. واضح رهي ته شاهه محمود قريشي، اسد عمر ۽ اعظم سواتي سميت ٻين اڳواڻن ۽ ڪارڪنن کي لاهور مان گرفتار ڪري پنجاب جي ٻين مختلف جيلن ۾ نظربند ڪيو ويو هو. |
بي اين پي جو ملڪ عبدالولي ڪاڪڙ بلوچستان جو گورنر مقرر | بلوچستان ۾ به نئون گورنر اچي ويو، صدر عارف علوي ملڪ عبدالولي ڪاڪڙ کي صوبي جو گورنر مقرر ڪري ڇڏيو آهي. ايوان صدر جي پريس ونگ موجب صدر بلوچستان جي گورنر جي مقرري آئين جي آرٽيڪل 48 هڪ ۽ 101 تحت وزيراعظم جي ايڊوائيس تي ڪئي آهي. واضح رهي ته وزيراعظم شهباز شريف بلوچستان جي گورنر لاءِ بي اين پي کان نالا طلب ڪيا هئا، جنهن بعد بي اين پي ملڪ عبدالولي ڪاڪڙ جو نالو تجويز ڪيو هو. وزيراعظم شهباز شريف طرفان سفارشون موڪليون ويون هيون، جنهن کي صدر عارف علوي منظوري ڏيندي ايڊوائيس تي صحيح ڪري ڇڏي. |
اعظم خان ڪراچي ڪنگز تي ڪڙڪي پيو، ڇڪن چوڪن جي برسات، اسلام آباد جا ٻيڙا پار | اسلام آباد يونائيٽيڊ جي هٽر اعظم خان 41 بالن تي 72 رنسن جي طوفاني اننگز ذريعي ڪراچي ڪنگز کي 6 وڪيٽن تان شڪست ڏئي پي ايس ايل-8 مان واپسي جي راهه ڏيکاري ڇڏي. اسلام آباد 202 رنسن جو ٽارگيٽ ڇهن وڪيٽن جي نقصان تي آخري اوور ۾ پورو ڪري ڪراچي کي ميگا ايونٽ ۾ ڇهين شڪست جو منهن ڏيکاريو، جڏهن ته اسلام آباد ڇهن مئچن ۾ چوٿين ڪاميابي حاصل ڪئي. ڪراچي جي ڪپتان عماد وسيم 92 ٺاهي ناٽ آئوٽ رهيو پر سندس اننگز ضايع ٿي وئي. |
آدمشماري ۾ سنڌ جي آبادي جي صحيح ڳڻپ نه ٿي رهي آهي:وڏو وزير | سنڌ جي وڏي وزير سيد مراد علي شاهه چيو آهي ته آدمشماري ۾ سمورن ماڻهن جي باقاعدگي سان ڳڻپ ڪئي وڃي ۽ سمورن ڪمشنرن، ڊپٽي ڪمشنرن کي گهرجي ته گهرن جي سمورن فردن جي ڳڻپ کي يقيني بڻائين. وڏي وزير مراد علي شاهه جي صدارت هيٺ آدمشماري بابت اهم اجلاس ٿيو، جنهن ۾ صوبائي وزير، چيف سيڪريٽري، صوبائي سيڪريٽريز ۽ سمورن ڪمشنرن ۽ ڊپٽي ڪمشنرن وڊيو لنڪ ذريعي شرڪت ڪئي. وڏي وزير سنڌ چيو ته مان چاهيان ٿو ته آدمشماري ۾ سمورن ماڻهن جي باقاعدگي سان ڳڻپ ڪئي وڃي، مردم شماري قومي فرض آهي، هر ڪنهن کي پنهنجي ڳڻپ ڪرائڻ گهرجي. هن چيو ته هي هڪ ڊجيٽل مردم شماري آهي ۽ ٽيبليٽ ذريعي ڊيٽا داخل ڪئي پئي وڃي. مردم شماري جي آگاهي مهم کي تيز ڪيو وڃي ۽ ٻهراڙي سطح تي سڀني گهرن ۽ آبادگارن جي ڳڻپ کي يقيني بڻايو وڃي. هوڏانهن سنڌ جي وڏي وزير سيد مراد علي شاهه چيو آهي ته ڪراچي کي 100 ميگا واٽ بجلي فراهم ڪرڻ جي ڏوهه ۾ هر ٻن هفتن کانپوءِ اسلام آباد سڏايو ويندو آهي، گذريل چئن مهينن کان فيصلو محفوظ آهي پر ٻڌايو نه پيو وڃي. هن چيو ته ڪالهه معلوم ٿيو ته جج موڪل تي آهي تنهنڪري هو اسلام آباد نه ويو. هن اهڙو اظهار ارڙهين “مائي ڪراچي: اوسيس آف هارموني” عالمي نمائش افتتاحي تقريب کي بطور مهمان خاص خطاب ڪندي ڪيو. سنڌ جي وڏي وزير جو ايڪسپو سينٽر پهچڻ تي اڳوڻي چيئرمين ڪي سي سي آءِ زبير موتي والا ۽ ڪي سي سي آءِ جي صدر طارق يوسف سندس استقبال ڪيو. ان موقعي تي وڏي وزير سان گڏ صوبائي وزير شرجيل ميمڻ، صوبائي وزير صنعت ڄام اڪرام ۽ مڪاني ادارن وارو وزير ناصر شاهه پڻ موجود هئا. “مائي ڪراچي – اوسيس آف هارموني” جي افتتاح کانپوءِ تقريب کي خطاب ڪندي وڏي وزير چيو ته مائي ڪراچي نمائش ۾ خاص مهمان طور دعوت ملڻ تي کيس خوشي ٿي آهي ۽ ڪي سي سي آءِ جي ڪاميابين تي فخر آهي. سنڌ جي وڏي وزير چيو ته ڪراچي کي 100 ميگاواٽ بجلي فراهم ڪرڻ جي ڏوهه ۾ کين هر ٻن هفتن بعد اسلام آباد سڏيو وڃي ٿو، گذريل 4 مهينن کان فيصلو محفوظ آهي پر ان تي عمل ناهي ڪيو پيو وڃي. هن چيو ته ڪالهه معلوم ٿيو ته جج موڪل تي آهي، تنهنڪري هو اسلام آباد نه ويو. هن چيو ته مائي ڪراچي نمائش 2004ع کان منعقد ٿي رهي آهي پر ڪرونا سبب گذريل ٽن سالن کان اها نمائش نه ٿي سگهي. هن چيو ته ڪراچي پاڪستان جو معاشي حب ۽ دل آهي، وزيراعليٰ چيو ته هٿيارن ۽ منشيات جو ڪلچر افغان جنگ سان شروع ٿيو. هن چيو ته قانون لاڳو ڪندڙ ادارن جي محنت وگهي ڪراچي هن وقت 125 هين نمبر تي آهي. سنڌ جي وڏي وزير چيو ته ڪراچي پوليس آفيس تي حملو ٿيو، جنهن ۾ 5 جوان شهيد ٿي ويا، جنهن ڀرپور جوابي ڪارروائي ڪئي، آپريشن ۾ پاڪ فوج، پوليس ۽ رينجرز حصو ورتو. هن چيو ته ملڪ جي چئن صوبن ۾ دهشتگردي جا واقعا ٿيا آهن، سڄي ملڪ ۾ گهمڻ کانپوءِ دهشتگرد ڪراچي پهچي ويا، جيڪو ڪنهن به صورت ۾ قبول ناهي، اسان نيشنل ايڪشن پلان تي عمل ڪري رهيا آهيون. سنڌ جي وڏي وزير چيو ته هو دهشتگردن سان وڙهي رهيا آهن ۽ وڙهندا رهندا. هن چيو ته ڪي پي او تي حملي کانپوءِ چيو ويو ته پي ايس ايل جون ميچون نه ڪرايون وڃن، پر مون چيو هو ته ميچون ٿينديون ۽ دهشتگردن کي شڪست به ڏينداسين. هن چيو ته ڪراچي ۾ اڳ ڪو ايونٽ نه ٿيندو هو پر هاڻي صورتحال تمام بهتر آهي جنهن جو ثبوت 2 مهينن ۾ آئيڊياز، نيوي ايگزيبيشن، پي ايس ايل ۽ هاڻي مائي ڪراچي ايونٽس منعقد ڪرڻ آهي. سنڌ جي وڏي وزير صوبي ۾ جاري آدمشماري جي حوالي سان چيو ته سنڌ جي آبادي صحيح ڳڻپ نه ٿي رهي آهي، آدمشماري جي طريقي ۾ ڏکائيون آهن. هن چيو ته سنڌ پوليس هن وقت پوليو مهم ۽ مردم شماري جي سيڪيورٽي ۾ مصروف آهي. سنڌ جي وڏي وزير پنهنجي خطاب ۾ چيو ته هي نمائش واقعي ڪي سي سي آءِ لاءِ هڪ تاريخي موقعو آهي، ڪي سي سي آئي پاران نمائش جو افتتاح سندس ارڙهن سالن جي سماجي خدمت ۽ محنت جو مظهر آهي. هن چيو ته ارڙهين ورلڊ مائي ڪراچي نمائش مرحوم سراج قاسم تيلي جي ڪراچي لاءِ شاندار خدمتن جو اعتراف آهي. 2004 کان وٺي هر سال هڪ عالمي واپاري ميلو ڪوٺائڻ هڪ وڏي شروعات آهي، نمائش پرڏيهي سيڙپڪارن کي مقامي ڪميونٽي سان ڳنڍڻ جا موقعا فراهم ڪري ٿي. هن چيو ته ڪراچي ۾ معاشي سرگرمين سان ملڪ جو سافٽ اميج بحال ٿيو آهي، هو سندن ٿورائتو آهي جن مائي ڪراچي نمائش کي ڪامياب ميگا ايونٽ بڻائڻ ۾ ڪردار ادا ڪيو. هن چيو ته سمورن عالمي ۽ قومي نمائش ڪندڙن کي هن نمائش ۾ شرڪت لاءِ ڀليڪار چئون ٿا، ڪاروباري ۽ اقتصادي سرگرمين کي هٿي وٺرائڻ وقت جي ضرورت آهي ۽ هن نمائش مقامي ۽ عالمي نمائش ڪندڙن کي هڪ موقعو فراهم ڪيو آهي. سنڌ جي وڏي وزير چيو ته نمائش سان پاڪستان جي مصنوعات، پارٽنرشپ، لاڳاپن ۽ اقتصادي لاڳاپن ۾ واڌ ٿيندو، جڏهن ته هن نمائش سان ٻه طرفي واپار کي هٿي ملندي ۽ ڪراچي بابت منفي تاثر کي رد ڪيو ويو آهي. هن چيو ته ڪراچي شهر پاڪستان جي معاشي ترقي جي وڏي صلاحيت رکي ٿو، ڪمزور معيشت جي باوجود ڪراچي شهر پاڪستان جي جي ڊي پي، برآمدات ۽ آمدنيءَ ۾ اهم ڪردار ادا ڪري ٿو. هن چيو ته ڪراچي شهر سڄي دنيا مان سيڙپڪارن کي ڌيان ڇڪرائڻ لاءِ هر وقت تيار آهي، سنڌ حڪومت پيداواري لاڳت ۾ گهٽتائي ڪري سازگار ماحول پيدا ڪرڻ جي ڪوشش ڪري رهي آهي. هن چيو ته صوبائي حڪومت ترقي ۾ رڪاوٽ بڻيل رڪاوٽون ختم ڪري رهي آهي، اسان معاشي ترقي ۽ غربت جي خاتمي لاءِ ڪاروباري لاڳت کي بهتر بڻائڻ تي به ڪم ڪري رهيا آهيون. وڏي وزير سنڌ چيو ته نمائشن جو ڪردار ڪنهن به ملڪ لاءِ اهم هوندو آهي، صنعتي ترقي، روزگار ۾ واڌ ۽ خوشحالي لاءِ نمائشون ضروري آهن. سنڌ جي وڏي وزير ڪي سي سي آءِ جي موجوده چيئرمين کي دل جي گهراين سان مبارڪباد ڏيندي چيو ته اسان پاڪستان جي معاشي صورتحال کي بهتر بڻائڻ لاءِ هر سطح تي ڪوششون ڪري رهيا آهيون، معيشت جي بحاليءَ لاءِ سڀني کي گڏجي ڪم ڪرڻو پوندو ۽ هر ڪنهن کي پنهنجو پنهنجو ڪردار ادا ڪرڻو پوندو. |
مٺي ۾ جهنگلي جيوت جي تحفظ لا جاڳرتا ريلي،شھر جو گشت | مٺي:مٺي ۾ ولي فائونڊيشن ۽ سول سوسائٽي پاران جهنگلي جيوت جي عالمي ڏهاڙي تي جيوت جي تحفظ لا بلاول پارڪ کان جاڳرتا ريلي ڪڍي شھر جو گشت ڪيو ويو. ريلي ۾ ولي نهڙيو، حاجي ڪنڀار، عبدالسبحان سميجو، جيلم سنگهھ، آفتاب سميجو، ماما وشن ٿري ۽ سول سوسائٽي جي اڳواڻن، واپارين، وڪيلن، شاگردن ۽ ضلع انتظاميا جي نمائندن سميت وڏي انگ ۾ شھرين شرڪت ڪئي. ان موقعي تي اڳواڻن خطاب ڪندي چيو ته جهنگلي جيوت جو تحفظ وقت جي حڪومتن توڙي هر فرد جي ذميواري آھي. ٿر جهنگلي جيوت جي پناهه گاهه ۽ فطرت جي حسين نظارن جو گلدستو آھي. جهنگلي جيوت جي شڪار ۽ نسل ڪشي تي تاحيات پابندي لڳائي خلاف ورزي ڪندڙن خلاف سزا واري قانون ۾ ترميم ڪئي وڃي. هنن چيو ته سنڌ جو وائلڊ لائف ايڪٽ وارو قانون پراڻو هجڻ ڪري جهنگلي جيوت جي نسل ڪشي ڪندڙ گروهه يا جوابدار سزا کان بچي وڃن ٿا. |
وزيراعظم سان آصف زرداري ۽ فضل الرحمان جي ملاقات،سياسي مشاورت | اسلام آباد: وزيراعظم شهباز شريف سان اڳوڻي صدر آصف علي زرداري ۽ پي ڊي ايم سربراهه مولانا فضل الرحمان ملاقات ڪئي آهي. پڌرائيءَ موجب وزيراعظم هائوس ۾ ٿيندڙ ملاقات ۾ ملڪ جي سياسي صورتحال تي مشاورت ڪئي وئي. ذريعن جو چوڻ آهي ته ملاقات ۾ صدر طرفان چونڊن جي اعلان کانپوءِ جي صورتحال تي خيالن جي ڏي وٺ ڪئي وئي. واضح رهي ته صدر عارف علوي پنجاب ۾ چونڊن لاءِ 30 اپريل جي تاريخ جي منظوري ڏني آهي. |
پنجاب اسيمبلي جون چونڊون 30 اپريل تي ڪرائڻ جو اعلان | اسلام آباد: صدر عارف علوي پنجاب جي چونڊن لاءِ 30 اپريل جي تاريخ جي منظوري ڏئي ڇڏي. اليڪشن ڪميشن آَف پاڪستان طرفان صدر کي پنجاب ۾ چونڊن لاءِ 30 اپريل کان 7 مئي تائين تاريخون تجويز ڪيون ويون هيون. ان کانپو صدر پنجاب ۾ چونڊن لاءِ اليڪشن ڪميشن جي تجويز ڪيل تاريخن تي غور کانپوءِ 30 اپريل جي تاريخ جي منظوري ڏني. ان ڏس ۾ صدر ڊاڪٽر عارف علوي اليڪشن ڪميشن جي تجويز ڪيل تاريخن تي غور ڪرڻ کانپوءِ پنجاب جي صوبائي اسيمبلي جون عام چونڊون 30 اپريل 2023ع (آچر) تي منعقد ڪرڻ جو اعلان ڪري ڇڏيو آهي. ايوان صدر جي پريس ونگ موجب صدر اليڪشن ڪميشن آف پاڪستان جي تجويز ڪيل تاريخن تي غور ڪرڻ کانپوءِ چونڊن جي تاريخ جو اعلان ڪيو آهي. اليڪشن ڪميشن پنجاب جي صوبائي اسيمبلي جي عام چونڊون منعقد ڪرڻ جي لاءِ پولنگ جي تاريخ 30 اپريل کان 7 مئي 2023ع جي وچ ۾ تجويز ڪئي هئي ۽ وڌيڪ تجويز ڏني هئي ته چونڊون ترجيحي طور تي آچر تي ڪرايون وڃن. ان کان اڳ اليڪشن ڪميشن سپريم ڪورٽ جي حڪم جي روشني ۾ صدر ۽ ڪي پي جي گورنر کي خط لکيو هو، جنهن ۾ ڪي پي ۾ چونڊن لاءِ گورنر کان جواب گهريو ويو آهي. اليڪشن ڪميشن سپريم ڪورٽ جي فيصلي جي روشني ۾ صدر مملڪت کي خط اماڻيو، جنهن ۾ پنجاب صوبي ۾ اليڪشن ڪرائڻ لاءِ 30 اپريل کان 07 مئي 2023ع تائين جون تاريخون تجويز ڪيون ويون آهن. جمعي ڏينهن اليڪشن ڪميشن آف پاڪستان مان جاري ڪيل بيان مطابق چيف اليڪشن ڪمشنر سڪندر سلطان راجا جي سربراهي ۾ اليڪشن ڪميشن جو اجلاس منعقد ٿيو، جنهن ۾ اليڪشن ڪميشن جي معزز ميمبرن کان علاوه اليڪشن ڪميشن جي سينيئر آفيسرن شرڪت ڪئي. اليڪشن ڪميشن سپريم ڪورٽ آف پاڪستان جي فيصلي جي روشني ۾ صدر مملڪت کي خط اماڻيو ويو آهي جنهن ۾ پنجاب صوبي ۾ اليڪشن ڪرائڻ لاءِ 30 اپريل کان 07 مئي 2023ع تائين جون تاريخون تجويز ڪيون ويون آهن. صدر مملڪت طرفان تاريخ جي چونڊ بعد اليڪشن ڪميشن پنهنجو آئيني ۽ قانوني فرض ادا ڪرڻ لاءِ تيار آهي. اليڪشن ڪميشن خيبرپختونخواهه جي گونر ڏانهن به خط اماڻيو آهي، جنهن ۾ لکيو ويو آهي ته سپريم ڪورٽ آف پاڪستان جي حڪمن جي روشني ۾ اليڪشن ڪميشن توهان جي جواب جي منتظر آهي. |
سپريم ڪورٽ ۽ هاءِ ڪورٽس لاءِ “معزز” جو لفظ نه لکڻ گهرجي:جسٽس فائز | اسلام آباد : سپريم ڪورٽ جو چوڻ آهي ته “معزز” جهڙن لقبن کي عدالتن لاءِ استعمال نه ڪرڻ گهرجي. سپريم ڪورٽ ۽ هاءِ ڪورٽس لاءِ “معزز” جو لقب استعمال ڪرڻ بابت تحريري حڪم نامو جاري ڪيو ويو آهي. جسٽس قاضي فائز عيسيٰ اسٽيٽ لائف انشورنس جي ملازم جي ڪيس ۾ حڪم جاري ڪيو، جنهن ۾ هن چيو اميد آهي ته جج، وڪيل ۽ درخواستگذار خوشامدي ۽ تعصبي ٿيڻ جي تاثر کان پاسو ڪندا. جسٽس قاضي فائز پنهنجي حڪم نامي ۾ لکيو ته پاڪستان جي آئين ۾ معزز يا عزت ماب جهڙا لقب عدالتن لاءِ نه لکيا ويا، پارليامينٽ، قومي ۽ صوبائي اسيمبلي لاءِ “معزز” جو لفظ ڪير استعمال ناهي ڪندو پر سپريم ڪورٽ يا هاءِ ڪورٽس لاءِ “معزز عدليا” جو لقب عام استعمال ٿي رهيو آهي. هن چيو ته برطانوي پارليامينٽ، جيڪا پارلياماني نظام جي ماءُ سڏي ويندي آهي، اتي به معزز پارليامينٽ ناهي لکيو ويندو، ججن يا پارليامينٽ ميمبرن کي معزز ميمبر لکڻ ۾ حرج ناهي.جسٽس قاضي فائز عيسيٰ چيو ته ڪيس جي شنوائي دوران وڪيل هر هر معزز سپريم ڪورٽ چيو، پڇاڻي تي ٻڌايائين ته لاهور هاءِ ڪورٽ جي فيصلي ۾ 16 ڀيرا معزز سپريم ڪورٽ لکيو ويو. عدالت سروس ٽربيونل جي فيصلي خلاف شوڪت علي جي درخواست خارج ڪري ڇڏي. |
ملڪ جو ڏيوالو ناهي نڪتو ۽ نه ئي نڪرندو:اسحاق ڊار | اسلام آباد :ناڻي واري وفاقي وزير اسحاق ڊار چيو آهي ته هر وقت اهو چوڻ ته ملڪ جو ڏيوالو نڪري رهيو آهي، ٺيڪ ناهي. نه ملڪ جو ڏيوالو نڪري پيو نه ئي نڪرندو. اڳوڻي ايف بي آر چيئرمين شبر زيدي ملڪ سان جيڪو ڪيو، کيس جيل ۾ هجڻ گهرجي. پريس ڪانفرنس کان اڳ اسحاق ڊار صحافين کي ملي ويو ته هر سوال جي جواب ۾ 4 لڳي 10 منٽ چوڻ لڳو، سوال ٿيو ته توهان استعيفيٰ ڏئي رهيا آهيو؟ جنهن تي جواب 4 لڳي 10 منٽ آيو. اسحاق ڊار کان سوال ٿيو ته شبر زيدي چئي رهيو آهي توهان استعيفيٰ پيا ڏيو؟ جنهن تي اسحاق ڊار چيو ته شبر زيدي جيڪو ملڪ سان ڪيو، کيس جيل ۾ هجڻ گهرجي. پوءِ پريس ڪانفرنس ۾ اسحاق ڊار چيو ته مان ڇو استعيفيٰ ڏيان، ڪير آهيو توهان؟ مون کي خبر آهي ته توهان ڇا ڪيو آهي ملڪ سان. هن چيو ته عمران خان ملڪ کي ڊيفالٽ ڪرڻ ۾ ڪا ڪسر نه ڇڏي پر پاڪستان ڊيفالٽ نه ڪندو، اسان وٽ پاليسي به آهي، پلان به آهي ۽ روڊ ميپ به آهي، توهان وٽ ڇا هو؟ سندس چوڻ هو ته عمران خان حقيقتن جي ابتڙ ڳالهيون ڪري رهيو آهي، هن ايتري تائين چئي ڇڏيو ته پاڪستان ُٽٽي ويندو، عمران خان کي آڻيندڙن چيو ته جيڪڏهن هي ڪجهه وقت رهجي وڃي ها ته ملڪ نه بچي ها. اسحاق ڊار وڌيڪ چيو ته ڪراچي مان گذريل سال نجي سيڪيورٽي ڪمپني جي گاڏين ۾ ٻه ارب ڊالر پشاور منتقل ٿيا، ان معاملي جي جاچ ڪري رهيا آهيون، ڪارروائي ڪنداسين. |
پريالو ڀرسان زمين جي تڪرار تان فائرنگ ۾ ٻن ڀائرن سميت 3 ڄڻا قتل، 4 زخمي | خيرپور: خيرپور جي علائقي ڳاڙھي موري ڀرسان پلاٽ جي تڪرار تان ٻن ڌرين ۾ جھيڙو، گوليون لڳڻ سبب 3 ڄڻا قتل، 4 زخمي. خبر موجب پريالوءِ ٿاڻي جي حد ڳاڙھي موري ڀرسان ڳوٺ ڏونگر خان ڏونگراڻي ۾ پلاٽ جي معاملي تان ٻن ڌرين ۾ تڪرار تان ھڪ ڌر جمعي نماز تان واپس ايندڙن تي فائرنگ ڪري ڏني، جنھن سبب ٻن ڀائرن سميت 3 ڄڻا قتل ٿي ويا، قتل ٿيلن ۾ 17 ورھين جو رحمت الله ڏونگراڻي، 28 ورھين جو رابيل پٽ وريل ۽ 17 ورھين جو حيدر پٽ مير حسن ڏونگراڻي شامل آهن، جڏهن ته عبدالقدير، علي حسن، عثمان زخمي ٿي پيا. اطلاع تي پوليس پهچي لاش تحويل ۾ ورتا. جڏهن ته لاش ۽ زخمين کي سول اسپتال خيرپور منتقل ڪيو ويو، جنهن کان پو مقتولن جا لاش پوسٽ مارٽم بعد وارثن حوالي ڪيا ويا. ھوڏانھن پوليس علائقي ۾ ڇڪتاڻ بعد پوليس پڪٽ قائم ڪري ورتي. جڏهن ته علائقي ۾ خوف واري صورتحال آهي. آخري اطلاعن تائين واقعي جو ڪيس داخل نه ٿي سگهيو. |
قوم حڪومتي تبديلي واري سازش جي قيمت ادا ڪري رهي آهي:عمران خان | تحريڪ انصاف جي چيئرمين عمران خان وياج جي شرح ۾ رڪارڊ واڌ ۽ ڊالر جي وڏي اڏام تي تبصرو ڪندي پي ڊي ايم حڪومت کي سخت تنقيد جو نشانو بڻايو آهي. ٽوئيٽر تي پنهنجي بيان ۾ هن چيو ته قوم حڪومتي تبديليءَ (رجيم چينج) واري سازش جي ڳري قيمت ادا ڪري رهي آهي، اڳوڻي آرمي چيف سازش ذريعي قوم تي ڏوهارين کي مڙهيو، پي ڊي ايم سرڪار جي 11 مهينن دوران پاڪستاني رپئي کي ذبح ڪيو ويو آهي، رپئي جي ملهه ۾ 62 سيڪڙو کان وڌيڪ لاٿ يا ڊالر جي ڀيٽ ۾ 110 رپيا گهٽتائي ٿي آهي. هن وڌيڪ چيو ته رپئي جو ملهه ڪرڻ سان پرڏيهي قرضن ۾ 14 ڏهائي 3 کرب جو اضافو ٿيو آهي، جڏهن ته مهانگائي 31 ڏهائي 5 سيڪڙو جي شرح سان 75 سالن جي تاريخ جي بلند ترين سطح تي پهچي وئي آهي. |
وياج جي شرح 18 مان وڌائي 20 سيڪڙو مقرر، 27 سالن بعد مٿانهين سطح تي پهچي وئي | اسٽيٽ بئنڪ آ ايم ايف جي مطالبي تي وياج جي شرح ۾ هڪ ئي ڌڪ سان 3 سيڪڙو واڌ جو اعلان ڪري ڇڏيو، جنهن بعد ملڪ ۾ وياج جي شرح پراڻا رڪارڊ ٽوڙي 18 کان 20 سيڪڙو تي پهچي وئي آهي، اها 29 سالن کانپو ملڪ ۾ وياج جي سڀ کان مٿانهين شرح آهي. اسٽيٽ بئنڪ طرفان جاري ڪيل بيان ۾ چيو ويو آهي ته مرڪزي بئنڪ جي مانيٽري پاليسي ڪميٽي جي اجلاس ۾ ملڪ جي معيشت کي نظر ۾ رکندي وياج جي بنيادي شرح ۾ 300 بيسز پوائنٽن جي اضافو ڪري 20 سيڪڙو مقرر ڪرڻ جو فيصلو ڪيو ويو آهي. جاري ڪيل مانيٽري پاليسي بيان ۾ چيو ويو آهي ته وياج جي شرح 3 سيڪڙو وڌائي رهيا آهيون، جنهن کانپوءِ اها 20 سيڪڙو هوندي. مانيٽري پاليسي بيان ۾ چيو ويو آهي ته هلندڙ مالي سال مهانگائي جي شرح 27 کان 29 سيڪڙو رهندي، نومبر واري پاليسي اجلاس ۾ مهانگائي جي شرح 21 کان 23 سيڪڙو رهڻ جو امڪان هو، ناڻي واڌ جا امڪان گهٽائڻ لاءِ وياج جي شرح ۾ واڌ ضروري هئي. بيان موجب ڪرنٽ اڪائونٽ خسارو ٻه ڀاڱي ٽي گهٽائي به بي يقيني جي صورتحال برقرار آهي، آءِ ايم ايف جي نائين جائزي سان ننڍي مدي ۾ ڳڻتي گهٽ ٿيندي، حڪومت جي ايس ٽي، ايڪسائز ڊيوٽيز ۽ توانائي اگهه وڌايا ۽ سبسڊيز گهٽايون آهن. اسٽيٽ بئنڪ چيو آهي ته مانيٽري پاليسي ڪميٽي جو ايندڙ اجلاس 4 اپريل تي ٿيندو. واضح رهي ته آءِ ايم ايف اسٽاف ليول معاهدي کان اڳ پاڪستان کان وياج جي شرح وڌائڻ جو مطالبو ڪيو هو. واضح رهي ته آڪٽوبر 1996 کانپوءِ ملڪ ۾ وياج جي شرح جي اها بلند ترين سطح آهي، جنوري 2022 کان هيل تائين مرڪزي بئنڪ مهانگائي تي ضابطي لاءِ وياج جي شرح ۾ 1050 بيسس پوائنٽس جي واڌ ڪري چڪي آهي. اسٽيٽ بئنڪ پنهنجي بيان ۾ چيو ته فيبروري 2023ع ۾ سالياني بنيادن تي مهانگائي جي شرح 31 ڏهائي 5 سيڪڙو تي وڃي پهتي آهي، هاڻوڪي مالياتي ايڊجسٽمينٽ ۽ مٽاسٽا ناڻي ۾ گهٽتائي سبب مهانگائي ۾ ويتر اضافو ٿيو آهي، ايندڙ ڪجهه مهينن دوران به مهانگائي ۾ وڌيڪ اضافو ٿيندو پر ان کانپو مرحليوار گهٽتائي ايندي، هلندڙ سال مهانگائي جي سراسري شرح 27 کان 29 سيڪڙو هوندي، جڏهن ته نومبر 2022ع ۾ مهانگائي جو ڪاٿو 21 کان 23 سيڪڙو لڳايو ويو هو. مرڪزي بئنڪ مطابق جنوري 2023ع ۾ ڪرنٽ اڪائونٽ خسارو گهٽجي 242 ملين ڊالر رهجي ويو آهي، جيڪا مارچ 2021ع کان وٺي هيل تائين سڀ کان گهٽ خساري جي شرح آهي، جي ايس ٽي ۽ ايڪسائيز ڊيوٽي ۾ واڌ، سبسڊيز ۾ گهٽتائي، توانائي ذريعن جي اگهن ۾ تبديلي ۽ بچت لا تازي مهم جهڙن قدمن سان وڌندڙ مالياتي ۽ بنيادي خسارو گهٽائڻ ۾ مدد ملندي، معاشي استحڪام لا مالياتي استحڪام ضروري آهي. اسٽيٽ بئنڪ مطابق طئي ٿيل وقت تي قرضن جي ادائيگي، عالمي سطح تي وياج جي وڌندڙ شرح ۽ ملڪ ۾ غير يقيني واري صورتحال سبب مٽاسٽا ناڻي جي ذخيرن ۽ شرح تي وڏو دٻا آهي، مانيٽري ڪميٽي جو خيال آهي ته مالياتي استحڪام خطرن جي گهيري ۾ آهي، اهڙي صورتحال ۾ ناڻي واڌ (مهانگائي) کي گهٽائڻ لا گهٽ مدي وارا خرچ ان کي مضبوط ڪرڻ جي اجازت ڏيڻ جي ڊگهي مدي وارن خرچن کان گهٽ آهن، تنهن ڪري سخت مانيٽري پاليسي سان مهانگائي کي روڪڻ ۽ مالي سال 2025ع جي آخر تائين ناڻي واڌ کي 5 کان 7 سيڪڙو جي وچ ۾ آڻڻ واري هدف تائين پهچڻ ۾ مدد ملندي. |
سون وٺڻ بابت سوچجو به نه! تولو 2 لک رپين کان به چڙهي ويو | ڊالر جو اگهه وڌڻ شرط سڄي ملڪ ۾ سون جي قيمت ۾ به هڪ ئي ڏينهن اندر ساڍا 9 هزار رپيا في تولو اضافو ٿي ويو، جنهن بعد في تولو اگهه 2 لک رپين جي حد به پار ڪري ويو آهي. مارڪيٽ ريٽ مطابق سون جو في تولو اگهه 2 لک 6 هزار 500 رپين تائين پهچي ويو آهي. مقامي سونارا مارڪيٽن ۾ گذريل ڪجهه ڏينهن اندر استحڪام ڏسڻ ۾ آيو پر ڪالهه خميس تي سون جا اگهن ۾ انتهائي تيزي سان اضافو رڪارڊ ڪيو ويو. مقامي سونارن ۽ واپارين جو چوڻ آهي ته سون جي اگهن ۾ واڌ جو وڏو ڪارڻ غير يقيني معاشي صورتحال آهي، ڇاڪاڻ ته ڊالر جيان سيڙپڪار سون جي ڪاروبار ۾ به سيڙپ ڪري رهيا آهن، اهو ئي اگهه وڌڻ جو سبب بڻيو آهي. |
ڊالر جي اگهه ۾ رڪارڊ واڌ، هڪ ئي ڏينهن اندر 19 رپيا مهانگو ٿي ويو | آ ايم ايف سان معاهدي ۾ دير جو فائدو وٺي ڊالر آسمان تي پهچي ويو، اڌ ڪلاڪ اندر 3 ڀيرا مهانگو ٿيڻ بعد انٽر بئنڪ ۾ آمريڪي ڊالر 18 رپين کان وڌيڪ واڌ سان 285 رپين جو ٿي ويو آهي، جيڪو پاڪستاني رپئي جي قدر ۾ ساڍا 6 سيڪڙو کان وڌيڪ گهٽتائي جي برابر آهي، گذريل ڏينهن انٽر بينڪ ۾ ڊالر 266 رپيا 11 پئسن تي بند ٿيو هو. تفصيل موجب آ ايم ايف سان معاملا اڃا تائين فائنل نه ٿيڻ جو اثر هڪ دفعو ٻيهر پاڪستاني ڪرنسي تي پيو آهي، آمريڪي ڊالر جي اگهه ۾ اوچتو 18 رپيا اضافو ڏٺو ويو، جنهن جي نتيجي ۾ مارڪيٽ کلڻ جي ڪجهه ڪلاڪن اندر انٽر بئنڪ ۾ هڪ ڊالر جو اگهه لڳ ڀڳ 19 رپيا اضافي بعد 285 رپين تائين پهچي ويو، جيڪو ملڪ جي تاريخ ۾ هڪ نئون رڪارڊ آهي. خميس جي ڏينهن ڪاروبار جي پڄاڻي تي ڊالر جو اگهه 285 رپيا 09 پئسن تي بند ٿيو، رڳو ايترو ئي نه پر اوپن مارڪيٽ ۾ به آمريڪي ڊالر 300 رپين کان به وڌيڪ ۾ وڪرو ٿيو، ڊالر جو قدر اهڙي وقت ۾ وڌي رهيو آهي جڏهن پاڪستان معاشي بحران کي منهن ڏئي رهيو آهي، ملڪ جا مٽاسٽا ناڻي جا ذخيرا به 4 ارب ڊالرن کان گهٽ وڃي بچيا آهن. ٻئي طرف حڪومت هاڻوڪي معاشي بحران کي منهن ڏيڻ لا عالمي مالياتي فنڊ (آ ايم ايف) سان نهاري رهي آهي. ماهرن جو چوڻ آهي ته ملڪ اندر اها ئي غير يقيني صورتحال مارڪيٽ تي به اثر انداز ٿي رهي آهي. |
پاڪستان جي معاشي صورتحال جو ذميوار هڪ سڌريل ملڪ آهي:چين | چيني حڪومت پاڪستان کي معاشي مسئلن مان ڪڍڻ لا مالياتي ادارن ۽ قرض ڏيندڙ ملڪن کان هاڪاري ڪردار ادا ڪرڻ جو مطالبو ڪندي چيو آهي ته پاڪستان جي معاشي صورتحال جو ذميوار هڪ ترقي يافتا ملڪ آهي، جنهن جون بنياد پرست پاليسيون پاڪستان سميت ترقي جي واٽ تي هلندڙ ملڪن لا مالي ڏکيايون پيدا ٿيڻ جو سبب بڻجن ٿيون. چين جي پرڏيهي وزير بيجنگ ۾ نيوز بريفنگ دوران چيو ته مالياتي ادارا ۽ قرض ڏيندڙ ملڪ پاڪستان جي معاشي صورتحال ۾ مدد ڪن، سڀني ڌرين کي پاڪستان لا هاڪاري ڪردار ادا ڪرڻو پوندو. هن چيو ته سڌريل ملڪن جون سخت معاشي پاليسيون پاڪستان جهڙن ملڪن ۾ معاشي بحران پيدا ٿيڻ جو سبب آهن. پرڏيهي وزارت جي ترجمان مائوننگ آمريڪا جو نالو وٺڻ بنا چيو ته ڪجهه ترقي يافتا ملڪن جون بنياد پرست پاليسيون پاڪستان سميت ترقي جي واٽ تي هلندڙ ملڪن لا مالي ڏکيايون پيدا ٿيڻ جو سبب بڻجن ٿيون. چيني پرڏيهي ترجمان وڌيڪ چيو ته چين ۽ پاڪستان اسٽريٽجڪ شراڪتدار ۽ مضبوط دوست ملڪ آهن. چين ۽ پاڪستان هر فورم تي هميشه هڪٻئي جي حمايت ڪئي آهي، چين هميشه پاڪستان سان معاشي ۽ مالي سهڪار ڪيو آهي ته جيئن پاڪستان جي معيشت مستحڪم ٿئي ۽ عوام جي زندگيءَ جو معيار بهتر ٿئي ۽ ملڪ ترقيءَ جي رستي تي گامزن ٿئي، اولهه جا واپاري قرض ڏيندڙ ۽ ڊگهي مدي جا مالياتي ادارا اُسرندڙ ملڪن کي سڀ کان وڏو قرض ڏيندڙ ذريعو آهن، ان لاءِ چين سمورين ڌُرين تي زور ڀري ٿو ته اهي پاڪستان جي اقتصادي ۽ سماجي استحڪام لاءِ گڏجي تعميري ڪردار ادا ڪن. |
گوجرانوالا ۾ ما ۽ ڌي سان ڇهن ڏينهن اندر 2 ڀيرا اجتماعي لڄالٽ | گوجرانوالا جي علائقي ڊيرا ڀنڊران ۾ ما ۽ ڌي کي ڇهن ڏينهن اندر 2 ڀيرا اجتماعي لڄالٽ جو نشانو بڻايو ويو. پوليس موجب اجتماعي زيادتي جو پهريون واقعو 26 فيبروري تي پيش آيو، جڏهن ته ڇهن ڏينهن اندر ما ۽ ڌي کي پي سامهون هڪ دفعو ٻيهر حوس جو نشانو بڻايو ويو. ٻنهي عورتن سان اجتماعي لڄالٽ جا ٻه ڌار ڌار ڪيس داخل ڪيا ويا آهن پر پوليس جوابدارن کي گرفتار نه ڪري سگهي آهي. |
ڏيوالي جون خبرون غلط،ايندڙ هفتي آءِ ايم ايف سان معاهدو ٿيندو:اسحاق ڊار | اسلام آباد : ناڻي واري وزير اسحاق ڊار چيو آهي ته ايندڙ هفتي آءِ ايم ايف سان اسٽاف ليول معاهدو ٿي ويندو. ٽوئيٽر تي جاري ڪيل بيان ۾ اسحاق ڊار چيو ته پاڪستان جي ڊيفالٽ ٿيڻ جون خبرون مڪمل طور غلط آهن، وقت تي ٻاهرين ادائيگين باوجود اسٽيٽ بئنڪ جي ناڻي مٽاسٽا ذخيرن ۾ گذريل هفتي هڪ ارب ڊالرن جي واڌ ٿي. هن چيو ته پرڏيهي ڪمرشل بئنڪن پاڪستان کي سهولتون ڏيڻ شروع ڪري ڇڏيون آهن، پاڪستان ۽ آءِ ايم ايف وچ ۾ اڄ کان ورچوئل ڳالهيون ٻيهر شروع ٿينديون. ناڻي واري وزير چيو ته عالمي مالياتي فنڊ سان اسان جون ڳالهيون مڪمل ٿيڻ واريون آهن ۽ اسان کي اميد آهي ته ايندڙ هفتي تائين آءِ ايم ايف سان اسٽاف سطح تي معاهدو ٿي ويندو.هن چيو ته سمورا معاشي معاملا صحيح رخ ۾ هلي رهيا آهن. |
لائين لاسز گهٽائڻ ۽ بجلي چوري خلاف ڪارروائي جو حڪم | اسلام آباد :وفاقي ڪابينا بجلي جي لائين لاسز گهٽائڻ ۽ بجلي چوري خلاف سخت ڪارروائي جي هدايت ڪري ڇڏي. وزيراعظم شهباز شريف جي صدارت هيٺ وفاقي ڪابينا جو اجلاس ٿيو. اجلاس ۾ بجلي جي لائين لاسز ۽ بجلي چوري واري معاملي تي وفاقي ڪابينا کي آگاهي ڏني وئي. ڪابينا بجلي جي لائين لاسز گهٽائڻ لاءِ بجلي چوري خلاف سخت ڪارروائي جي هدايت ڪئي. اجلاس ۾ 23 جنوري جي بجلي جي بريڪ ڊائون تي 18 صفحن تي ٻڌل رپورٽ به پيش ڪئي وئي. ذريعن موجب ڪابينا ميمبرن رپورٽ تي تفصيلي بحث ڪيو، رپورٽ ۾ اين ٽي ڊي سي، نيپرا، پاور ڪنٽرول مئنيجمنٽ ۽ شفٽ انچارج کي ذميوار قرار ڏنو ويو آهي. جڏهن ته ذميوار آفيسرن ۽ اهلڪارن خلاف ڪارروائي ڪرڻ جي منظوري ڏني وئي. ان موقعي تي وزيراعظم شهبازشريف لاڳيتو ٽن بريڪ ڊائونز تي ڪاوڙ جو اظهار ڪيو ۽ پاور منسٽري کي گڏيل پلان جوڙڻ جي به هدايت ڪئي ته جيئن مستقبل ۾ اهڙن واقعن کان بچي سگهجي. وزيراعظم سسٽم جي بهتري لاءِ هنگامي قدم کڻڻ جي هدايت پڻ ڪئي. |
سڄي ملڪ ۾ بجلي ٻيهر 2 رپيا 23 پئسا مهانگي | اسلام آباد :ڪابينا جي اقتصادي رابطا ڪميٽي سڄي ملڪ ۾ بجلي جي قيمت ۾ 2 رپيا 23 پئسا اضافي جي منظوري ڏئي ڇڏي آهي. ان حوالي سان ٻڌايو ويو ته ڪابينا جي اقتصادي رابطا ڪميٽي به منظوري ڏئي ڇڏي آهي. جڏهن ته اضافي 335 ارب رپيا سرچارج جي مدد سان صارفين کان ورتا ويندا. |
دوائن جو بحران،فارماسوٽيڪل انڊسٽري بند ٿيڻ جو خدشو | اسلام آباد :ملڪ ۾ دوائن جو بحران شديد ٿي ويو، فارماسوٽيڪل مينوفيڪچرنگ ايسوسيئيشن جي چيئرمين انڊسٽري بند ٿيڻ جو خدشو ظاهر ڪندي چيو آهي ته دوائون ٺاهيندڙ ڪمپنيون ڏيوالي جي ويجهو آهن. فارماسوٽيڪل مينوفيڪچرنگ ايسوسيئيشن جي چيئرمين فاروق بخاري جو چوڻ آهي ته دوائن جو سخت بحران پيدا ٿي ويو آهي. ايل سيز نه کلڻ ۽ ڊالر جي وڌندڙ اگهه سبب دوائون نٿا ٺاهي سگهون. هن چيو ته اهڙي صورتحال ۾ ڪمپنيون ڏيوالي جي ويجهو آهن ۽ انڊسٽري بند ٿيڻ جو خدشو پيدا ٿي ويو آهي. سندس چوڻ هو ته اسان ڪيترائي ڀيرا لاڳاپيل اختيارين کي مسئلن کان آگاهه ڪيو پر اڃا تائين خدشا ختم ناهن ڪيا ويا. حڪومت پنهنجي رويي تي نظرثاني ڪري فارما انڊسٽري کي بچائي. |
پاڪستان جي تاريخ بلوچن جي قربانين کانسواءِ ناممڪن آهي:وزيراعظم | اسلام آباد :وزيراعظم شهباز شريف غيرتمند بلوچن کي بلوچي ثقافت جي ڏينهن تي مبارڪباد ڏيندي چيو آهي ته پاڪستان جي خوبصورتي بلوچ تهذيب ۽ تمدن جي رنگن ۽ پاڪستان جي تاريخ، بهادر بلوچن جي قربانين کانسواءِ ناممڪن آهي. ڪالهه خميس ڏينهن پنهنجي ٽوئيٽ ۾ هن چيو ته بولان جي پهاڙن کان گوادر جي سمنڊن تائين غيرتمند بلوچن کي اڄ بلوچي ثقافت جو ڏينهن تمام گهڻو مبارڪباد هجي. پاڪستان جي خوبصورتي بلوچ تهذيب ۽ تمدن جي رنگن ۽ پاڪستان جي تاريخ، بهادر بلوچن جي قربانين کانسواءِ ناممڪن آهي. |
پاڪستان ۽ ڀارت ۾ بيڪ ڊور ڳالهيون نه پيون ٿين: پرڏيهي ترجمان | اسلام آباد :پرڏيهي آفيس جي ترجمان ممتاز زهرا بلوچ چيو آهي ته هن وقت پاڪستان ۽ ڀارت وچ ۾ ڪي بيڪ ڊور ڳالهيون نه پيون ٿين. 4 کان 7 مارچ تي جرمني جو پرڏيهي وزير پاڪستان جو دورو ڪندو. هفتيوار بريفنگ ۾ هن ٻڌايو ته 8 مارچ تي پرڏيهي وزير بلاول ڀٽو زرداري اسلام ۽ عورتن بابت ڪانفرنس ۾ شرڪت لاءِ نيويارڪ ويندو. پاڪستان طرفان ڪوٺايل هي ڪانفرنس گڏيل قومن ۾ ٿيندي. پاڪستان چيئر آف منسٽرز طور او آئي سي ڪانفرنس جي ميزباني ڪندو. ترجمان چيو ته فيبروري ۾ به والاريل ڪشمير ۾ ڪشميرين تي ڀارتي ظلم ڪيا ويا، ٻن ڪشميرين کي شهيد ۽ 7 کي زخمي ڪيو ويو، پنهنجي حقن لاءِ اواز اٿاريندڙن تي گوليون هلايون ويون. 400 کان وڌيڪ ڪشميري اڳواڻ صحافي ۽ دانشور ڀارتي جيلن ۾ قيد آهن. هن وڌيڪ چيو ته اٽلي جي سمنڊ ۾ ٻيڙي ٻڏڻ جي واقعي ۾ 2 پاڪستاني فوت ٿيا، 17 پاڪستانين کي بچايو ويو ۽ ٻه غائب آهن. |
يوٽيليٽي اسٽورن تي في ڪلو گيهه 115 رپيا مهانگو | اسلام آباد :حڪومت گيهه جي في ڪلو قيمت ۾ ڳاٽي ٽوڙ واڌ ڪري ڇڏي. اڳ ئي مهانگائي جي ستايل شهرين کي حڪومت رمضان کان اڳ مهانگائي جو هڪ ٻيو تحفو ڏئي ڇڏيو ۽ سڄي ملڪ جي يوٽيليٽي اسٽورن تي وزيراعظم پيڪيج تحت في ڪلو گيهه 115 رپيا مهانگو ڪيو ويو آهي. يوٽيليٽي اسٽورن تي گيهه جي قيمت ۾ واڌ جو نوٽيفڪيشن به جاري ڪيو ويو آهي، جنهن موجب گيهه 375 رپين مان وڌائي 490 رپيا ڪيو ويو آهي. نوٽيفڪيشن موجب بينظير انڪم سپورٽ پروگرام جي حقدارن لاءِ اها واڌ نه هوندي. واضح رهي ته وزيراعظم پيڪيج تحت گيهه جي قيمت ۾ ٻن مهينن ۾ ٻيو ڀيرو واڌ ڪئي وئي آهي. جنوري ۾ گيهه جي قيمت ۾ 75 رپيا في ڪلو واڌ ڪئي وئي هئي ۽ رڳو ٻن مهينن ۾ گيهه مجموعي طور 190 رپيا مهانگو ڪيو ويو آهي. |
وزيراعظم شهباز شريف سان آرمي چيف جي ملاقات | اسلام آباد :وزيراعظم شهباز شريف سان آرمي چيف جنرل عاصم منير ملاقات ڪئي آهي. ذريعن موجب وزيراعظم شهباز شريف ۽ جنرل عاصم منير وچ ۾ ٿيندڙ ملاقات ۾ ملڪ جي اندروني ۽ ٻاهرين سيڪيورٽي صورتحال تي خيالن جي ڏي وٺ ڪئي وئي. واضح رهي ته ڪجهه ڏينهن اڳ به آرمي چيف وزيراعظم سان ملاقات ڪئي هئي. آرمي چيف کانسواءِ ڊي جي آءِ ايس آءِ ليفٽيننٽ جنرل نديم انجم به وزيراعظم سان ملاقات ڪئي هئي. |
ملڪ ۾ سڀ کان وڏو چئلينج مهانگائي آهي: شرجيل ميمڻ | حيدرآباد: صوبائي وزير اطلاعات، ٽرانسپورٽ ۽ ماس ٽرانزٽ شرجيل انعام ميمڻ چيو آهي ته هن وقت ملڪ ۾ سڀ کان وڏو چئلينج مهانگائي آهي، چونڊن ڪرائڻ بجاءِ مهانگائي کي ڪيئن منهن ڏجي اها ڳالهه سڀ کان وڌيڪ اهم آهي، پي ٽي آءِ حڪومت جي نااهلي جو ملڪ جي تاريخ ۾ ڪو مثال نٿو ملي، پي ٽي آئي آئي ايم ايف سان بنا ڪنهن پلان واعدا ڪيا ۽ ان کان ڦري وئي، اتي سندس يوٽرن ڪم نه آيو. اھڙو اظھار ھن پنهنجي رهائشگاهه راول هائوس حيدرآباد ۾ پريس ڪانفرنس ڪندي ڪيو. هن چيو ته ٽن سالن دوران سيڪريٽري فنانس ۽ اسٽيٽ بينڪ جي گورنر کي بار بار تبديل ڪيو ويو، جيڪڏهن نوان ٽيڪس لاڳو ئي ڪرڻا هئا ته پي ٽي آئي حڪومت ڇو نه لڳايا، ڇاڪاڻ ته کين ڏسڻ ۾ اچي رهيو هو ته اهي وڃي رهيا آهن.
هن چيو ته سنڌ حڪومت جوابده آهي ۽ جيترو شين کي بهتر ڪري سگهي ٿي ڪري رهي آهي ۽ ماڻهن کي رليف مهيا ڪيو پيو وڃي. هن چيو ته عمران خان سوچي سمجهي سازش تحت ملڪ کي انتشار طرف ڌڪي رهيو آهي ۽ هاڻي هو ناڪام ٿي چڪو آهي ته وري هو ڪنهن ايجنڊا تي ڪم ڪري رهيو آهي، جنهن لاءِ کيس ڀارت ۽ اسرائيل مان فنڊنگ ملڻ جي ڪجهه وقت اڳ تصديق ٿي چڪي آهي. هن چيو ته پي ٽي آئي حڪومت کي عدالت، شرارت يا ملٽري آمرن جي ڪري نه پر آئين پاڪستان جي تحت ڪڍيو ويو. هن چيو ته آدمشماري صاف ۽ شفاف هجڻ گهرجي، وفاقي حڪومت جي ذميواري آهي ته اها آدمشماري جي عمل کي ايترو ته صاف ۽ شفاف بڻائي جو ڪنهن سياسي پارٽي ۽ عوام کي ان تي خدشا نه ٿيڻ گهرجن. |
وومين ايڪشن فورم جي اڳواڻن جون “عورت آزادي مارچ” لا دعوتون | حيدرآباد: وومين ايڪشن فورم جي وفد “روزاني سنڌ ايڪسپريس حيدرآباد” جي هيڊ آفيس پهچي 8 مارچ تي رٿيل “عورت آزادي مارچ” ۾ شرڪت جي دعوت ڏني. خبر موجب وومين ايڪشن فورم جي وفد حسين مسرت ۽ روزينه جوڻيجو ڪالهه “روزاني سنڌ ايڪسپريس حيدرآباد” جي هيڊآفيس پهچي نيوز ايڊيٽر شبير نظاماڻي ۽ ايڪسپريس ميڊيا گروپ حيدرآباد جي بيوروچيف جنيد خانزاده، اسٽاف رپورٽر يوسف ميربحر، اشوڪ راماڻي، غلام رسول برفت کي مارچ ۾ شرڪت جي ڪوٺ ڏني، جنهن دوران عورت آزادي مارچ جي وفد موقف اختيار ڪيو ته سڄي سماج جي آزادي عورت جي آزادي سان جڙيل آهي، جنهن تحت 8 مارچ عورتن جي عالمي ڏهاڙي تي سڄي دنيا جيان حيدرآباد ۾ به “عورت آزادي” جي عنوان سان شهباز بلڊنگ کان حيدرآباد پريس ڪلب تائين مارچ ڪڍيو ويندو.
هنن چيو ته حيدرآباد ۾ ٿيندڙ اٺين عورت آزادي مارچ ۾ مطالبا رکيا ويندا ته ماحولياتي تبديلين ۽ قدرتي آفتن ۾ لڏپلاڻ جي ڪري عورتن جي اقتصادي، سماجي زندگي تي پوندڙ ناڪاري اثرن جو جائزو ڪري اُپا ڪرڻ سميت عورتن کي معاشي، سماجي توڙي قانوني انصاف مهيا ڪري اقتصادي ۽ معاشرتي ترقي ۾ برابري جي بنياد تي شريڪ ڪيو وڃي. هنن چيو ته عورت آزادي مارچ ۾ هنن مطالبن سان گڏوگڏ اهو به مطالبو ڪيو ويندو ته گهرو تشدد، ڪاروڪاري، جرڳا سسٽم، سڱ چٽي، پيٽ لکي ڏيڻ ۽ حراسمينٽ سميت عورتن خلاف هر قسم جو دٻا ۽ تشدد جو خاتمو آندو وڃي، جڏهن ته اقليتي مذهب سان تعلق رکندڙ ننڍي عمر جي ڇوڪرين جو جبري مذهب تبديلي سان ٿيندڙ غيرقانوني شادين جو خاتمو ڪيو وڃي. |
ميرپورخاص گاما اسٽيڊيم کي انٽرنيشنل ليول جو بڻايو ويندو:هادي بلو | ميرپورخاص : ميرپورخاص ۾ ناليواري صحافي شھيد سلطان محمود چانڊيو جي نالي سان منصوب 100 بال ليگ ڪرڪيٽ چئمپيئن شپ 2023ع جي افتتاحي تقريب پي سي بي گرائونڊ ۾ ٿي، جنھن کي خطاب ڪندي راندين ۽ نوجوانن جي معاملن واري صوبائي سيڪريٽري عبدالھادي بلو چيو تھ سنڌ ۾ راندين کي ھٿي وٺرائڻ لاءِ سنڌ حڪومت جوڳيون ڪوششون ڪري رھي آھي، اسپورٽس کاتي جي 64 گرائونڊن جي بھتري جو ڪم جاري آھي، باقي 40 گرائونڊن کي بھ جلد بھتر بڻايو ويندو. ھن چيو تھ ميرپورخاص جي گاما اسٽيڊيم کي انٽرنيشنل ليول جو گرائونڊ بڻايو ويندو، سنڌ جا نوجوان فٽنيس ۽ ڊسيپلين وسيلي عالمي سطح جي مقابلن لاءِ پاڻ کي تيار ڪن، جلد ٽيلنٽ ھنٽ پروگرام شروع ڪيو ويندو. ھن چيو تھ ملهھ، ڪوڏي ڪوڏي ۽ ونجھه وٽي سميت سنڌ جي ثقافتي راندين کي ھٿي وٺرائڻ لاءِ پروگرام رٿيا ويا آھن، سيڪريٽري فائنل ميچ کٽيندڙ ٽيم لاءِ صوبائي وزير پاران ھڪ لک ۽ رنر اپ ٽيم لاءِ 50 ھزار رپيا انعام ڏيڻ جو اعلان ڪيو. تقريب کي خطاب ميرپورخاص پريس ڪلب جي صدر نذير پنھور چيو تھ رانديون ھڪ صحتمند سماج جوڙڻ ۾ اھم ڪردار ادا ڪن ٿيون، ميرپورخاص پريس ڪلب جتي صحافين جي ڀلائي سميت مختلف قدرتي آفتن دوران امدادي سرگرمين ۾ وڌي چڙھي ڪردار ادا ڪيو آھي، اتي نوجوانن کي صحتمند سرگرمين طرف راغب ڪرڻ ۽ ثقافتي راندين کي ھٿي وٺرائڻ لاءِ بھ وسان ناھي گھٽايو. تقريب ۾ ڊي سي ميرپورخاص زين العابدين ميمڻ، ايس ايس پي ميرپورخاص رٽائرڊ ڪيپٽن اسد علي چوڌري، ڊسٽرڪٽ بار جي صدر غفار ناريجو، پ پ اڳواڻ چوڌري نظام الدين، معزز اقبال پنھور ۽ رشيد پنھور سميت راندين جي شوقينن شرڪت ڪئي. |
چيلهار ۾ ڪتابي ميلو، اسان کي ڪتاب پڙهڻ جو ماحول جوڙڻ گهرجي:مقرر | چيلھار: چيلهار ۾ سنڌي ادبي سنگت شاخ چيلهار پاران روشني پبليڪيشن جي سهڪار سان رائچند راٺوڙ لائبرري ۾ سنڌ ڪتابي ميلو ۽ علمي ادبي سکيا جو پروگرام منعقد ڪيو ويو، سنڌ ڪتابي ميلي جو افتتاح ٿر جي سينيئر صحافي غازي نھڙيو، نامياري ليکڪ ڀارومل امراڻي، ٽائون ايڊمنسٽريٽر هنود جوشي ۽ ٻين ڪيو. ميلي ۾ چيلهار ۽ ڀرپاسي جي اسڪولن جي شاگردن، شاگردياڻين، نوجوانن ۽ ڳوٺاڻن شرڪت ڪئي. لائبرري جي هال ۾”جديد دور جون علمي ۽ ادبي گهرجون، جي موضوع هيٺ سکيا ڏيندي نامياري تعليمي ماهر ۽ تعليم کاتي جي ضلعي آفيسر شمس الدين راٺوڙ چيو ته هي دور جديد سائنسي علم، ادب ۽ ٽيڪنالاجي جو دور آهي، اسان کي علمي ۽ ادبي طور هن دور سان هلڻ گهرجي، جن قومن، قبيلن ۽ سماجن مثبت سوچن ۽ عملي قدمن سان پنهنجي نئين نسل کي علم ۽ ادب سان گڏ فني ۽ فڪري ڌارائن جو درس ڏنو آهي، اهي قومون ترقي يافتا ٿي ويون آهن، دنيا گلوبل وليج ٿي وئي آهي، هتان جو ڳوٺاڻو شاگرد ٽيڪنالاجي ذريعي دنيا جي سڌريل درسي ادارن ۽ لائبررين تائين رسائي ڪري سگهي ٿو. هن تاريخي حوالا ڏيندي چيو ته يورپ سورنهين صدي ۾ هڪ نئين ۽ روشن خيال معاشري جو بنياد رکڻ سان گڏ سائنسي دريافتن ۽ ايجادن تي ڪم شروع ڪيو، اسان تمام گهڻو پوئتي آهيون، اسان کي پنهنجا سماجي ثقافتي رويا تبديلي ڪري نئين ڏينهن نئين ويچار سان سائنسي علم ۽ ٽيڪنالاجي طرف وڌڻ گهرجي. ڪتاب انسان جو بهترين دوست آهن. اسان کي ڪتاب پڙهڻ ۽ هنر سکڻ جو ماحول جوڙڻ گهرجي. محتسب اعلى مٺي ڄام فرهان بيگ ڏهر صدارتي خطاب ڪندي چيو ته ٿر علمي ۽ ادبي طور شاهوڪار خطو آهي، هتان جي نوجوانن کي علم حاصل ڪرڻ جي اڃ آهي، ٽيڪنالاجي طرف وڌڻ جي اڪير آهي، ان لاءِ وسيلا مهيا ڪرڻ جي ضرورت آهي. روشني پبليڪيشن ۽ سنڌي ادبي سنگت چيلهار ۾ ادبي ميلو ۽ سکيا پروگرام رکي ساراهه لائق ڪم ڪيو آهي. نامياري ليکڪ ڀارومل امراڻي چيو ته گل ٽڙڻ جي موسم ۾ شعور جي ڪتابن ۽ سکيا جا ميڙا مچائڻ هڪ بهترين روايت آهي. پروگرام ۾ تعليمي آفيسر بچل هاليپوٽي، منور شاهه، انفارميشن آفيسر نعمان ڀٽي، سياسي سماجي اڳواڻ ريجهومل ميگهواڙ، نوجوان تعليمدان امتياز نور ڪنڀر، چنديرام سوٽهڙ، نندلال روهيل، سيتارام سوٽهڙ، سورج ڪمار، غازي خان نهڙيو، مٺومل پرمار ۽ ٻين پڻ خطاب ڪيو. |
آدمشماري ۾ هر فرد کي پنهنجي ڳڻپ ڪرائڻ ضروري آهي:مير شارق ٽالپر | ڊگھڙي: ڊگهڙي تعلقي ۾ آدمشماري 2023ع جو افتتاح پ پ اڳواڻ مير شارق علي خان ٽالپر ڪيو. ان موقعي تي مير شارق علي خان ٽالپر چيو ته هر فرد کي آدمشماري ۾ پنهنجي ڳڻپ ڪرائڻ ضروري آهي، ڇو ته آدمشماري جي بنياد تي ملڪ ۾ رٿابندي ڪئي ويندي آهي، هن شھرين ۽ ڳوٺاڻن کي اپيل ڪئي ته گهر گهر ايندڙ آدمشماري وارين ٽيمن سان ڀرپور سهڪار ڪيو وڃي. ان موقعي تي اسسٽنٽ ڪمشنر ڊگهڙي محمد آصف خاصخيلي، ڊگھڙي ايس ايڇ او آفتاب رند، ٽي اي او ڊگھڙي درمحمد شالماڻي تعليم کاتي جا سينيئر استاد منظور علي چيليو، منظور علي چانڊيو، مير عبدالحفيظ ٽالپر ۽ ٻيا موجود هئا. |
جيل ڀريو تحريڪ معطل،اليڪشن مهم هلائڻ جو اعلان، چونڊن ۾ دير جو ڪو به حربو ڪامياب ٿيڻ نه ڏبو: عمران خان | تحريڪ انصاف جي چيئرمين عمران خان جيل ڀريو تحريڪ معطل ڪري پنجاب ۽ خيبر پختونخوا صوبن ۾ اليڪشن مهم شروع ڪرڻ جو اعلان ڪيو آهي. اڳوڻي وزيراعظم عمران خان پنهنجي ٽوئيٽ ۾ چيو ته چونڊن بابت سپريم ڪورٽ جي فيصلي جي آجيان ڪريون ٿا، سپريم ڪورٽ پنهنجي فيصلي سان آئين کي برقرار رکڻ جي ذميواري پوري ڪئي آهي. هن چيو ته اسان جيل ڀريو تحريڪ کي معطل ڪري رهيا آهيون، هاڻي اسان خيبر پختونخوا ۽ پنجاب ۾ اليڪشن مهم سان اڳتي وڌي رهيا آهيون، چونڊن ۾ دير جو ڪو حربو ڪامياب ٿيڻ نه ڏينداسين. هوڏانهن زمان پارڪ لاهور ۾ تحريڪ انصاف چيئرمين عمران خان جي صدارت هيٺ پارٽي اڳواڻن جو اهم اجلاس ٿيو، جنهن ۾ ملڪ جي سياسي صورتحال ۽ پارٽي جي حڪمت عملي تي غور ويچار ڪيو ويو. شرڪت ڪندڙن سپريم ڪورٽ جي فيصلي جي آجيان ڪندي اليڪشن ڪميشن کان بنا دير چونڊن جي شيڊيول جي اعلان جو مطالبو ڪيو. عمران خان چيو ته آئين تان ڦرڻ جي ڪوشش نه پهرين ڪڏهن قبول ڪئي هئي ۽ نه هاڻ ڪنداسين، قومي سطح تي صاف شفاف چونڊون ملڪ کي بحرانن مان ڪڍڻ جو اڪيلو ذريعو آهي، چونڊن ۾ دير جا حربا ڪامياب ٿيڻ نه ڏينداسين. |
حيدرآباد ڊويزن ۾ آدمشماري لا 10 هزار بلاڪ ٺهيا آهن:بلال ميمڻ | ٽنڊوالهيار: ڪمشنر حيدرآباد ٽنڊوالهيار پهچي مردم شماري جو افتتاح ڪيو. ڪمشنر حيدرآباد بلاول ميمڻ ڊپٽي ڪمشنر ولي محمد بلوچ سان گڏجي گلشن مهراڻ ڪالوني کان مردمشماري جي شروعات ڪئي. ان موقعي تي ڪمشنر بلاول ميمڻ صحافين سان ڳالهائيندي چيو ته مردم شماري مرحلو پهرين مارچ کان پهرين اپريل تائين جاري رهندو، مردمشماري ۾ حيدرآباد ڊويزن ۾ 10 هزار بلاڪ تيار ڪيا ويا آهن ۽ ايترو ئي عملو مقرر ڪيو ويو آھي، جيڪو گهر گهر وڃي ڊيٽا ڪليڪٽ ڪندو. ڪمشنر موجب سيڪيورٽي جي حوالي سان پوليس ۽ آرمي جا جوان مقرر ڪيا ويا آهن، ضلعي ۾ 100 آرمي جا جوان به مقرر ڪيا ويا آهن، هر ٽيم سان هڪ پوليس جو جوان ۽ هڪ آرمي جو جوان گڏ هوندو، ڪٿي به ڪو اڻ وڻندڙ واقعو پيش آيو ته 10 منٽ اندر مقرر ڪيل فورس اتي پهچندي، اميد آهي ته مردمشماري جو مرحلو خيريت سان مڪمل ٿيندو. ان موقعي تي ڊي سي ولي محمد بلوچ ۽ ايس ايس پي سليم شاھه به موجود هئا. |
سنجهورو ۾ وزيرستان واسي سميت 3 منشيات فروش گرفتار، 250 ڪلو چرس هٿ | سنجھورو: سانگهڙ پوليس بين الصوبائي منشيات فروش 3 جوابدارن کي گرفتار ڪري ورتو، جن وٽان 250 ڪلو چرس هٿ آيو. گرفتار جوابدار فورسز جي يونيفارم پائي منشيات اسمگل ڪري رهيا هئا. تفصيل موجب گذريل رات سي آئي اي پوليس سانگهڙ سنجھورو ٿاڻي جي حد ۾ هڪ ڪاري ويگو گاڏي نمبر 1966-QBA کي روڪڻ جو اشارو ڪيو، جنهن تي حڪومت بلوچستان جي نمبر پليٽ ۽ گاڏي تي نيري لائيٽ لڳل هئي، پوليس مرڪزي جوابدار منشيات فروش عبدالخالق ولد عبدالرزاق ڪاڪڙ، وزيرستان واسي ڪاشف ولد شير نواز وزير پٺاڻ ۽ وزيرستان واسي زيتون خان ولد اڪبر خان کي گرفتار ڪري ورتو، جن وٽان 10 ڪروڙ رپين جي ماليت جو 6 مڻ 10 ڪلوگرام چرس، غيرقانوني هٿيار، مختلف گاڏين جون 4 نمبر پليٽون، 6 هٿيارن جا لائسنس ۽ 2 گاڏين جا دستاويز، ڪينٽ ايريا جا گيٽ پاس ۽ ٻيا دستاويز هٿ آيا. سنجهورو ٿاڻي تي جوابدارن خلاف ڪيس داخل ڪيو ويو. ان سلسلي ۾ پوليس جي شروعاتي جاچ ۾ معلوم ٿيو آهي ته هٿ ڪيل منشيات قلعي عبدالله کان سنجھورو ڏانهن اسمگل ڪئي پئي وئي. ايس ايس پي سانگهڙ بشير احمد بروهي سي آءِ اي پوليس جي شاندار ڪارڪردگي کي ساراهيندي سي آئي اي انسپيڪٽر جاويد احمد جلباڻي ۽ سندس ٽيم جي حوصلا افزائي ڪرڻ جو اعلان ڪيو. |
آءِ ايم ايف جو شرط،هارين کي ملندڙ سبسڊي ختم | اسلام آباد :حڪومت آءِ ايم ايف جا شرط پورا ڪندي هارين لاءِ به بجلي مهانگي ڪرڻ جو اعلان ڪري ڇڏيو. حڪومت بجلي اگهن ۾ هارين جي پيڪيج تحت ڏني ويندڙ سبسڊي ختم ڪري ڇڏي، جنهن سان هارين لاءِ بجلي جي في يونٽ قيمت ۾ 3 رپيا 60 پئسا واڌ ٿي وئي آهي. پاور ڊويزن فيصلي تي عملدرآمد لاءِ ڪي اليڪٽرڪ سميت بجلي ورهائيندڙ ٻين ڪمپنين کي خط لکي ڇڏيو آهي، پاور ڊويزن ناڻي واري وزارت ۽ نيشنل فوڊ سيڪيورٽي وزارت کي به خط جي ڪاپي موڪلي آهي. زرعي واهپيدارن کي بجلي 13 رپين بدران 16 رپيا 60 پئسا في يونٽ جي حساب سان ملندي، ان قدم سان وفاقي حڪومت کي زرعي واهپيدارن کان جون تائين 14 ارب رپيا حاصل ٿيندا. |
پنجاب ۽ پختونخوا ۾ 90 ڏينهن ۾ چونڊون ڪرائڻ جو حڪم | اسلام آباد :سپريم ڪورٽ چونڊن بابت پاڻمرادي نوٽيس ڪيس ۾ پنجاب ۽ خيبر پختونخوا ۾ 90 ڏينهن اندر چونڊون ڪرائڻ جو حڪم ڏئي ڇڏيو. عدالت فيصلو 2 ججن جي ڀيٽ ۾ 3 جي اڪثريت سان جاري ڪيو. چيف جسٽس عمر عطا بنديال جي سربراهي ۾ 5 رڪني لارجر بئنچ پنجاب ۽ خيبر پختونخوا ۾ چونڊن بابت پاڻمرادي نوٽيس ڪيس جي فيصلي ۾ چيو ته ٻنهي صوبن ۾ 90 ڏينهن اندر چونڊون ڪرايون وڃن، گورنر جي حڪم تي اسيمبلي ُٽٽي آهي ته گورنر چونڊن جي تاريخ ڏئي. چيف جسٽس، جسٽس منير اختر، جسٽس محمد علي مظفر اڪثريتي فيصلو ڏنو. جڏهن ته جسٽس جمال مندوخيل ۽ جسٽس منصور علي شاهه اختلافي نوٽ لکيو. عدالت صدر کي اليڪشن ڪميشن سان مشاورت ڪري پنجاب، جڏهن ته ڪي پي ۾ گورنر کي اليڪشن ڪميشن سان مشاورت ڪري چونڊن جي تاريخ ڏيڻ جو حڪم ڏنو. سپريم ڪورٽ صدر جو 20 فيبروري جو حڪم پنجاب جي حد تائين درست، جڏهن ته ڪي پي اسيمبلي لاءِ ڪالعدم قرار ڏنو. عدالت عظميٰ فيصلي ۾ چيو ته اليڪشن ڪميشن گورنر ۽ صدر سان ايڊوائس جو ڪردار ادا ڪرڻ جي پابند آهي. صدر 9 اپريل تي چونڊن جي تاريخ جو اعلان ڪيو، ان صورتحال ۾ اليڪشن ڪميشن پنهنجو ڪردار ادا نه ڪيو. 9 اپريل تي چونڊون ممڪن ناهن ته مشاورت کانپوءِ پنجاب ۾ تاريخ تبديل ڪري سگهجي ٿي. عدالت چيو اها وفاق جي ذميواري آهي ته چونڊون ڪرائڻ ۾ پنهنجو ڪردار ادا ڪري. وفاق جي ڊيوٽي آهي ته ايگزيڪيوٽو اٿارٽيز اليڪشن ڪميشن جي مدد ڪن، ڪي پي جو گورنر فوري طور چونڊن جي تاريخ ڏئي ۽ سمورا وفاقي ۽ صوبائي ادارا اليڪشن ڪميشن کي سيڪيورٽي سميت هر قسم جي امداد فراهم ڪن. عدالت پاڻمرادي نوٽيس جو فيصلو گذريل ڏينهن محفوظ ڪيو هو. چيف جسٽس 22 فيبروري تي چونڊن ۾ دير تي پاڻمرادو نوٽيس وٺندي 9 رڪني لارجر بئنچ جوڙي هئي. حڪمران اتحاد بئنچ ۾ شامل ٻن ججن جسٽس اعجاز الاحسن ۽ جسٽس مظاهر نقوي تي اعتراض واريو هو. جسٽس يحيٰ آفريدي ۽ جسٽس اطهر من الله به پاڻ کي بئنچ کان ڌار ڪري ڇڏيو، جنهن کانپوءِ چيف جسٽس ٻيهر 5 رڪني بئنچ جوڙي هئي. پاڻمرادي نوٽيس تي 4 شنوائيون ٿيون، گذريل ڏينهن 7 ڪلاڪ ڊگهي شنوائي ۾ ڌرين جا دليل مڪمل ٿيڻ تي سپريم ڪورٽ فيصلو محفوظ ڪيو هو.سپريم ڪورٽ پنهنجي ريمارڪس ۾ چيو ته آئيني طور 90 ڏينهن ۾ چونڊون ٿينديون، ڪو آئيني ادارو چونڊن جو مدو نٿو وڌائي سگهي، چونڊون وقت تي نه ٿيون ته ملڪ ۾ استحڪام نه ايندو. |
مهانگائي شرح 48 سالن جي بلند ترين سطح تي پهچي وئي،اٽو 56 سيڪڙو مهانگو | اسلام آباد : مُلڪ ۾ مهانگائي جي شرح 48 سالن جي بلند ترين سطح تي پهچي وئي آهي. انسٽيٽيوٽ آف اسٽيٽسٽڪس پاران جاري ڪيل انگن اکرن موجب فيبروري 2022ع کان فيبروري 2023ع تائين هڪ سال دوران بصر جي قيمت ۾ 416 سيڪڙو، ڪڪڙ جي قيمت ۾ 96 سيڪڙو، بيضن جي قيمت ۾ 78 سيڪڙو ۽ چانورن جي قيمتن ۾ 77 سيڪڙو تائين اضافو ٿيو. جڏهن ته چڻن جي قيمتن ۾ 65 سيڪڙو، سگريٽن جي قيمتن ۾ 77 سيڪڙو اضافو ٿيو آهي. چڻا 65 سيڪڙو، سگريٽ 60 سيڪڙو، مڱ جي دال 56 سيڪڙو، چڻا دال 56 سيڪڙو، اٽو 56 سيڪڙو، ماش جي دال 50 سيڪڙو ۽ کاڄرو تيل 50 ڏهائي 66 سيڪڙو مهانگو ٿيو. انگن اکرن موجب بناسپتي گيهه 45 سيڪڙو، تازا ميوا 45 سيڪڙو، تازو کير 32 سيڪڙو، مسور جي دال 27 سيڪڙو، شربت 24 سيڪڙو، آلو 22 ڏهائي 42 سيڪڙو، مڇي 21 سيڪڙو، گوشت 20 سيڪڙو ۽ ڀاڄيون 11 ڏهائي 60 سيڪڙو مهانگيون ٿيون. ان کانسوا هڪ سال دوران درسي ڪتابن جي قيمتن ۾ 74 سيڪڙو، پيٽرول ۽ ڊيزل جي قيمتن ۾ 63 سيڪڙو، گئس جي قيمت ۾ 62 سيڪڙو، اسٽيشنري جي قيمت ۾ 61 سيڪڙو، صابڻ جي قيمتن ۾ 51 ڏهائي 63 سيڪڙو ۽ ماچيس جي قيمتن ۾ 51 سيڪڙو اضافو ڪيو ويو. هوڏاههن گاڏين جا پارٽس 38 سيڪڙو مهانگو ٿي ويا. جڏهن ته ٽرانسپورٽ چارجز 33 سيڪڙو وڌي ويا. اهڙي ريت ڳڻپ کاتي ماهوار مهانگائي جا انک اکر جاري ڪري ڇڏيا، جنهن موجب هڪ مهيني دوران مهانگائي جي شرح ۾ 4 ڏهائي 32 سيڪڙو واڌ رڪارڊ ڪئي وئي، جنهن کانپوءِ مُلڪ ۾ مهانگائي جي مجموعي شرح 31 ڏهائي 55 سيڪڙو تائين پهچي وئي. ان کان اڳ اپريل 1965 ۾ مهانگائي جي شرح 29 ڏهائي 3 سيڪڙو هئي. ڳڻپ کاتي جي انگن اکرن موجب جولاءِ 2022ع کان فيبروري 2023ع دوران مهانگائي جي شرح 26 ڏهائي 19 سيڪڙو رڪارڊ ٿي.انگن اکرن موجب شهرن ۾ مهانگائي جي شرح ۾ 4 ڏهائي 54 سيڪڙو واڌ جڏهن ته ٻهراڙي واري علائقن ۾ مهانگائي جي شرح ۾ 4 ڏهائي 01 سيڪڙو واڌ ٿي. واڌ کانپوءِ مُلڪ ۾ مهانگائي جي مجموعي شرح 31 ڏهائي 55 سيڪڙو تائين پهچي وئي آهي. عارف حبيب ڪارپوريشن موجب جولاءِ 1965ع کان پوءِ موجود ڊيٽا ۾ هي سڀ کان وڌيڪ اضافو آهي. پاڪستان جي شماريات بيورو (پي بي ايس) پاران جاري ڪيل انگن اکرن موجب شهري ۽ ٻهراڙي وارن علائقن ۾ مهانگائي گذريل سال جي ڀيٽ ۾ 28 ڏهائي 82 سيڪڙو ۽ 35 ڏهائي 56 سيڪڙو تائين وڌي وئي آهي. |
مريم نواز تي ادارن جي توهين جو الزام، عدالت 10 مارچ تي طلب ڪري ورتو | سکر جي عدالت ادارن جي توهين ڪرڻ جي الزام ۾ مسلم ليگ (ن) جي سينيئر نائب صدر مريم نواز کي 10 مارچ تي طلب ڪندي نوٽيس جاري ڪري ڇڏيو آهي. سکر جي ايڊيشنل ڊسٽرڪٽ اينڊ سيشن ڪورٽ ۾ تحريڪ انصاف سکر جي ضلعي صدر ظهير بابر طرفان مريم نواز خلاف ڪيس داخل ڪرڻ لا درخواست داخل ڪئي وئي هئي، جنهن تي ايديشنل ڊسٽرڪٽ اينڊ سيشن جج سکر شنوائي ڪئي. درخواست ۾ موقف اختيار ڪيو ويو ته مريم نواز جلسي ۾ تقرير دوران ملڪ جي ادارن خلاف ڳالهايو آهي، هن عوام کي ادارن خلاف بغاوت لا ڀڙڪائڻ جي ڪوشش به ڪئي. ايڊيشنل ڊسٽرڪٽ اينڊ سيشن جج مريم نواز کي 10 مارچ جو نوٽيس جاري ڪيو ۽ ايس ايڇ او ماڊل ٽائون، ڊائريڪٽر ۽ ڊپٽي ڊائريڪٽر سائبر ڪرائيم ۽ ايس ايس پي سکر کي پڻ طلب ڪري ورتو آهي. |
پي اي سي ۾ رٽائرڊ ججن ۽ جرنيلن کي ملندڙ مراعتن جو رڪارڊ طلب | اسلام آباد :پبلڪ اڪائونٽس ڪميٽي (پي اي سي) رٽائرڊ ججن ۽ جرنيلن کي ملندڙ مراعتن جو رڪارڊ طلب ڪري ورتو آهي. پي اي سي چيئرمين نور عالم خان جي صدارت هيٺ پارليامينٽ جي پبلڪ اڪائونٽس ڪميٽي جو اجلاس ٿيو، اجلاس ۾ رٽائرڊ ججن ۽ جرنيلن کي ملندڙ مراعتن جو رڪارڊ طلب ڪري ورتو. پي اي سي جي ميمبر برجيس طاهر چيو مُلڪ ۾ ڏيڍ لک سرڪاري گاڏيون آهن، ان جو پيٽرول بند ڪيو وڃي. جڏهن ته مشاهد حسين سيد چيو ته سرڪاري کاتن ۾ پنج لک رُپين کان وڌيڪ پگهارون نه ڏنيون وڃن. سليم مانڊوي والا جو چوڻ هو ته پي ايس او جا فيول ڪارڊ مليا آهن اُهي بند ڪرايو. جڏهن ته شيخ روحيل اصغر چيو ته وي آءِ پيز طبقي جون گاڏيون بم پروف آهن، جسٽس قاضي فائز عيسيٰ کي مون پاڻ پنڌ هلندي ڏٺو آهي. جن وي آءِ پيز کي ڊپ ٿئي ٿو اُهي عهدو نه وٺن يا گهر ۾ رهن. اجلاس دوران پبلڪ اڪائونٽ ڪميٽي وي آءِ پي موومينٽ دوران ٽريفڪ کي روڪڻ کان منع ڪيو. پي اي سي چيئرمين نور عالم خان چيو ته مُلڪ ُٻڏي رهيو آهي جڏهن ته وي آءِ پيز هزارين لٽر مفت تيل ۽ موناٽيزڊ پاليسي انجواءِ ڪري رهيا آهن. هن وڌيڪ چيو ته آڊٽ اختياريون ايندڙ هفتي سمورو رڪارڊ فراهم ڪن، سي ڊي اي طرفان ريڪور ڪيل پلاٽن جا تفصيل پڻ فراهم ڪيا وڃن. |
فرح گوگي کي پاڪستان آڻڻ لاءِ انٽرپول سان رابطي جو فيصلو | اسلام آباد :ايف آءِ اي فرحت شهزادي عرف فرح گوگي کي پاڪستان آڻڻ لاءِ انٽر پول سان رابطي جو فيصلو ڪيو آهي. ايف آءِ اي ذريعن موجب فرحت شهزادي کي پاڪستان آڻڻ لاءِ انٽرپول سان رابطي جي فيصلي جي گهرو وزارت کان اجازت گهري وئي آهي. ذريعن جو چوڻ آهي ته فرحت شهزادي کي اشتهاري قرار ڏيڻ لاءِ عدالت کان ريڊ وارنٽ حاصل ڪيا ويندا. ذريعن موجب فرحت شهزادي خلاف اسٽيٽ بئنڪ جي هدايت تي اينٽي ڪرپشن مني لانڊرنگ ايڪٽ تحت ڪيس داخل ڪيو ويو آهي، سندس اڪائونٽس مان غيرمعمولي ٽرانزيڪشن ٿي هئي. |
عمران کي گرفتار ڪرڻ جي ڪوشش ڪنداسين:راڻا ثنا الله | اسلام آباد : وفاقي گهرو وزير راڻا ثناءُ الله چيو آهي ته عدالتن تي حملي ڪيس ۾ عمران خان کي گرفتار ڪرڻ جي ڪوشش ڪنداسين. اسلام آباد ۾ پريس ڪانفرنس ڪندي گهرو وزير راڻا ثناءُ الله چيو ته هي ماڻهو جيل ڀريو تحريڪ ۾ شوق سان جيل ۾ ويا، هاڻي اندر وڃڻ وارا ٻاهر اچڻ لاءِ منٿون ڪري رهيا آهن.هن چيو ته عمران خان ڪالهه سازش تحت ماڻهن کي گڏ ڪيو ۽ طئي ڪري عدالت تي حملو ڪيو. اسلام آباد هاءِ ڪورٽ ۽ جڊيشل ڪمپليڪس تي حملو ناقابل قبول آهي. ڪوشش ڪنداسين ته عمران خان کي عدالتن تي حملي واري ڪيس ۾ گرفتار ڪيون. گهرو وزير جو چوڻ آهي ته عمران جا ناز نخرا برداشت ڪيا ويا، عدليا کان اپيل آهي اوهان کيس رعايت ڏني، کيس وقت ڏنو هاڻي ان جو هي نتيجو نڪتو آهي، عمران خان ۾ نه اخلاق آهي نه ئي انسانيت. |
اليڪشن ڪميشن طرفان عدالتي حڪم تي عملدرآمد جو فيصلو | اسلام آباد :اليڪشن ڪميشن سپريم ڪورٽ جي حڪمن تي عملدرآمد جو فيصلو ڪري ورتو آهي. سپريم ڪورٽ جي فيصلي کانپوءِ چيف اليڪشن ڪمشنر جي صدارت هيٺ اليڪشن ڪميشن جو اهم هنگامي اجلاس ٿيو، جنهن ۾ اليڪشن ڪميشن جي ميمبرن ۽ سيڪريٽري شرڪت ڪئي. اليڪشن ڪميشن جي لا ونگ سپريم ڪورٽ جي فيصلي تي بريفنگ ڏني. اجلاس ۾ پنجاب ۽ خيبرپختونخوا جي چونڊن بابت مشاورت ڪئي وئي. اليڪشن ڪميشن جي ذريعن موجب اليڪشن ڪميشن سپريم ڪورٽ جي حڪمن تي عملدرآمد جو فيصلو ڪيو آهي. اليڪشن ڪميشن مشاورت لاءِ صدر ۽ گورنر ڪي پي ڪي کي خط لکندو. ٻنهي صوبن ۾ چونڊون عيد الفطر کانپوءِ ٿيڻ جو امڪان آهي. اليڪشن شيڊول 54 ڏينهن تي ٻڌل هوندو. ادارن جي عدم تعاون تي آرٽيڪل 220 جو استعمال ڪيو ويندو. اليڪشن ڪميشن لاڳاپيل ونگز کي هدايت ڪئي ته ٻنهي صوبن ۾ عام چونڊن لاءِ تياريون تيز ڪيون وڃن. |
ججن جي اڪثريت واضح موقف ڏنو ته پاڻمرادو نوٽيس نٿو بڻجي: شرجيل ميمڻ | ڪراچي: سنڌ جي اطلاعات واري صوبائي وزير شرجيل انعام ميمڻ چيو آهي ته سپريم ڪورٽ جي ٻن نه پر چئن جج صاحبن اعتراض ڪيو آهي ته ان معاملي تي پاڻمرادو نوٽيس بڻجي ئي نه ٿو. جڏهن اهو ڪيس لاهور هاءِ ڪورٽ ۾ شنوائي هيٺ آهي ته ان کي سپريم ڪورٽ ۾ ٻڌڻ جي ضرورت ئي نه هئي. هن چيو ته ججن جي اڪثريت واضح طور تي پنهنجو موقف ڏنو آهي ته اهو پاڻمرادو نوٽيس نٿو بڻجي. هن اها ڳالھه پيپلز پنڪ بس سروس جي افتتاح جي موقعي تي صحافين جي سوالن جا جواب ڏيندي ڪئي. هن چيو ته ڇا سپريم ڪورٽ ۾ ان کان به وڏا ڪيس التوا ۾ نه آهن؟ شهيد ذوالفقار علي ڀٽي جي عدالتي قتل جو ڪيس اڃا التوا ۾ آهي. شهيد ذوالفقار علي ڀٽو قتل ڪيس جي ريفرنس لاءِ عدالت وٽ وقت ناهي. هڪ ملڪ ۾ ٻه قانون ڪيستائين هلندا، لاڏلي لاءِ عدالتون رات جو کوليون وينديون آهن، ڇا ملڪ ۾ ائين ئي هلندو رهندو؟ هي لاڏلاازم ڪيستائين جاري رهندو؟
هن چيو ته لاڏلاازم ملڪ ۾ تباهي مچائي ڇڏي آهي، لاڏلاازم ملڪ لاءِ خطرو بڻجي رهيو آهي. هن چيو ته هر پارٽي چونڊن لاءِ تيار آهي پر اها ضمانت ڪير ڏيندو ته عمران خان نئين چونڊن جا نتيجا قبول ڪندو؟ هي شخص ٻه ٽي هزار ماڻهن سان گڏ گهمي رهيو آهي. لٺيون کڻي بدمعاشِيون ڪري رهيو آهي ۽ مولا جٽ بڻيل آهي. هن چيو ته عمران خان ملڪ ۾ غلط روايتون وجھي رهيو آهي، سڀاڻي ڪو به هزار ماڻهو کڻي عدالت اچي سگهي ٿو. هن چيو ته انهن ماڻهن پوليس اهلڪارن کي لٺيون هيون، هن ملڪ ۾ پهرين ائين ڪنهن ناهي ڪيو. افسوس ايتري بدمعاشيءَ کانپوءِ به کيس رليف ملي رهيو آهي. اسان به عدالتون ۽ جيل ڀوڳيا آهن پر اسان کي اهڙي رعايت ڪڏهن نه ناهي ملي. هن چيو ته مون کي پنهنجي پارٽي اجازت ڏئي، ان کان وڌيڪ ماڻهن کي عدالت ۾ وٺي ويندس. ڇا پيپلز پارٽي ايترا ماڻهو نٿي آڻي سگهي؟ جيڪڏهن سياسي پارٽيون عدالتن جو احترام ڪنديون ته عوام به عزت ڪندو.
هڪ سوال جي جواب ۾ هن چيو ته عمران خان کي گرفتار ٿيڻ گھرجي. هن شخص مسلسل قانون جي ڀڃڪڙي ڪئي آهي. هن چيو ته ڪنهن به قسم جي زيادتي تي احتجاج ڪرڻ هر ڪنهن جو حق آهي پر قانون ۽ آئين جي اندر رهي ڪري احتجاج ٿيڻ گهرجي. جيل ڀريو تحريڪ بابت پڇيل سوال تي هن چيو ته جيل ڀريو تحريڪ وارا تاريخ تي تاريخ ڏئي رهيا آهن ته جيئن سندن ڳالهه ڪٿي بڻجي وڃي. هن چيو ته ڪراچي ۾ جيل ڀريو تحريڪ ۾ ڪير به ٻاهر نه آيو. هڪ سوال جي جواب ۾ هن چيو ته عمران خان بدمعاشن ۽ مافيا وانگر عدالتن ۾ گھڙندو آهي، اهو عدالتن جو ڪم آهي ته ان جو نوٽيس وٺن. |
ڪراچي ۾ پيپلز پنڪ بس سروس جي وڌيڪ ٻن روٽن جي شروعات | ڪراچي: ڪراچي ۾ وڌيڪ ٻن روٽن تي عورتن لا مخصوص پيپلز پنڪ بس پنهنجي سفر جي شروعات ڪري ڇڏي. صوبائي وزيرن شرجيل انعام ميمڻ ۽ سيد ناصر حسين شاهه ڪالهه سي ويو تي رٿيل تقريب ۾ پيپلز پنڪ بس سروس جو افتتاح ڪيو. ان موقعي تي وزيراعليٰ سنڌ جو ڪوآرڊينيٽر شهزاد ميمڻ، ايم پي اي سعديه جاويد، ٽرانسپورٽ سيڪريٽري عبدالحليم شيخ، ايم ڊي سنڌ ماس ٽرانزٽ اٿارٽي زبير چنا، پراجيڪٽ ڊائريڪٽر صهيب شفيق ۽ ٻيا پڻ موجود هئا. ان موقعي تي ڳالهائيندي اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ چيو ته پاڪستان پيپلز پارٽي جي سنڌ حڪومت پارٽي قيادت جي خاص حڪم تي سڄي سنڌ ۾ پيپلز پنڪ بس سروس شروع ڪئي آهي. پهرين مرحلي ۾ ڪراچي ۾ آزمائشي بنيادن تي روٽ شروع ڪيو ويو آهي. ان کي شاندار موٽ ملڻ کانپوءِ حيدرآباد ۾ عورتن لاءِ گلابي بس سروس شروع ڪئي وئي.
هن چيو ته اڄ کان ڪراچي جا ٻه نوان روٽ شروع ڪيا پيا وڃن. مائرن، ڀينرن ۽ نياڻين جي سهولت لا پنڪ بس سروس کي وڌايو پيو وڃي. هن چيو ته عورتن کي بااختيار بڻائڻ لاءِ هي هڪ وڏو قدم آهي. کين اسڪولن، ڪاليجن ۽ آفيسن ۾ وڃڻ ۾ آساني ٿيندي. هن چيو ته دنيا جي ترقي يافته ملڪن ۾ به عورتن لاءِ الڳ بس سروس ناهي. دنيا ۾ صرف 12 ملڪ آهن، جتي عورتن لاءِ الڳ بس سروس آهي ۽ پاڪستان به انهن ملڪن ۾ شامل آهي. هن چيو ته پيپلز پنڪ بس سروس کي عالمي ميڊيا ۾ ڀرپور موٽ ملي آهي. هن چيو ته گلابي بس سروس سکر، لاڙڪاڻي ۽ هر ضلعي ۾ شروع ڪئي ويندي ته جيئن عورتن کي محفوظ سفري سهولتون ملي سگهن ۽ هو اڳتي وڌي سگهن. شرجيل انعام ميمڻ چيو ته پاڪستان پيپلز پارٽي هميشه عورتن کي بااختيار بڻائڻ جي ڪوشش ڪئي آهي. هن چيو ته پاور چورنگي نارٿ ڪراچي کان انڊس اسپتال ۽ نمائش چورنگي کان سي ويو تائين 2 نوان گلابي بس سروس جا روٽ اڄ شروع ٿي رهيا آهن، جڏهن ته ماڊل ڪالوني کان ٽاور روٽ تي بسن جي تعداد وڌائي وئي آهي. |
جڊيشل ڪامپليڪس ۾ ڀڃ ڊاهه،هٿياربندن سميت 25 گرفتار | اسلام آباد :اسلام آباد پوليس جڊيشل ڪامپليڪس ۾ ڀڃ ڊاهه ڪندي پي ٽي آءِ ڪارڪن سخت بدنظمي جو مظاهرو ڪيو ۽ جڊيشل ڪمپليڪس جا دروازا ٽوڙي ڇڏيا. پوليس ڪيس داخل ڪري ورتو. پوليس موجب ڪيس دهشتگردي ايڪٽ تحت داخل ڪيو ويو ۽ هجوم مان ڪلاشنڪوف ۽ ٻين هٿيارن سميت ڪيترن ئي ماڻهن کي گرفتار ڪيو ويو آهي. پوليس ٻڌايو ته منصوبي تحت جڊيشل ڪامپليڪس ۽ هاءِ ڪورٽ تي حملي جي ڪوشش ڪئي وئي. پوليس موجب سياسي جماعت جا اڳواڻ هجوم جي قيادت ڪري رهيا هئا، هجوم کي نقصان لاءِ اڪسايو ويو ۽ ڀڃ ڊاهه ڪرائي وئي. جڊيشل ڪامپليڪس ۾ سرڪاري ملڪيتن کي نقصان پهچايو ويو، پوليس حڪمت عملي سان هاءِ ڪورٽ ۾ اهڙن امڪاني قدمن کي روڪيو. پوليس جو چوڻ آهي ته 25 ڄڻن کي گرفتار ڪيو ويو آهي ۽ ٻين جي گرفتاري لاءِ ڇاپا هنيا پيا وڃن. وڌيڪ گرفتارين لاءِ مختلف صوبن ۾ پوليس ٽيمون روانيون ڪيون ويون آهن.ياد رهي ته عدالت پاران عمران خان جا ضمانت نه ٿيڻ جوڳا گرفتاري وارنٽ جاري ٿيڻ کانپوءِ پي ٽي آءِ ڪارڪنن جو وڏو انگ سيشن ڪورٽ ٻاهران جمع ٿي ويو.ڪالهه عمران خان لاهور کان روڊ رستي چئن مختلف ڪيسن ۾ پيشي لاءِ اسلام آباد پهتو. عمران خان ڪيسن ۾ پيشي لاءِ وڏي هجوم سان گڏ جڊيشل ڪمپليڪس پهتو جتي هو عدالت ۾ پيش ٿيو. ان موقعي تي پي ٽي آءِ ڪارڪن سخت بدنظمي جو مظاهرو ڪندي هنگامو ڪيو ۽ جڊيشل ڪمپليڪس جا دروازا ٽوڙي ڇڏيا. پي ٽي آءِ ڪارڪن وڏي انگ ۾ سيڪيورٽي جون سموريون رنڊڪون هٽائي جڊيشل ڪمپليڪس اندر داخل ٿي ويا ۽ پوليس اهلڪارن سان بدتميزي پڻ ڪئي. پي ٽي آءِ چيئرمين پنهنجي رهائشگاهه زمان پارڪ کان روڊ رستي اسلام آباد پهتو هو. |
هڪ شخص آئين ۽ عدالتن تي حملا آور آهي،ڪوئي نوٽيس ناهي:مريم اورنگزيب | اسلام آباد :سڌ سماءَ بابت وفاقي وزير مريم اورنگزيب چيو آهي ته ججن کي گار ڌمڪي، عدالتن تي حملا ۽ جڊيشل ڪمپليڪس جي ڀڃ ڊاهه ڇو؟ ڇو ته فارن فنڊيڊ گهڙي چور وٽ ڪوئي جواب نه آهي. اڱاري تي پنهنجي ٽوئيٽ ۾ مريم اورنگزيب چيو ته جڏهن عدالتون پيشي لاءِ منٿون ڪرڻ لڳن ته تاريخ تي تاريخ ڏينديون ته ايئن ته ٿيندو. هن چيو ته هڪ شخص آئين ۽ عدالتي نظام تي حملا آور آهي، ڪوئي نوٽيس نه آهي. هن وڌيڪ چيو آهي ته گهڙي چور، توشا خانا چور پيش ٿئي جا آواز اچي رهيا آهن پر عمران خان گم آهي. عمران خان پيش نه ٿئي ته گرفتار ڪرڻ گهرجي، جيل ڀرڻ جو شوق به پورو ٿي ويندو. هن بيان ۾ چيو ته عدالت پڇي رهي آهي ته جوابدار ڪٿي آهي، جواب مليو ته وقت جو نٿا ٻڌائي سگهون. عدالت پڇي رهي آهي جوابدار ڪنهن وقت پيش ٿيندو. جواب مليو عمران خان سان رابطو نه پيو ٿئي. عدالت گهڙي چور جي حاضري جو پڇي رهي آهي جيڪو اڃا تائين پيش ناهي ٿيو. فارن ايجنٽ ضمانت ڪرائڻ بئڪنگ ڪورٽ تي مهرباني ڪري رهيو آهي. توشا خانا ڪيس ۾ فرد جرم لاڳو ٿيڻو آهي، اتان به هي روپوش آهي واه ڀاءُ! مريم اورنگزيب چيو ته نوازشريف ڌيءَ سان گڏ روز عدالت پيش ٿي پئي سگهيو ته عمران خان بشريٰ بي بي ۽ فرح گوگي سان ڇو نٿو پيش ٿي سگهي. عمران خان ڏٺو ته وقت اچڻ تي جواب پاڻ ئي ڏيڻو پوي ٿو، بشريٰ ۽ گوگي به ساٿ ڇڏي ڏنو آهي. هن چيو ته گهڙي ڇو وڪرو ڪئي، بشريٰ بي بي هيرن جو هار ڇو وڪرو ڪيو، عدالت ۾ پيش ٿي جواب ڏيو. |
بئنچ تبديل ڇو ڪئي،هڪ رجسٽرار جَجَ کان به وڌيڪ طاقتور آهي:جسٽس فائز | اسلام آباد :سُپريم ڪورٽ جي جسٽس قاضي فائز عيسيٰ ۽ جسٽس يحييٰ آفريدي اعليٰ عدالت ۾ ڪيس شنوائي لاءِ مقرر ڪرڻ جي طريقيڪار واري معاملي جو نوٽيس وٺندي سُپريم ڪورٽ جي رجسٽرار کي سموري رڪارڊ سميت فوري طور طلب ڪري ورتو. جسٽس قاضي فائز عيسيٰ جو چوڻ آهي ته سُپريم ڪورٽ جو جج آهيان، پنجن سالن تائين بلوچستان هاٰءِ ڪورٽ جو چيف جسٽس پڻ رهي چڪو آهيان. اسان چاهيون ٿا ته شفافيت هئڻ گهرجي، جيڪڏهن رجسٽرار ڪيس هڪ کان ٻي بئنچ ۾ مقرر ڪندو ته شفافيت ڪيئن ٿيندي؟ هن چيو ته ائين محسوس ٿي رهيو آهي ته هڪ رجسٽرار مون جهڙي جَجَ کان به وڌيڪ طاقتور آهي. مان 2010 وارا ڪيس نٿو ٻڌي سگهان ڇاڪاڻ ته ڪيس رجسٽرار شنوائي لاءِ مقرر ڪري ٿو، ڇا مان فون ڪري رجسٽرار کي اِهو چئي سگهان ٿو ته فلاڻو ڪيس فلاڻي بئنچ ۾ شنوائي لاءِ مقرر ڪري ڇڏيو؟ جسٽس فائز عيسيٰ رجسٽرار کان پڇاڻو ڪيو ته ٻڌايو ته ڪيس ڪهڙي پاليسي تحت مقرر ڪيا ويندا آهن؟ عدالت ٻه اپريل 2022ع تي رجسٽرار کي حڪم ڏنو هو ته ڪيس مقرر ڪرڻو جو طريقيڪار طئي ٿئي. رجسٽرار آفيس ۾ ڪيس مقرر ڪرڻ بابت شفافيت نالي ڪائي شيءَ ڪونهي. ان تي سُپريم ڪورٽ جي رجسٽرار جو چوڻ هو ته چيف جسٽس پاڪستان جي منظوري سان ئي ڪيس شنوائي لاءِ مقرر ٿيندا آهن. جسٽس يحييٰ آفريدي جو چوڻ آهي ته سوال اِهو آهي ته بئنچ ۾ جسٽس حسن رضوي صاحب هو، بئنچ تبديل ڇو تبديل ڪئي وئي؟ ڪيس مقرر ڪرڻو جو طريقيڪار ڇا آهي؟ ان دوران سُپريم ڪورٽ بار جي اڳوڻي صدر امان الله ڪنراڻي چيو ته ماڻهو پڇي پڇي ٿڪجي پيا آهن پر اسان جا ڪيس شنوائي لاءِ مقرر نٿا ٿين. جسٽس فائز عيسيٰ رجسٽرار کان سوال ڪيو ته جسٽس يحييٰ آفريدي ۽ منهنجي بئنچ تبديل ڇو ڪئي وئي، بنا ٻڌائڻ جي بئنچ تبديل ڪرڻ سبب عوام جي ذهن ۾ شڪ شهبا جنم وٺن ٿا. ان تي رجسٽرار جواب ڏيندي چيو ته چيف جسٽس جي اسٽاف آفيسر جي زباني هدايتن تي بئنچ تبديلي جو پروپوزل تيار ڪيو. چيف جسٽس جي اسٽاف آفيسر چيو ته چيف جسٽس جي هدايت آهي ته ججز روسٽر تبديل ڪيو وڃي. ان موقعي تي جسٽس فائز عيسيٰ فريادي ڌر ۽ وڪيلن کان معذرت ڪندي چيوته هو اڄ شنوائي نٿو ڪري سگهي. هن چيو ته اوچتو بئنچ جي تبديلي جا سبب ناهن ڄاڻايا ويا، اوچتو بئنچ جي تبديلي ۽ ڪيس مقرر ٿيڻ سان شڪ شهبا جنم وٺندا آهن. جسٽس فائز عيسيٰ جو چوڻ هو ته حلف ۽ ضابطا سڀني سان هڪجهڙو ورتاءُ ڪرڻ جي گهر ڪن ٿا، آرٽيڪل 10 اي بنيادي حقن ۾ شامل آهي جيڪو ڊيو پراسس جي ڳالهه ڪري ٿو. بئنچ تبديل ڪرڻ جا قانوني سبب هئڻ گهرجن، سڀاڻي ماڻهو چوندا ته مرضي جي بئنچ جوڙي مرضي جو فيصلو ٿيو. عدليا جو وقار شفافيت نه هئڻ سان گهٽجي ويندو، شفافيت جي اهم گهرج آهي ته جيڪو ڪيس پهريان داخل ٿئي اِهو پهريان شنوائي لاءِ مقرر ٿئي. جسٽس يحييٰ آفريدي رجسٽرار کان سوال ڪيو ته ڇا هي روسٽر اوهان نه چيف جسٽس ٺاهيو آهي؟ ان تي رجسٽرار ٻڌايو ته شروعاتي روسٽر ٺاهي چيف جسٽس ڏانهن اُماڻيون ٿا. جسٽس فائز عيسيٰ چيو ته سوچي سمجهي ڳالهايو، عوام سُپريم ڪورٽ جو در کڙڪائي ٿو، عوام انصاف لاءِ اعليٰ عدالت جو در کڙڪائي ٿو. جيڪڏهن اوهان منهنجي چوڻ ته منهنجي ڀاءَ جو ڪيس شنوائي لاءِ مقرر ڪري ڇڏيو ته انصاف جو اڌ قتل ته اوهان ڪري ڇڏيو. رجسٽرار چيو ته چيف جسٽس جي اسٽاف آفيسر زباني چيوته هدايت آهي ته روسٽر تبديل ڪيو وڃي، ڄاڻايل روسٽر تبديل ڪري چيف جسٽس کان منظوري ورتي وئي. جسٽس قاضي فائز عيسيٰ چيو ته منظوري ۽ اُها فائيل ڏيکاريو جنهن تي نوٽ تيار ڪري موڪليو ويو، ان تي سُپريم ڪورٽ جي رجسٽرار چيو ته سر فائيل ناهي، هڪ هڪ ڪاغذ ٺاهي موڪليندا آهيون. جسٽس فائز عيسيٰ چيو ته ڇا چيف جسٽس کي بئنچ جي جوڙجڪ ۽ ڪيسن جي فڪسيشن جو مڪمل اختيار آهي؟ انصاف جو رڳو هجڻ ڪافي نه آهي پر اِهو ٿيندي به نظر اچڻ گهرجي. هن پڇاڻو ڪيو ته جوڳا ڪارڻ نه هئڻ باوجود بئنچ ڇو تبديل ڪئي وئي؟ ان تي سُپريم ڪورٽ جي رجسٽرار ڳالهائڻ شروع ڪيو ته “حقيقت ۾ اسان” ته جسٽس فائز عيسي کيس ٽوڪيندي چيو ته ” اسان نه چئو” اسان جو لفظ ته بادشاهه استعمال ڪندا آهن. جسٽس قاضي فائز عيسي بئنچ جي تبديلي جو حڪم ويب سائيٽ تي جاري ڪرڻ جي هدايت ڪري ڇڏي. |
End of preview. Expand
in Data Studio
Sindhi News Corpus (SindhExpress)
Overview
The Sindhi News Corpus (SindhExpress) is a Sindhi-language news dataset created for Natural Language Processing (NLP) research.
Each entry contains:
Headline— News titleNews Text— Full article content
The dataset is structured in CSV format (UTF-8 encoding).
Use Cases
- Text Classification
- News Summarization
- Headline Generation
- Language Modeling
- Low-Resource NLP Research
Format
CSV file with two columns:
- Headline
- News Text
Author
Danish Mahdi
Hugging Face: https://huggingface.co/DanishMahdi
- Downloads last month
- 12