Toki Pona Datasets
Collection
Datasets for training Toki Pona models
•
6 items
•
Updated
Dataset Viewer
id
int64 0
41
| url
large_stringlengths 43
98
| text
large_stringlengths 69
6.51k
|
|---|---|---|
0
|
https://lipukule.org/post/2021/01/20/lipu-kule-li-kama-lon
|
lipu sin pi toki pona li kama lon. nimi ona li ‘lipu tenpo’. jan pali pi lipu tenpo li wile pana e lipu sin lon tenpo mun kama. toki pona la, ona li lipu nanpa wan sama ni.
jan lawa pi lipu tenpo li toki e ni: “sina wile sitelen tawa lipu ni la, o sitelen ala e ijo pi nasin jan. sina ken sitelen e ijo lon tenpo ni. taso, sina ken ala pana e pilin sina lon sitelen sina.”
ni li ike tawa mute lon kulupu. waso pimeja li toki e ni: “sitelen ale li nasin jan. jan li sitelen e nasin lon la, ona li pana e nasin ona tawa sitelen. sina alasa pake e nasin jan la, nasin jan li awen lon; taso ona li pona tawa jan ike taso. kin la, ni li pake e wile pali pi jan mute. ni la, lipu tenpo o kama wile e sitelen pi nasin jan.”
taso jan lawa li wile ala kute. ona li toki e ni: “mi mute li toki lon insa tomo pi jan ale ala. mi wile ala ante e lawa pi lipu ni. lawa pi nasin jan taso li ken ante.”
jan Jan li toki e ni: “jan lawa pi lipu ni li pali ike. ona li ken ala lawa pona e kulupu. lawa o ante. lawa li ante ala la mi weka kan pali mi.”
lawa li toki e ni tawa kulupu: “sina wile ala wile ante e lawa?” jan mute li toki e ni: wile. lawa li toki e ni tawa jan pali taso: “sina wile ala wile ante e lawa?” jan pali li toki e ni: ala.
tan ni la, lawa li ante ala. ni la, jan Jan li weka tan kulupu ni, kan pali ona pi lipu tenpo.
jan Jan li pali e kulupu sin. jan mute li kama tawa ona. kulupu li pali e lipu sin. nimi ona li ‘lipu kule’. ona la, sitelen ale pona li ken lon. tenpo ni la, kulupu li lili; taso, ona li ken kama suli li ken kama pona tawa ale.
|
1
|
https://lipukule.org/post/2021/01/23/omekapo
|
ken la, sina lon kulupu 'ma pona pi toki pona' la, sina kute mute e ni lon toki uta: 'omekapo!' taso sina sona ala sona e kon pi nimi ni? sina sona la, sina sona ala sona e tan, e kama lon pi nimi ni?
sina sona ala la, toki ni li ken pana e sona.
tenpo pini mute mute la, jan mute pi toki pona li kama lon kulupu lon ma Teka (Texas). ona mute li moku e kala lete, li musi, li toki pona. jan Sonja (mama pi toki pona) en jan Maliku (jan lon ma pona pi toki pona) li lon ni. jan Maliku li pana e lipu pu ona tawa jan Sonja. jan Sonja li sitelen lon ona.
sitelen pi jan Sonja li ni: 'jan Maliku o! sina mije pona. ale li pona. o moku e kala pona. Sonja :)'
tenpo mute la, sitelen ni li suli ala.
tenpo li tawa. suno wan la, toki uta li lon ma pona pi toki pona. jan pi mute ala li lon toki uta ni; jan Maliku en jan ante lili li lon. ona mute li toki musi, li toki e ijo ale, li toki e kama kulupu pi tenpo pini lon ma Teka.
ni la, jan Maliku li kama lukin sin e sitelen pi jan Sonja lon pu ona. ona li pana e sitelen ni tawa jan mute lon toki uta.
'o moku e kala pona?' jan li sona ala e tan pi sitelen ni. ni la, ona li musi e nimi. 'ona li ken sama 'tawa pona', anu seme? a a!'
'ni li ken!' jan ante li musi kin. 'ken la ona li ken kama nimi sin.'
'o moku e kala pona!'
jan Maliku li kama sona e sona pona. 'a, ken la jan li ken lili e ona tawa 'o.m.e.ka.po', sama 'o moku e kala pona'.'
jan mute la, ni li pona mute. ona li open kepeken nimi ni.
'omekapo!' toki uta li pini la, ona mute li toki e ni. 'omekapo!'
ona mute li kepeken mute e nimi ni tawa toki ale, li pana e ona tawa tomo #sona-musi. tan ni la, jan mute kin li kama kepeken ona. jan lawa li kepeken ona. tenpo la, jan Sonja, mama pi toki pona, kin li kepeken ona.
tenpo mute la, jan Maliku li toki mute ala lon ma pona pi toki pona. taso nimi ona 'omekapo' li awen lon, li pona tawa jan mute, li kama lon lipu 'nimi ale pona'.
pona a! tenpo ni la, sina sona e kama lon pi nimi 'omekapo'. kon ona li awen sama tenpo pini - ona li sama 'tawa pona!' li sama 'o awen pona!' li ken sama 'o awen pona lon weka sina'. ona li ken kon mute.
ni la, tenpo kama la, ken la o toki ala e 'tawa pona' tawa jan pona sina. o toki e 'omekapo!'
|
2
|
https://lipukule.org/post/2021/01/24/tan-suli-lipu-li-seme
|
lipu kule li tan wile pi jan mute. lipu kule li tan pali pi jan mute. jan mute li lon nasin mute. taso jan pali ali li wile e ni: lipu ni o nasin pona.
mi ken sitelen mute e nasin pona. taso mi sitelen e ni kepeken toki lili. o kama sona e nasin pona pi lipu kule.
mi la, ‘pona’ li seme?
mi wile e ni:
lipu ni li pona tawa jan mute pona.
jan pona li lon nasin wan ala. (kin la, o kepeken nasin ike ala.) mi wile e pona pi lipu ni la, mi wile kute e pona pi jan mute pona.
mi wile e ni:
lipu ni li tan kama sona pi jan mute.
sina wile pana e sona pi nasin sina la, o sitelen lon lipu ni. sina wile kama sona pi jan mute la, o kepeken lipu ni.
mi wile e ni:
lipu ni li tan kama sona pi kulupu toki pona.
kulupu toki pona li sama jan ali pi toki pona. jan li lon ma mute! jan li toki e toki mute! jan li ken kule li ken ali li mute a! kulupu li mute.
mi wile e ni:
lipu ni li pana sona e nasin pi pali pona.
jan li lukin e lipu ni la, mi wile e ni: jan li ken pana e pona tawa ali. jan pi pona pana li kama mute kepeken lipu ni. o pona tan ni.
mi wile e ni:
lipu ni li ken e musi pi jan mute.
ali li wile musi. taso, musi li weka tan kulupu mute. ni li ike mute tawa mi mute. lipu ni la, musi li ken kama sin tawa jan ali.
ni li nasin pona pi lipu kule. o sitelen kepeken ni. o sitelen kepeken pona. o sitelen kepeken musi. ni la, ali li ken kama pona.
o tawa lon olin pi jan pali pi lipu kule.
|
3
|
https://lipukule.org/post/2021/01/25/kulupu-pali-pona
|
tenpo pini la jan mute li jo ala e ilo pi toki pona. taso tenpo ni la ilo pi toki pona li lon. tan seme a? kulupu pali pona li kama lon. kulupu pali pona li pali e ilo pi toki pona. tenpo ni la ona li kama lon e ilo tu wan pi toki pona. mi pana e lukin pi ilo ni tawa sina.
o lukin: ilo mute ni li pini ala. ni la, ona li lon ala tomo pi pana ilo. taso jan li ken kama jo e ilo ni tan
https://github.com/pali-pona
.
ilo "lon"
ni li ilo tawa ilo Linux taso.
ilo "lon" li toki e lon ma. ona li toki e seli e lete. ona li toki e telo e telo ala.
ona li lukin ni:
ona li wile e lon sina. ona li kepeken e ni tawa ni: ona li ken toki e kon lon tawa sina.
ni li toki kon ona.
ilo "ilo pona"
ni li ilo tawa ilo Linu (Linux) taso.
ilo pona li lipu pi toki pona pi toki Inli. ona li jo e nimi pi toki tu ona.
ona li lukin ni:
ilo pi tomo kala
ni li ilo wan ala. ni li kulupu ilo tawa jan pi pali ilo. sina jan pi pali ilo ala la ni li pona ala tawa sina. taso sina ken lukin.
sonaijo
ni li kulupu pi ilo lili tawa ilo
bash
. ona li pana e ken ni tawa sina: sina ken pali e ilo kepeken ilo Pa lon toki pona.
ltm
ni li ilo tawa lawa e ilo pi kalama musi. kepeken ilo ni la sina ken ante e ilo pi kalama musi sina lon toki pona taso.
kama jo e ilo lon e ilo pona
pali pi kulupu
pali pona
li kepeken ilo Linu taso. poki ilo li kepeken ilo
flatpak
tan pana. kin la, kulupu pali pona li jo e poki wan taso.
jan pi kulupu pali pona ala li ken ante e ilo pi kulupu pali pona. taso, mi mute li sona ala e ona. sina sona la o toki tawa mi!
sina jo ala e nasin poki pi kulupu pali pona la, o ni:
$ flatpak remote-add --if-not-exists palipona https://raw.githubusercontent.com/Pali-Pona/Pali-Pona.github.io/master/palipona.flatpakrepo
ona li pini la o ni:
flatpak install com.github.Appadeia.ilopona
tawa ilo pona, anu
flatpak install com.github.Appadeia.lon
tawa ilo lon.
pini
ni li ilo mute pi toki pona a! sina wile kama jo e ni la o tawa
https://github.com/pali-pona
. ilo lon en ilo pona li jo e nasin ante.
|
4
|
https://lipukule.org/post/2021/01/29/monsutatesu
|
o awen
: sina jan sin pi toki pona la, toki ni li ken pona ala a.
nimi 'monsuta' li nimi pi toki pona pi tenpo pini mute. kon ona li sama ni: ijo li monsuta la, ona li ken pana e ike tawa sina, li ken moli e sina. ni la sina pilin ike tan ona. pilin ni li 'pilin monsuta'. ijo li 'monsuta'.
taso, kon pi toki 'ona li monsuta e jan' li seme?
jan wan la, kon pi toki ni li 'ona li pana e pilin monsuta tawa jan. jan li pilin ike.’ taso jan ante la, kon toki li ken 'ona li pana e monsuta tawa jan la jan li kama monsuta.’
tenpo wan la jan mute li kama lukin e nasa ni. ona li pana e nimi tawa nasin nasa ni; nimi li 'monsutatesu'. taso nimi 'monsutatesu' li tan seme? ona li seme? nimi seme li nasa sama ona?
kama pi nimi ni li tan tenpo pini lili. taso, sina alasa lukin e ona lon
lipu majuna pi toki pona
la, sina ken kama lukin e ni: tenpo pini la,
jan li wile sona e ni kin
. ona li sona ala e ni: jan li kepeken 'monsuta e' la, kon ona li seme?
lon toki la, ona li sona ala. tenpo mute la, jan ala li alasa sona e ona. tenpo mute la, ona li weka tan lawa pi jan mute.
tenpo wan la, tenpo suli la - lon insa pi sike 2020 la - ike Pike li wile sona e ni kin, lon ma pona pi toki pona. lon tenpo ni la, jan mute li pilin e ni: 'ona li monsuta e jan' li sama 'ona li pana e pilin ike, e pilin monsuta tawa jan'. taso wile sona pi ike Pike li kama suli. jan mute li toki lon ona.
jan wan la, 'sina kepeken nasin pi toki Inli lon toki pona! kon pi nimi "monsuta" li sama ala kon pi nimi "fear" pi toki Inli. toki Inli li nasa!' taso, jan ante la, 'nimi "monsuta" li ken kon mute! ona li nasa mute li pona a.'
toki li awen suli. tenpo la, jan mute li kama pilin e ni: 'ona li monsuta e jan' li sama 'ona li ante e jan tawa monsuta'. ni li ike tan ni:
jan mute li toki e 'ona li monsuta e jan' tawa 'ona li pana e pilin monsuta tawa jan'.
ike ante li lon. 'pilin monsuta' li seme? ona li 'pilin pi wile pana ike', anu 'pilin pi kama ike'?
nasa la, toki ni li kama wawa mute. jan ale li toki. nasin mute li lon. lawa pi jan ale li kama pakala tan toki ni. ike Pike li weka tawa lape la, toki ni li awen lon, li awen pakala e lawa pi jan ale.
pona la, toki ni li kama pini. taso pini ona li pona mute ala. pini ona la, jan ale li pilin e ni: o kepeken ala nimi 'e' lon monsi pi nimi 'monsuta'. taso jan mute li awen sona ala e nasin kepeken pi nimi 'monsuta'.
tenpo li tawa. ken la, ijo nasa ale ni li pini. ken la, ona li weka...
taso, tenpo suno wan la, ona li kama sin! tenpo suno ni la, jan mute li lon toki uta lon ma pona pi toki pona. ona li open toki e ijo mute, e musi mute, e... nasin nasa pi nimi 'monsuta'.
mu! kalama li kama tan tomo #sona-musi lon ma pona pi toki pona. 'jan Likipi li toki e ijo nasa lon toki uta!' jan li toki e ni. 'ona la, nimi 'mama' li sama nimi 'monsuta'.'
ni li nasa e jan mute.
'"mi mama e ona" li ken "mi ante e ona tawa mama", li ken "mi pana e pona tawa ona, li sama mama ona".'
ni li nasa mute e jan mute.
'tenpo ni la, jan Likipi li alasa e nimi ale, li wile sona e ni: nimi seme li pali nasa sama nimi 'monsuta'?'
jan ante li kama lon toki. 'a, nimi 'lawa' li ken ike kin! 'mi lawa e ona' li ken 'mi ante e ona tawa lawa, mi pana e wawa tawa ona la ona li kama lawa'. taso ona li ken 'mi kama lawa ona' kin.'
ni la, toki suli sin li kama. ken la, nasa ni li nasa pi toki pona, li nasa pi nimi 'monsuta' taso ala. jan mute li alasa pana e nasin pi nimi 'monsuta' tawa nimi ante.
ona mute li kama sona e ni: nasin nasa li lon nimi mute.
'kalama' li sama ona - 'mi kalama e ona' li ken
'mi pali e kalama kepeken ona', li ken 'mi luka wawa e ona la kalama li lon'
anu 'mi toki e ona', sama 'mi kalama kepeken uta e ona'.
'moku' li sama ona - 'mi moku e ona' li ken
'mi pana e ona tawa uta mi li moku e ona'
anu 'mi wawa la, mi pana e moku tawa ona la ona li moku'.
tenpo ni la, jan ale li toki e nimi 'monsuta test' tawa ona. jan li pana e nimi tawa 'monsuta test' la, ona li ken sona e ni: ona li sama ala sama nasin nasa pi nimi 'monsuta'?
tenpo la, jan li toki pona e nimi 'monsuta test' tawa 'monsutatesu'. jan mute li pilin e ni: monsutatesu li nasa mute, li ike mute tawa nasin pi toki pona. taso jan mute ante (sama mi!) li pilin e ni: monsutatesu li musi mute. ona li pona a!
(taso, tenpo mute la jan li pana e sona pi nasin monsutatesu tawa jan sin. ni li ken pakala e lawa pi jan sin a.)
taso, tenpo ni la, ale li pona. tenpo ni la, nasin 'monsutatesu' li lon nasin jan pi ma pona pi toki pona. ona li musi tawa jan. tenpo ni la, jan pi wile ala monsutatesu li awen lon; taso jan pi wile monsutatesu li awen lon kin.
ni li nasin pi toki pona. monsutatesu li nasin pi toki pona. kon tu li lon toki mute pi toki pona. nasin monsutatesu li ken nasa e jan, taso ona li awen lon tenpo ale, li ken pona.
|
5
|
https://lipukule.org/post/2021/02/01/ijo-lon-pi-lon-ala
|
tenpo mute la, jan li kepeken nasin tawa sona pi ijo lon. nasin ni la, jan li ken sona e ijo lon, li ken pali e ijo kepeken sona, li ken kama e sona sin. tenpo mute la, ni li lon: ijo li lon, anu ijo li powe. ona tu li ken ala lon tenpo sama. ni li nasin sona pi tenpo mute.
taso tenpo sin la, jan sona nasin li open e toki ni: ken la, ni li lon ala. nasin ante ni la, ni li ken: ijo li lon li powe, anu ijo li lon taso, anu ijo li powe taso, anu ijo li powe ala li lon ala. ni li nasa mute tawa jan mute, taso nasin ni li sin ala! tenpo mute la, ona li awen. taso, nasin ni li seme? seme la ijo li ken lon li powe lon tenpo sama? tawa sona pi nasin sona ni la, o kama sona e nasin sona pi tenpo mute:
̨
nasin la, sina pali e ijo la, pali ni li ken pana e ijo sin. ni li
pali nasin
. o lukin:
ijo li lon; sina wile sona e
kule
pi ijo ni. ona li ken loje, li ken jelo, li ken walo, li ken pimeja, li ken laso. ona li ken kule mute anu kule wan. ni la,
kule
li
pali nasin
.
pali nasin li pana e ijo wan taso la, ona li
pali nasin pi pini wan
. o lukin:
ijo li lon; sina wile sona e
suli
pi ijo ni. ona li ken suli taso anu ona li ken lili taso. ni la,
suli
li
pali nasin pi pini wan
.
nasin sona pi tenpo mute la,
lon
li
pali nasin pi pini wan
. ijo li ken lon taso li ken powe taso. nasin sin la, ni li lon ala. ijo li ken lon, anu ona li ken powe, anu ona li ken lon li powe lon tenpo sama, anu ona li ken lon ala li powe ala lon tenpo sama. nasin ni li nasa!
seme la ijo li ken lon li powe lon tenpo sama? o lukin. mi toki e ni: “toki ni li powe”. toki ni li lon anu powe? ona li lon la, ona li powe. ona li powe la, ona li lon. nasin pi tenpo mute la, ni li pakala e nasin. nasin ni la, ona li lon li powe. pakala ala li lon.
jan li sona ala e nasin ni la, nasin ni li ken nasa mute tawa ona. taso ona li wawa li pona e pakala pi nasin pi tenpo mute.
seme la lon li ken weka? o lukin. mi toki e ni: “jan li jo e len sin lon tenpo kama”. jan li ken ala sona e tenpo kama tan ni: ona li kama ala lon tenpo. ona li lon ala, taso ona li powe ala. lon ona li weka.
jan sona nasin li toki mute e nasin ni, taso nasin ni li kama suli ala tan ni: ona li ante mute tawa nasin pi tenpo mute. jan sona li sona ala e ni: pona pi nasin sin li ken anpa e pona pi nasin pi tenpo mute. ni la, toki utala pi nasin ante li awen.
|
6
|
https://lipukule.org/post/2021/02/04/pan-sike-suwi
|
nasin pali pi pan sike suwi
ijo:
ko pan
ko suwi
ko jelo tan telo soweli, anu ko walo tan kasi
ko pi kama suli
ko namako
selo kili (lon wile sina)
ko pan:
ko suwi:
ko jelo:
ko pi kama suli:
(ko pi kama suli li seli lon telo)
ko namako:
selo kili:
o namako e ko pan kepeken ko pi kama suli, kepeken ko namako
o pakala e ko jelo lon poki
o pali e ko jelo kepeken ilo palisa
o pana e ko suwi
o pali
o pana e ko pan
o pali
sina wile e namako anu seme?
sina wile la, o namako kepeken selo kili
o pali pona
ko li telo mute la o pana e ko pan
ko li kiwen mute la o pana e telo lete
o open e poki seli
o pali e sike lili mute kepeken ko
o pana e ko lon supa kiwen (kiwen pi ken lon seli)
o pana e supa tawa poki seli
o awen
ona li pana e kon suwi la, o lukin e moku sike
o awen lon tenpo lili
o weka e supa tan poki seli (supa li seli mute a!)
o lete e supa lon tenpo lili
o jo e pan sike kepeken ilo palisa
o moku
o pilin pona
pan suwi li pona mute!
|
7
|
https://lipukule.org/post/2021/02/07/tomo-kasi-nanpa-tu
|
lon ma Olako (Oracle) pi ma Alisona (Arizona, U.S.) la, ma pi telo ala en weka pi ijo ante ale la, tomo suli li lon. ona li tomo walo pi kiwen lukin mute. taso, ante tawa ni la insa ona li jo e ijo mute. insa ona, la kasi li lon! kasi mute en ma ante li lon insa pi tomo walo ni. jan li sona e tomo walo ni: ona li tomo kasi nanpa tu.
sewi nanpa wan: ni li lukin lon selo pi tomo kasi nanpa tu. sina ken lukin e poki suli pi kiwen lukin; ni li jo e kasi mute. poka ona la tomo lawa pi tomo ni li lon. jan li ken tawa lon tomo ni, li ken kama sona e sona pi tomo ni.
sewi nanpa tu: ni li lukin lon insa pi tomo kasi nanpa tu. ni li ma pi kasi mute, li ma suli tawa tomo ni.
sitelen nanpa wan li tan jan Jesuiseduardo.
lon tomo ni la, ma ante mute li lon. ma pi kasi mute en ma pi kasi lili li lon. lon poka ni la, telo suli li lon; telo ni li jo e kiwen kala mute. telo mute li awen lon ma kasi poka, li lon e kasi ante lon telo. lon poka pi ma ni, la ma pi telo lili li lon. pini la, ma pi telo ala li lon monsi tomo. o sona e ni: tomo ni li lon e kasi ante mute.
taso… tan seme la jan li wile e kasi ante mute? tan wan li ken sike ni: kasi ante mute li ken pana e kon tawa tomo ni. kon li lon, la telo li ken kama tan kon, li ken tawa anpa. ni li ken pona sin e kasi, li ken lon e sike telo.
suli la ijo ante ala li ken ante e insa tomo. tomo li ken lanpan e suno taso tan ma lon; ijo ante ale li tan kasi tomo. ilo suli li lawa e kon pi tomo ni, li ken ante e ona. taso tomo li lanpan ala e kon tan ma ante. kon lili li ken tawa tan ma ante, taso jan li alasa e ala pi ijo ni.
taso… ni li pali mute. tan seme la jan li wile pali e tomo suli pi kasi mute, li awen e ona kepeken ilo suli? o sona e tan ni pi tomo kasi ni: jan li wile sona e ijo lon ma suli. tomo ni li ken jasima lili e ma lon, la jan sona li ken kama sona e ijo tan tomo ni li ken kepeken e sona ni tawa ijo lon ma lon. pona la, tomo ni li pana e sona pi sike telo, pi kasi ante, pi nasin ma.
sewi nanpa wan: ni li lukin lon insa pi tomo kasi nanpa tu. ma ni li ma kasi telo. kasi pi ma ni li lon lawa telo.
sewi nanpa tu: ni li lukin lon insa pi tomo kasi nanpa tu. ni li ma pi telo lili, pi kasi lili.
sitelen nanpa wan li tan jan Colin Marquardt. sitelen nanpa tu li tan jan Aspersions.
jan li pali e tomo kasi nanpa tu lon tenpo sike nanpa 1991. open la, kulupu li tawa lon ona, li alasa sona e ni: jan li ken ala ken awen lon tomo kasi ni? sona ni li suli mute tawa ijo ante; jan li ken awen lon tomo ni, la jan li ken pali sama ni lon ma ante, li ken lon mun. ni la kulupu ni li alasa sona kepeken lon pi tenpo mute.
kulupu sona ni li jo e jan ni: jan Roy Walford, en jan Jane Poynter, en jan Taber MacCallum, en jan Mark Nelson, en jan Sally Silverstone, en jan Abigail Alling, en jan Mark Van Thillo, en jan Linda Leigh. jan ale pi kulupu ni li pali e ijo ante, li sona e ijo mute. lon tomo ni la, ona li pali e seme?
ona li pali e kasi mute! ni li suli tawa lon ona; ona li awen e kasi la, ona li ken kepeken kasi tawa moku, tawa kon. lon alasa ni la, ona li pana e soweli e kala kin tawa tomo. soweli en kala li pona tawa nasin lon, kin, tan ni: ona li ken pana e moku ante, li ken weka e kasi ike.
weka kasi li suli tawa lon tomo. ona li weka ala e kasi ike la, ona li ken pakala e kasi ante li ken pake e sike kasi. lon tomo ni la, sike kasi li suli mute. ijo ale li ken ante e sike kasi. ni la, kulupu li alasa mute tawa pona pi sike kasi, li kepeken tenpo mute tawa weka pi ijo ike.
taso, kulupu sona ni li kama sona e ijo suli ante: ona li awen lon tomo ni, lon poka pi jan sama, lon tenpo ale, la isipin ona li ken kama nasa. tenpo la, olin kulupu li pakala lili. ona li utala tan wile ona. taso, awen la, kulupu li awen lon tomo tan ni: ona ale li olin e pali ona, li olin e alasa sona, li wile e awen pi tomo ni.
sewi: ni li kulupu sona lon alasa sona ona. kulupu li lukin tan tomo, tawa jan pi ma lon.
ken la, wile sona li awen lon. ni li tomo kasi nanpa tu; tomo kasi nanpa wan li lon seme? ni li sona suli pi tomo ni: tenpo ni la, sina lon tomo kasi nanpa wan. ma li tomo kasi nanpa wan! sama ma la, tomo kasi nanpa tu li jo e kasi, e telo, e ma mute. jan li lon tomo ni la, ona li ken sona e nasin ma.
ni li tan pi awen ona! tenpo lon la, jan ale li ken awen tawa ona, li ken lukin e kasi e ma e telo lon tomo ni. jan sona li awen pali lon tomo ni. tomo ni li awen suli tawa sona ma, li ken pana e pona tawa ma lon.
tan lipu
“Fast Facts: Biosphere 2” biosphere2.org,
https://biosphere2.org/visit/about-biosphere2/fast-facts
. lon tenpo suno 25 pi tenpo mun wan pi tenpo sike 2021.
“Biosphere 2” Wikipedia, tan tenpo suno 14 pi tenpo mun wan pi tenpo sike 2021,
https://en.wikipedia.org/wiki/Biosphere_2
. lon tenpo suno 25 pi tenpo mun wan pi tenpo sike 2021.
tan jan Mark Nelson. “Biosphere 2: What Really Happened?” Darthmouth Alumni Magazine, tan tenpo mun luka wan pi tenpo sike 2018,
https://dartmouthalumnimagazine.com/articles/biosphere-2-what-really-happened
. lon tenpo suno 25 pi tenpo mun wan pi tenpo sike 2021.
|
8
|
https://lipukule.org/post/2021/02/09/telo-li-lon-ma-mi
|
telo li lon ma mi
pipi tan anpa
kalama
kon
telo li tan sewi
lon ma mi
|
9
|
https://lipukule.org/post/2021/02/11/len-kule
|
ni li len lipu pi jan kule. ona o pona!
jelo li suno: suno insa li walo e nasin.
loje li olin: o pini ala e olin.
laso li kasi: ma jan li ma kasi.
pimeja li kulupu: jan li kulupu wan.
kule li mi mute: jan ale li pona.
|
10
|
https://lipukule.org/post/2021/02/13/pilin-mi-tawa-ilo-nanpa
|
ilo nanpa pi jan Sate li pona mute tawa kulupu pi toki pona. jan Sate li pali e sitelen tawa pi ilo nanpa; ona li musi a! ni la, mi wile kama jo e ilo nanpa.
mi toki e ni tawa jan Sate kepeken nasin toki pi ilo sona: “mi wile jo e ilo nanpa. mi ken pana e mani tawa sina.” ona li toki e ni: “o pana e mani tawa poki mi. sina toki e ma lon sina e nimi sina tawa mi la, mi ken pana e ona tawa sina.”
mi pana e mani tawa ona. ilo li pona tawa mi; ni la, mi pana e mani $20; ona li pana e nimi mi tawa lipu linluwi ona.
jan Sate li lon ma Enkan (Hong Kong) la, ijo li tawa mi kepeken tenpo mute. mi awen lon tenpo esun tu. pini ni la, mi lukin e poki kama lon tomo mi. ilo nanpa li lon ona!
mi open e poki ona li weka e poki. mi kepeken lili e ilo nanpa. ona li pona tawa mi.
ona li sama ni:
lipu sona ona la, ilo nanpa li ken pali e ni:
ona li ken wan e nanpa tu. ni la, jan li pana e nanpa tu la, ona li pana e wan pi nanpa ni.
ona li ken weka e nanpa tan nanpa ante. ni la, jan li pana e nanpa tu la, ona li weka e nanpa tan nanpa ante.
ona li ken sona e mute ijo. jan li ken pilin mute e nena. ona li sona e mute pilin.
ona li ken sona e tenpo. sina pana e nanpa la, ona li ken awen lon tenpo pi nanpa ni. sina pana ala e nanpa la, tenpo li weka la, ona li pana e nanpa tenpo tawa sina.
ona li weka e tenpo la, suno lon sinpin ona li toki e ni tawa sina. ona li kama suno li kama suno ala. ona li pona lukin a!
ona li wile wawa. ni la, ona li ken kepeken wawa tan palisa wawa “AAA” tu wan, li ken kepeken wawa tan linja USB. nena awen lon lawa sinpin ona li ante e tan wawa.
ona li sona kepeken ilo lawa STM8S001J3. ona li lawa lili. taso, ona li ken kepeken e nasin nanpa pi toki pona.
suno 16 en nena 9 li lon sinpin ona. nanpa pi sona ona li lon sinpin. jan li pilin e nena la, ona li pana e nanpa tawa ilo.
nena awen li lon ilo. nimi lon ona li “en” li “weka”. nena li lon tawa “en” la, sina pilin e nena ante la, nanpa pi sona ona li kama suli. ona li tawa “weka” la, sina pilin e nena ante la, nanpa sona li kama lili.
ilo ni li pona tawa mi. ona la, mi ken kepeken pona e nasin nanpa pi toki pona. ona li pona tawa jan ante kin.
sina wile jo e ilo nanpa la, o lukin e lipu pi jan Sate:
https://ilonanpa.sadale.net/
sina wile sona e nasin pali ona la, o lukin e lipu pali ona:
https://github.com/SadaleNet/ilonanpa
|
11
|
https://lipukule.org/post/2021/02/16/sowejoki
|
sina sona ala sona e toki musi '
Jabberwocky
' tan jan Luwikalo (Lewis Carroll)? ona li toki musi pi wawa mute. jan mute li sona e ona, taso ona li sama ala pi toki musi ante.
lon ona la, nimi nasa mute li lon. nimi li nasa tan ni: jan ala li sona e kon ona. ona li nimi pi kon ala - jan Lewikalo li pali e nimi sin lon pali pi toki ona!
tan kama suli pi toki musi ni la, jan mute li alasa ante e ona tawa toki ante, tawa toki Sonko anu toki Losi anu toki ante mute. tenpo ni la, mi wile ante e ona tawa toki pona. pilin mi la, ni li ken musi mute.
suli nanpa wan li ni: nimi 'Jabberwocky'. mi o pali e seme tawa nimi ni?
a! ken la mi ken pana e kalama ona tawa toki pona. ni la ona li kama nimi 'Sapojoki' - mi wile toki e nimi 'Sapowoki', taso kalama 'wo' li ken ala lon tan nasin pi toki pona. (pu la, kalama 'wu', 'wo', 'ji', 'ti' li ken ala lon nimi pi toki pona.). ni la 'Sapojoki' li nimi ona.
taso wile mi la, jan sin tawa toki musi ni li ken sona e kon nimi. nimi 'Jabberwocky' lon toki Inli li soweli tawa kute - jan li lukin e nimi ni la, ona li pilin e ni: 'a, ni li soweli!' ni la, mi o ante e nimi 'Sapojoki' tawa nimi 'Sowejoki'. ken la jan li ken pilin e ni tawa nimi mi kin: 'a, ni li soweli!'
(kin la, ona li sama lili 'sowe
jaki
'. ni li pona tan ni: jan mute li toki e 'toki musi pi nimi jaki' tawa toki musi 'Jabberwocky'. ni la kon ona li sama, li pona a.)
lon toki linja nanpa wan li ni: '’twas brillig'. taso nimi 'brillig' li nimi pi toki Inli ala... ona li seme a?
jan Lewikalo li toki e ni: '’twas brillig' li sama 'tenpo li suno pini'. ni la mi ken ante e ona tawa 'tenpo sun'. nimi 'sun' li musi, li nimi ala, sama nimi 'brillig'. kin la, ona li ken kama tan nimi 'suno' pi kon sama. ni li pona a!
ijo pi suli nanpa wan li ni: jan li lukin e ante toki mi la, jan li ken sona e kon ona, li pilin musi. ni la mi alasa pana e nimi pi musi mute tawa ona.
sina lukin ala lukin e toki 'li misu li musu lon ma wapon' lon sitelen? toki Inli pi toki ni li toki 'gyre and gimble'. pilin mi la, ni li musi mute tawa toki uta; o alasa toki uta e 'li misu li musu'! kin la, ona li kama tan nimi 'musi'. mi ante lili e kalama pi nimi 'musi', li pana e ona tawa toki. ken la ni li pona a.
lon awen lukin la, sina ken lukin e nimi 'Jubjub bird' lon toki. pilin mi la, kalama 'Jubjub' li sama mu waso - waso li mu mute lon tenpo ale. ni la, mi ante e nimi ni tawa 'waso Mumu', la jan ante li ken pilin e ni kin.
kin la, lon kulupu nimi sama la, soweli 'Bandersnatch' li lon. jan li lukin e ni lon toki Inli la jan li pilin e ni: soweli ni li lanpan, li kama jo kepeken wawa e ijo sina. nimi 'lanpan' li pona mute tawa ni. ni la, mi ante toki e ona tawa nimi 'Palapan'; kalama ona li sama. kon ona li sama lili. ni li pona mute!
pini la, mi wile toki e nimi 'whiffling', lon kulupu toki nanpa tu tu. mi kama lukin e nimi 'whiffling' lon open ante mi, li pilin e ni: mi ken ante e ni tawa seme? pilin mi la, nimi 'whiffling' li sama lili pi toki 'tawa wawa', li sama lili 'pakala pi ijo mute'. ni la, ken la mi ken toki e nimi 'tawapa' tawa ona... taso pilin pi nimi 'tawapa' en pilin pi nimi 'whiffling' li sama ala...
mi lukin tawa nasin sin: nimi 'kipisi'. mi kama pilin e ni: pilin pi nimi 'kipisi' en pilin pi nimi 'whiffling' li sama lili, li pona mute! ni la, mi pana e nimi 'kipisi wawa' tawa nimi 'whiffling', la toki li kama nimi 'wapisi'.
o sona e ni: nimi ante pi pona mute li lon. taso mi pilin e ni: mi toki e nimi ale tawa sina la, sina kama lape. ni la, mi o pana e toki pini tawa sina! o lukin pona, o pilin pona tan lukin!
pini pi ante toki
tenpo sun, la kipi tela
li misu li musu lon ma wapon.
iken ale li kilenwa,
waselo mimi li mon.
"o lukin e Sowejo, lili mi o!
ona li utala, ona li pakala!
o lukin e waso Mumu, o weka tan
pikesi Palapan!"
ona li luka e ilo utawa;
ike monsume li alasa ona--
ona li lape lon kasi Tutun
li alasa sona pona.
ona li awen lon pakeja
la Sowejo pi oko seli
li kama wapisi tan ma kasi teko
li tokaki lon kama!
wan, tu! wan, tu! o awen tawa!
ilo utawa li mu e si-win!
jan li luka e lawa ona
li tawa waselu sin.
"sina moli ala moli e Sowejo?
o kama lon poka, jan wawa mi o!
ni li wana mute! a wa! a je!"
ona li kintu suli.
tenpo sun, la kipi tela
li misu li musu lon ma wapon.
iken ale li kilenwa,
waselo mimi li mon.
sina ken ala ken lukin e pali musi nimi mi - sama nimi 'kintu' tan 'kuntu'? sina lukin la, o toki tawa mi! ni li pona mute a. kin la, sina wile la, sina ken alasa ante e ona kin. ken la ante sina li sama ala pi ante mi. ni li ken musi mute a!
tan lipu
“Jabberwocky” alice-in-wonderland.net,
https://www.alice-in-wonderland.net/resources/analysis/poem-origins/jabberwocky/
. lon tenpo suno 30 pi tenpo mun wan pi tenpo sike 2021.
|
12
|
https://lipukule.org/post/2021/02/19/lawa-pi-ma-setona
|
jan mute li sona e ma tomo Setona (Sedona). ona li lon ma Jawapa (Yavapai) pi ma Alisona (Arizona). sina sona e ona, la tan pi sona sina li kiwen loje suli lon ona. ma tomo Setona li pona tawa jan mute tan kiwen suli ni. jan mute li tawa ona tan suwi ma, tan lukin pona. jan li ken tawa nena lon nasin, li ken sona e kasi mute, li ken lukin e ijo pi pona suwi. ma Setona li suwi mute tawa lukin. taso, jan tawa li sona ala e ni: jan lawa li pali e ijo mute tawa ma suwi ni.
sewi: sitelen ni li kiwen loje pi ma Setona. jan mute li sona e ma tomo ni tan kiwen loje ni.
sitelen li tan jan CGP Grey.
jan lawa pi ma tomo Setona li wile e ni: jan li tawa ma ni, li ken lukin e suwi ma. taso, ike ni li lon: jan li wile awen lon ma ni. ike suli, la jan li awen lon ma ni, la kulupu esun li wile pali e tomo esun e tomo suli ante lon ma ni. ni li ken pakala e suwi ma, li ken ike! ni li ike tawa wile pi jan lawa. ni la, ona li pake e pali ike pi kulupu esun.
tan ni, la jan lawa li lawa mute e pali tomo. jan li wile pali e tomo, la pali li ken kepeken tenpo mute li ken kepeken pali mute. ma Setona, la kulupu pi jan oko li lon, li lukin wawa e pali tomo. kin, la jan lawa wan li ken lukin e nasin lawa ale pi pali tomo, li ken sona e pona ona. ni li suli tan ni: jan wan sama li lawa e pali tomo, la nasin lawa li pakala ala. jan sama en kulupu sama li lawa e tomo kepeken nasin sama, la jan ale li ken pali pona.
ma tomo Setona li pali e nasin lawa mute. nasin lawa li lon tawa lukin tomo, tawa pali tomo, tawa suli tomo. suli la, nasin lawa li lawa e ken kule. tomo li ken ala kepeken kule ike; kule ona o sama kule pi tomo poka, pi kiwen loje. tan ni, la kule ale pi ma ni li sama. kule li ken ala wawa, li ken ala pakala e oko pi jan tawa. kin, la nasin lawa ni li weka e kule pi kulupu esun suli, la tomo Matono (McDonalds) li ken ala kepeken kule ona. tan ni, la ona li laso, li ante tawa ma ante ale.
sewi nanpa wan: sitelen ni li tomo lon poka nasin pi ilo tawa. sina ken sona e nasin pi tomo ni.
sewi nanpa tu: sitelen ni li laso pi sitelen pi tomo Matono. ona li ante tawa ma ante ale.
sitelen li tan jan Jpatokal.
ante, la nasin lawa li lawa e ijo pi tomo ala, li awen kepeken pali lawa mute. ma tomo ni ale, la ilo suno nasin li kepeken len. ona li len ala, la tomo esun li ken ala kepeken suno mute.
kin, la nasin pi ilo tawa pi ma Setona li nasa mute: nasin tu li kipisi, la ona li sike. nasin ale pi ma tomo ni li sama ni, tan ni: nasin leko li ken pakala e ilo li ken ike.
ni ale li ijo nasa pi ma tomo Setona. taso, ona li pona! ona li pona tawa jan lawa, tawa jan awen, tawa jan lukin. awen pi nasin lawa ni li suli tawa awen pi suwi ma. ma tomo ni li ken sama ma tomo ante ale: ona li ken pali e tomo suli, li ken mama e kulupu esun mute, li ken kama jo e mani mute. taso, jan ale pi ma tomo ni li wile ala e ni. ona li wile awen e suwi ma, e lukin pona.
tan lipu
tan jan Seth Muller. “Building in Sedona: Stricter, Faster”
Arizona Daily Sun
, tan tenpo suno 17 pi tenpo mun tu tu pi tenpo sike 2004,
https://azdailysun.com/building-in-sedona-stricter-faster/article_d80e4830-59de-56c4-bada-423115cfcc06.html
. lon tenpo suno 2 pi tenpo mun tu pi tenpo sike 2021.
“Outdoor Lighting Code”
City of Sedona Community Development Department
,
https://static1.squarespace.com/static/57af6be3d1758effdeaacefb/t/5ab98283575d1f04211c14d5/1522107012291/Sedona+AZ+Lighting+Ordinance+copy+2.pdf
. lon tenpo suno 3 pi tenpo mun tu pi tenpo sike 2021.
|
13
|
https://lipukule.org/post/2021/02/22/isipin
|
tenpo ale la, jan mute li pali e nimi sin pi toki pona. jan mute li toki e ni: 'a, mi wile toki e ijo ni lon toki pona! taso mi sona ala e nimi pona tawa ona. ni la mi o pali e nimi sin pi kon ni. a a.' tenpo mute la, nimi sin li musi taso, li kama suli ala. jan mute li sona ala e ona.
taso nimi sin wan li ante: isipin.
pali ona li tan musi ala; jan Ko li pali suli tawa kama lon pi nimi 'isipin'. ona li alasa e nimi pi toki mute: e nimi 'kele' tan toki Epanja, e nimi 'omo' tan toki Nijon, e nimi ante mute tan toki ante, sama 'oja', 'amin', 'mana', 'weluwa', 'ipike'.
nimi 'isipin' kin li lon ni, li tan toki Pilipina.
jan mute li lukin e nimi alasa mute, li pilin e ni: nimi 'isipin' li pona mute tawa kalama pi toki pona. ni la, nimi 'isipin' li kama lon.
taso kon pi nimi 'isipin' li seme? kon ona li sama sona, sama pilin, sama sitelen, sama lawa, sama alasa sona, sama toki, sama nanpa... sama nimi mute. nimi 'isipin' li lon ala la, jan li kepeken toki ante tawa kon ona. jan Sonja li toki e 'toki insa'. jan mute li toki e 'pilin'. taso kon pi nimi 'isipin' li kon ale pi nimi ni.
jan Ko li pana e kon pi nimi ni tawa jan ale. jan mute li kama kepeken ona! jan kepeken la, pona pi nimi 'isipin' li ni:
ona li LILI! sina wile toki e nasin isipin kepeken ala pi nimi 'isipin' la, sina wile kepeken nimi mute. taso, sina toki e nimi 'isipin' la, nimi wan taso li lon!
kon pi nimi 'isipin' li mute. ni li pona tawa jan ale - 'isipin' ala la, nasin isipin pi jan wan li 'pilin'. nasin pi jan ante li 'sitelen insa'. nasin pi jan ante li 'toki insa'. ni la, jan li wile toki e nasin wan tawa isipin la, ona li ken ala alasa e nimi pi pona ̨tawa jan ale. taso 'isipin' li jo e kon ale - kon pi nimi 'isipin' li nasin isipin pi jan ale.
ni la, jan mute li kepeken nimi 'isipin' a! taso awen la, nimi 'isipin' li ike tawa jan ante tan ni:
kalama pi nimi 'isipin' en lukin pi nimi 'isipin' li nasa lili tawa nimi ante pi toki pona...
nasin pi nimi 'isipin' li {{< sonalili "lanpan" >}} tan toki Inli. nasin isipin li ijo mute, li ijo wan taso ala. ni la, o kulupu ala e kon mute tawa nimi wan!
'isipin' li nimi pi pu ala. jan mute la, ni li suli: nimi pi kon 'isipin' li lon ala pu. ni li nasin pi toki pona - jan li ante e ona la, ni li ante li nasa tawa nasin pi toki pona.
ni la, jan kepeken li awen toki e pona pi nimi 'isipin'. jan pi kepeken ala li awen toki e ike pi nimi 'isipin'. lon tenpo open pi nimi 'isipin' la, jan mute li toki mute e pona ona e ike ona! tenpo ale la, jan li kepeken 'isipin' lon toki ona la, toki suli pi utala lili li kama lon.
taso tenpo ni la, pilin pi jan mute tawa nimi 'isipin' li kama wawa mute ala. jan li awen pilin ike tawa nimi 'isipin'. jan ante li awen pilin pona tawa nimi 'isipin'. taso sama ala pi tenpo pini la, utala li kama lon ala tan nimi 'isipin'.
taso, jan pi kepeken ala li awen pilin ike lili, li awen musi e jan kepeken. sina kepeken 'isipin' la, jan ante li musi mute e sina - 'a a, sina kepeken nimi 'isipin'!'
taso tenpo mute la, ale li pona. nimi 'isipin' li nimi pi kon pona. sina wile pana e nimi 'isipin' lon nasin toki sina la, o pali e ni!
(taso, pilin mi la, nimi 'isipin' li musi taso, li pona ala tawa toki ale, a a!)
tan lipu
nimi ale, kule epiku Atawan,
https://drive.google.com/drive/folders/1odOeRhe7-I2g25OmeyazW5uAD56m5Po7
lon tenpo suno 31 pi tenpo mun wan pi tenpo sike 2020
|
14
|
https://lipukule.org/post/2021/02/25/nasin-kulupu-li-seme
|
toki. mi kulupu Aponi. jan mute li sona ala e ‘kulupu’ ni; mi wile pana e sona pi nasin ni mi.
'nasin kulupu' li seme?
kulupu pi toki pona la, jan mute li sama ni: ona li taso ala lon lawa ona, li kulupu pi sijelo sama. nasin pi kulupu ni li mute; kulupu tu li ken pilin ante mute tawa nasin kulupu ona, li ken ante mute. ni taso li nasin kulupu: jan li taso ala lon lawa. ijo ante ale la, ona li awen kulupu li awen lon nasin kulupu ni.
nasin ante pi kulupu ante
kulupu wan la, jan nanpa wan en jan nanpa ante li jo e sona ante. kulupu ante la, jan tu li kepeken sona sama. ni tu li ken lon kulupu. kulupu la utala li ken; kulupu utala li ken ala pali pona li ken ala kan pona, la ni li ken ike tawa jan kulupu. kulupu la jan li ken lawa e sijelo, anu jan ante li ken lawa ala e sijelo.
jan ante kulupu li ante
jan pi nasin ale li ken lon kulupu. sijelo suli la jan lili li ken lon; jan kalama en jan pi kalama ala li ken lon sijelo sama; jan wan kulupu li ken mama e jan ante. jan ante kulupu la ijo ante li suwi, li pona pali; ona ale li pali kan tawa lon pona.
kulupu ni li ken ala ken kama jan wan taso, sama jan ante?
nasin kulupu ni li nasin pakala ala, li nasin jaki ala. kulupu li wile awen kulupu la awen kulupu li pona e ona. kulupu li wile kama wan, la ni li ken pona tawa ona. misikeke li weka e nasin kulupu lon ala.
mi ken pona tawa kulupu ni kepeken seme?
o toki tawa kulupu pi olin sina, o kama sona e wile ona. kulupu ale li ante mute; ona taso li sona e wile ona. o pona tawa ona, o kepeken nimi pi wile ona; jan ante kulupu o jan ante tawa sina; ona li lili la o toki tawa ona tawa jan lili pi sijelo lili; jan ante la nimi ante li lon, la o kepeken nimi jan ona.
o sona e ni: kulupu mute la kulupu li ike ala; jan pi nasin kulupu li mute, li lili ala. mute ona li sama jan pi linja loje. musi la, sitelen la, jan kulupu li monsuta, li jo e jan monsuta lon lawa ona, taso tenpo lili lili lili lili la ni li lon. jan kulupu li jan taso, sama sina.
tan lipu
nasin suli pi lipu ni li tan lipu ni pi toki Inli:
https://cdn.discordapp.com/attachments/430565568114851860/710370716842852413/IMG_20200514_005718.jpg
kulupu pali pi lipu ni li lon ni:
https://thepluralassociation.org/
|
15
|
https://lipukule.org/post/2021/02/28/waso-kule-pi-tawa-mute
|
waso pi kalama suwi.
waso pi tawa sewi.
tawa sina ali la
sike kule lon sewi
li kama tan luka sina.
waso lili. waso pona.
sina tawa lon ali
li pana e kon seli pona
tawa insa pona mi.
|
16
|
https://lipukule.org/post/2021/03/02/pali-kulupu-toki-forth-pi-jan-eris
|
toki ilo
forth
li ilo wan ala. ona li kulupu ilo. ona mute li jo e tan wan, taso ona li ken ante mute a! ilo
forth
ante li lon. ilo
gforth
li lon. ilo
jonesforth
li lon. ilo
pforth
li lon. ale li ante. taso ale li ilo
forth
.
mi en jan Eris li toki mute e kulupu ilo ni. ona li pali e ilo sin. ona li ilo pi kulupu ni. ona li ilo
forth
.
jan Eris li toki e ni: ilo
forth
li ilo pi nasin sama. ale li sama li nimi. toki ilo ante la, ijo sama
+
en
-
li jo e nasin ante. taso ilo
forth
la ante ni li lon ala. ale li
nimi
. ilo
forth
la nimi li ale.
ilo
forth
pi jan Eris li jo ala e nimi. taso mi pilin e ni: jan Eris li wile kama jo e nimi tawa ilo.
ante kin la jan Eris li toki e ni: ilo ona li jo e ilo nanpa ante. ilo nanpa li monsi tawa nanpa. ilo ante li
4 + 4
. ilo
forth
li
4 4 +
.
ilo
forth
pi jan Eris li ken ni:
ona li toki e ni: ilo
forth
li sama e kulupu sinpin.
jan li ken pana e ijo lon lawa pi kulupu sinpin. jan li ken weka e ijo lon lawa kulupu sinpin. taso jan li ken ala weka anu pana e ijo lon insa anu anpa kulupu sinpin. ona li ken lon lawa taso.
jan li toki e nanpa la ona li kama lon lawa kulupu sinpin. nimi
+
lon ilo
forth
li toki e ni: o weka e nanpa tu tan lawa kulupu sinpin. o en e nanpa tu. o pana e nanpa sin tawa lawa kulupu sinpin.
jan li pana e nanpa tu:
2
2
jan li pana e nimi
+
.
+
2
2
nimi
+
li moku e nanpa tu.
+ // ni li moku e nanpa tu
nimi
+
li en e nanpa tu. ona li pana e nanpa sin tawa lawa.
4
nasin toki
jan:
nanpa wan: mi wile kepeken nasin toki ni tawa lipu pi lipu kule
ona li pona ala pona tawa sina
mi wile sitelen e lipu pi pali jan
eris:
pona a!
jan:
oke
o toki e pali sina
mi sona e ni: ona li ilo forth
taso ona li seme
eris:
a! ilo Forth li toki ilo. ona li toki lili.
ona li pasila mute!
jan:
a
jan li ken toki e ni anu seme: ilo forth li ilo toki pona
eris:
a a a
ken, ken
jan:
ilo ante la ilo toki sina li ante tan seme?
eris:
ilo forth la, ilo nanpa li monsi e nanpa!
ilo C la, 1 + 1
taso, ilo Forth la, ni li 1 1 +
jan:
a
eris:
ilo forth la, ale li monsi!
lipu " toki a!" toki li sitelen e toki a
taso, ilo ante la, ni li print("toki a!");
ilo ante la, sina ken ala sitelen kepeken toki pona
sina sitelen kepeken toki Inli
jan:
ilo sina li ken toki pona anu seme
eris:
tenpo lili!
jan:
musi
eris:
mi pali e ni
jan:
ona li jo e nimi seme?
eris:
ala :pensive:
jan:
a
eris:
ni li ilo forth nasin
mi wile ante!
jan:
a
tan seme la sina pali e ilo ni
eris:
ilo forth li pona tawa mi!
jan:
tan ante li lon ala lon?
eris:
mi wile sitelen pona
nnn
jan:
a
tan pona
eris:
tenpo ni la, ala
jan:
sina jo ala jo e ilo pi sitelen kepeken ilo ni?
eris:
jo! mi sitelen kepeken ilo forth e ilo forth
sina wile la mi sitelen e ona?
jan:
mi wile
eris:
ona li sitelen kepeken toki Inli
ni li pona anu seme?
jan:
pona kin
eris:
nasin ilo forth la, ale li nimi!
eris:
'functions' en 'operators' li lon ala!
ale li nimi - + li nimi, toki li nimi!
nimi ale li kepeken e nasin sama
jan:
a
pona en sama mute a
eris:
a!
nasin ni la, ilo li kepeken e ijo sinpin
ken la ona li leko mute? anu lipu kiwen mute?
jan:
ni li supa mute
eris:
a!
jan:
ni li toki mute tawa lipu
sina wile ala wile toki e ijo ante pi ilo sina?
ona li ala la nasin toki ni li ken pini
eris:
nnnn
ilo mi la, lili li toki pona
anu ken toki pona :pensive:
mi wile pini ala, taso mi ken ala toki :pensive:
jan:
a
eris:
ni li pona!
sina pona
:)
jan:
o pona
eris:
sina sama!
|
17
|
https://lipukule.org/post/2021/03/05/kijetesantakalu-tu
|
SITELEN NANPA WAN: kijetesantakalu tu li lon poka supa. lipu pu li lon sewi supa. kijetesantakalu nanpa wan li toki e ni tawa kijetesantakalu nanpa tu: "lipu pu li pu ala pu?"
SITELEN NANPA TU: kijetesantakalu nanpa tu li toki e ni: "lipu pu la lipu pu li pu ala. sina pali e ijo kepeken lipu pu la ona taso li pu"
SITELEN NANPA TU WAN: kijetesantakalu nanpa wan li toki e ni: "a, mi sona. ni li lon la..."
SITELEN NANPA TU TU: kijetesantakalu nanpa wan li jo e ilo palisa pi lipu pu. ona li toki e ni: "mi pu a!"
SITELEN NANPA LUKA: kijetesantakalu nanpa wan li utala lili e kijetesantakalu nanpa tu kepeken ilo palisa pi lipu pu. ona li kalama e mu ilo.
SITELEN NANPA LUKA WAN: kijetesantakalu nanpa tu li toki e ni: "a a a". olin li lon.
linja sitelen li
linja sike
tan lipamanka
|
18
|
https://lipukule.org/post/2021/03/08/nimi-tonsi-li-pona-a
|
tonsi li seme? nimi ‘tonsi’ la, kepeken tu wan li lon. kepeken nanpa wan la, tonsi li mije ala li meli ala. kepeken nanpa tu la, kon pi nimi tonsi li ni: jan li mije tawa meli, anu jan li meli tawa mije, anu jan li meli anu mije tawa tonsi. kepeken nanpa tu wan la, kon pi nimi tonsi li ni; jan anu ijo li lukin meli ala li lukin mije ala.
kulupu pi toki pona la, jan tonsi mute li lon. ona mute li pilin e ni: nimi ‘tonsi’ li nimi pona a. ona li kepeken e nimi ni. jan mute ante li toki e ni: “mi jan tonsi” anu “mi tonsi meli” anu “mi jan mije tonsi” anu “mi tonsi” anu nasin mute ante.
pilin ante li ni: “toki pona li toki lili. o suli ala e ona. mi wile ala e nimi ‘tonsi’.”
taso sina weka e nimi ‘tonsi’ la, jan tonsi li ken ala toki pona e kon ona. ona o toki e ni: “mi meli ala. mi mije ala. kon mi li ante” anu “mi meli. taso tenpo pini la, mi mije” anu toki suli ante.
nasin ante ni li suli li pilin pona ala tawa jan tonsi mute. mi jan tonsi. mi wile toki e kon mi la, mi wile ala toki e toki suli ni.
kulupu li toki e seme?
mi pana e lipu tawa kulupu pi toki pona. lipu li toki e ni: “nimi ‘tonsi’ la, pilin sina li seme?”. jan pi kulupu ni li pana e pilin ona tawa mi. ona li lon ma pona pi toki pona, lon ilo Siko, lon ilo pi lipu sinpin, lon ilo Telekan, lon ilo Wesi.
jan Wilo li toki e ni: “mi tonsi. lon la, kule mi li telo. lon la, lawa mi la, pilin mi la, nimi ‘tonsi’ li pona mute.” kulupu Aponi li toki e ni: “mi tonsi. mi wile e nimi tawa mi. tu kon li ike. mute kon li pona.” jan tonsi mute li toki e pilin sama.
jan wan li wile ala pana e nimi ona tawa mi. ona li sitelen e ni: “toki pona li wile e nimi ‘meli’ anu ‘mije’ la toki pona li wile e nimi ‘tonsi’.” jan mute li toki e toki pi kon sama. kili Apu li toki e ni; “pilin mi la nimi ‘tonsi’ li suli. jan tonsi li kepeken e ona tan ni: ona li mije ala li meli ala.” jan Eva li toki e ni: “mi ale o kepeken e nimi ‘tonsi’.” (mi ante e toki pi jan Eva tan toki Inli).
jan Kaja li toki e ni: “nimi
li pona tawa mi. ona en nimi
en nimi
li suli sama. taso, tenpo lili la mi toki kepeken nimi tu wan ni. tenpo mute la mi toki taso e nimi
.”
ante lili la, jan Salin li toki e ni: “mi mije ala li meli ala, mi toki ala e nimi ‘tonsi’. [taso] nasin mute li pona tawa mi. mi wile e ni: toki pona li pona tawa kulupu kule. mi wile pana e pilin pona tawa jan ante.” jan li pana ala e nimi ona tawa mi. ona li toki e ni: “mi kepeken ala ona. mi sona e ni: nimi ni li pona tawa jan mute. ona li kepeken ona, la ni li ike ala tawa mi. taso tawa mi la, ona li ike.”
ante mute la, jan pi mute lili li toki e ni: “mi kama sona e toki pona tan ni: mi wile ala kama sona e nimi mute. o pali ala e nimi sin!” en “nimi pi pu ala anu tenpo pini li nimi ala tawa mi.”
jan Sonja li mama pi toki pona. ona li toki e ni: "nimi tonsi li kama tan kulupu. mi pilin e ni: nimi tonsi li pona mute."
toki pini
sitelen ni li toki e pilin mi e pilin kulupu. mi la, nimi ‘tonsi’ li pona mute. jan nanpa lili taso la, nimi ‘tonsi’ li ike. taso jan nanpa mute la, ona li pona.
toki pona li toki pona. ni la, o pona tawa jan tonsi. o pona tawa jan ale.
|
19
|
https://lipukule.org/post/2021/03/11/jan-pi-moli-ala
|
tenpo kama la, mi wile ala moli. mi wile awen lon tenpo ale.
(nimi pi pu ala: monsuta, misikeke, majuna)
sina o sona e ni: mi toki musi e moli e ijo ante ike. mi wile e ni: sitelen ni li musi. taso, o lukin e pilin sina.
pilin
ken la, sina toki e ni: “taso, jan Api o, jan pi moli ala li pilin ike, li jo ala e jan pona e jan olin e nasin. ona li wile moli a!” taso, ni li lon ala tawa mi. ni li lon musi taso.
mi kama jan pi moli ala la, mi pilin pona tan seme?
nasin mi li ni: mi jo ala e jan. jan li ken kama tawa mi. jan li ken weka tan mi. jan li wile awen lon poka mi la, mi en ona li sona ala li lawa ala e tenpo kama. jan li weka la, mi pilin ike. taso, tenpo ale la, pilin mi li kama pona tan ni: pilin ike li ike ala. jan pona pini mi li kama pona e mi. jan pona sin li ken kama jan pona pini. ni li ike ala. jan olin li sama.
...kin la, mi wan taso ala. jan ante li wile kin e ni. sina wile ala wile kama jan pi moli ala kin? ken la, mi ale li ken kama!
tan nasin seme?
ken la, sina toki e ni: “taso, jan Api o! sina jan. mi ale li jan! jan ale li moli. sina kama jan pi moli ala tan nasin seme?” ken la, nasin mute li kama… lon tenpo kama.
monsuta Wanpaja (Vampire) li lon ala. mi wile e nasin ante tan ni.
nasin pi tenpo kama li tu (tawa mi): sijelo pi kiwen wawa en nasin misikeke ale. (kin la, jan li ken pana e lawa ona lon insa pi poki wawa. taso, poki wawa li ike li awen ala.)
nanpa wan: tenpo ni la, jan li ken pona e noka e luka e kute e oko e ijo ante, tan kiwen wawa! ona li kama sin sama! sina weka e noka sina, taso sina jo e noka pi kiwen wawa la, sina ken tawa kepeken noka! luka pi kiwen wawa li palisa taso ala. jan li ken kepeken e ona tawa pali mute! oko pi kiwen wawa li pona lili. taso, ona pi pona mute li kama!
ken la, tenpo kama la, sijelo anu lawa li kama kiwen wawa. ken la, sijelo jan li ken kama sin lon tenpo mute. jan li ken moli ala lon tenpo sike mute! ni li pona tawa mi.
nanpa tu: tenpo ni la, sijelo jan li kama ike tan pipi lili anu ijo ante lon insa. sijelo jan li ken pakala. tenpo mute la, jan misikeke li ken pona e ni. tenpo mute la, ona li ken ala. taso, jan pi sona alasa misikeke li kama sona e misikeke sin. ni la, pali pi jan misikeke li kama pona mute!
ken la, tenpo kama la, jan misikeke li ken pona e ale. ken la, ona li ken pona e ike Kansa. ken la, ona li ken pona e majuna! jan li ken moli ala lon tenpo sike mute! ni li pona tawa mi.
nasin mani
ken la, sina toki e ni: “taso, jan Api o! jan pi mani ale li lon. jan ante li ken ala jo e ni tan ona!” ni li… lon. nasin mani li lon la, jan mute li ken ala kama e jan pi moli ala.
tan ni la...
o moku e jan pi mani ale! a a a!
|
20
|
https://lipukule.org/post/2021/03/14/o-lukin-ala-e-monsi
|
suli:
nimi musi ni li monsuta lili. ni li ike tawa sina la o lukin ala e ona.
tenpo pini mute la, kulupu li lon. kulupu ni li lili mute. jan lawa pi kulupu li jan Makalesi. ona li sona mute li lawa pona e kulupu. jan olin ona en ona li jo e jan lili wan. jan lili li jan Maku. ona li wile sona e ale li toki tawa jan ale. tenpo ale la, jan Maku li toki e ni: "ni li seme? tan seme la ni li lon? ma seme la ni li kama?"
mama pi jan Maku li sona ala e ijo la jan Maku li tawa tomo pi jan Olopa. tomo ona li lon poka pi ma kasi suli. jan Maku li pilin ike tan ma kasi suli. taso, jan Olopa li pona mute tawa ona. jan Olopa li jo e linja pi pimeja walo. ona li sona e ijo nasa mute. jan Maku li toki tawa jan Olopa la jan Olopa li pana e sona pi ijo nasa tawa ona. ni li pona tawa jan Maku. ona li wile sona e ijo nasa ale.
tenpo suno wan la, jan Maku li kute e nimi sin. ona li sona ala e nimi ni. nimi ni li pana e pilin nasa tawa jan Maku. taso, jan Maku li wile sona e kon nimi. jan Maku li tawa jan Makalesi li toki e ni: "mama o, nimi 'monsuta' li seme?" tenpo ni la, jan Makalesi li lukin lon weka. tenpo lili la, ona li toki ni: "jan lili Maku o, sina o weka e sona tan nimi ni!" jan Maku li sona ala li toki: "mama o, tan seme la mi o toki ala e ni?" mama ona li toki wawa: "o kute tawa mi a! nimi ni li ike. o toki ala e ona. tenpo ni la, toki mi li pini. mi wile ala kute e nimi ni a!"
jan Maku li tawa tan tomo. ona li toki insa. monsuta li seme? tan seme la mama pi jan Maku li wile ala toki e monsuta? tenpo pini la, mama ona li toki wawa ala tawa ona. jan Maku li toki insa la ona li open tawa.
tenpo mute la, ona li lon poka pi tomo pi jan Olopa. jan Maku li tawa insa. jan Maku li toki tawa jan Olopa: "jan Olopa o, mi ken ala ken toki tawa sina tan nimi nasa?" jan Olopa li lukin e jan Maku li toki: "jan lili Maku o, sina ken toki tawa mi lon tenpo ale tan ijo ale!" ni li pona mute tawa jan Maku. tan ni la, ona li toki: "jan Olopa o, sina sona ala sona e nimi 'monsuta'? mama mi li wile ala toki e 'monsuta' a..." lukin pi jan Olopa li kama suli mute. ona li toki kepeken kalama lili: "jan Maku o, sina kute e nimi ni lon seme? jan pi nanpa lili li sona e ni!"
jan Maku li toki insa e ni: 'mi sona ala. mi kute e monsuta lon seme?' tenpo ni la, jan Maku li pilin nasa. selo ona li pilin lete. jan Olopa li toki e ni: "jan Maku o kute tawa mi a! jan ale li pilin ike tan nimi ni. sina lukin nasa tan sama. sina pilin seme?" selo pi jan Maku li pana e telo lete. ona li wile taso tawa tan tomo. taso, jan Olopa li jo e luka ona li toki: "jan Maku o! sina o toki ala e nimi! sina o toki insa ala e nimi! tenpo kama la, sina tawa tomo sina la o lukin ala e ma kasi suli! ma kasi ni li pana e pilin nasa tawa sina, anu seme?" jan Maku li pilin ike mute lon tenpo ni. ona li toki: "tenpo ni la, mi wile ala sona e monsuta!" jan Olopa li toki wawa: "o toki ala e nimi! ... tenpo seme li lon? suno li pini lon tenpo seme?" ona tu li lukin e sewi tan lupa. suno li anpa lon poka ma.
tenpo pimeja li kama la, ona tu li kute e kalama nasa tan ma kasi. ona li kute sama e nimi. ona li kute e ni: "a a a! o lukin ala e monsi!"
|
21
|
https://lipukule.org/post/2021/05/02/lipu-wikipesija-sin
|
jan li pali e lipu Wikipesija sin. jan Tepo li kama jo e ilo tawa lipu. jan Sasi li pana e sitelen tawa ona. jan Mimoku li lanpan e sitelen majuna tan tokipona.wikipedia.org (lipu moli).
tan seme?
fandom.com li ike mute. ona li jo e ijo mute pi toki pona ala li jo e lipu mani mute. fandom.com li lipu pi toki pona taso ala.
kin la, jan tan kulupu pi lanpan nimi ISO tawa toki pona li wile e lipu mute pi toki pona. lipu Wikipesija li sitelen e ni: toki pona li toki lon. ona li sitelen e ni kin: jan li toki e toki pona.
kin kin la, tenpo pini la wikipedia.org li jo e lipu toki pona. taso jan mute ala li toki pona lon tenpo ona. lipu ni li lanpan e lipu moli pi toki pona tan wikipedia.org, li pana e lon sin tawa ona.
lipu ni li kama open! o lukin o sitelen o pona e ona a!
https://wikipesija.org
|
22
|
https://lipukule.org/post/2021/06/12/kulupu-pi-lanpan-nimi-iso-tawa-toki-pona
|
tenpo mute la jan li wile kama jo e nimi ISO (ISO-639-3) tawa toki pona.
tan seme
nimi ISO li pana e ken mute tawa toki pona:
nimi ISO li tan sona tawa ilo. nimi ISO li lon la ilo mute li ken sona e lon pi toki pona. nimi ISO li lon ala la ilo mute li ken ala sona e lon pi toki pona. ilo li wile e nimi ISO tawa sona toki.
nimi ISO li sitelen e ni: toki pona li toki sin ala. ona li toki pi jan mute li jo e pali mute. ni li lon ala la jan li pilin e ni: toki pona li toki sin li jo ala e pali mute.
nasin seme
kulupu pali pi nimi ISO tawa toki pona li kama lon. jan suli mute li kama. jan lawa pi ma pona pi toki pona li kama. jan pali pi lipu kule li kama. jan pali pi ilo Amikumu li kama. jan Sonja li kama. jan suli ante li kama. jan ni li jo e wile wan: o lanpan e nimi ISO tawa toki pona.
ona li alasa e ijo suli pi toki pona. ona li alasa e lipu suli e sitelen suli e ijo ante suli. ona li alasa kin e ijo lili mute.
ni li pana e sona ni tawa kulupu SIL: toki pona li toki lon li jo e pali mute e jan mute.
kulupu SIL
kulupu ISO li sona ala e toki. ni la, ona li pana e pali pi pana nimi toki tawa kulupu SIL. kulupu SIL li kulupu toki li kulupu Kisan. ona li wile kama sona e toki mute. ona li wile kepeken e sona ni tawa pana lipu sewi ona tawa ma ale. ona li tan pi sona mute pi toki ma ale.
|
23
|
https://lipukule.org/post/2021/06/13/sike-lili-laso-walo
|
tenpo sike 1990 la ilo Ojase nanpa wan (Voyager 1) li pali e sitelen ni tan wile pi jan Ka
Sekan (Carl Sagan). jan Ka Sekan li jan pi sona mun li jan pi sitelen lipu. tenpo pali pi
sitelen ni la ilo Ojase nanpa wan li weka mute mute tan ma jan. sitelen ni la ma jan li
sike lili lili walo lon linja suno.
nimi pi sitelen ni li “sike lili laso walo” (“the Pale Blue Dot”). jan Sekan li toki insa pona
e suli pi sitelen ni. tenpo sike 1994 la jan Sekan li toki e ni lon lipu ona pi nimi sama
(Pale Blue Dot: A Vision of the Human Future in Space, p. 6):
o lukin sin e sike lili ni. ona li ma ni. ona li ma pi mi ale. ona li mi ale.
lon ona la jan pona sina ale
en jan ale pi sona sina
en jan ale lon kulupu sina
en jan lon ale li lon.
pilin pona jan ale
en pilin ike jan ale
en nasin sewi mute
en nasin wile mute
en nasin esun mute
en jan alasa ale
en jan wawa ale
en jan ale pi wawa ala
en jan ale pi mama kulupu
en jan ale pi pakala kulupu
en jan lawa ale
en jan anpa ale
en jan tu ale pi olin sin
en mama ale pi jan lili
en jan lili wile ale
en mama ale pi ilo sin
en jan alasa ale pi ma sin
en jan ale pi pana nasin
en jan lawa ike ale
en jan ale lon sona kulupu suli
en jan lawa ale pi “wawa ale”
en jan ale pi pona sewi
en jan ale pi pakala ike
li lon wan lili pi ko kon lon linja suno.
ale la ma jan li lili mute mute.
o sitelen insa e ni: jan lawa utala mute li kama e nasin telo loje suli tan ni:
tenpo lili la ona li ken kama lawa lon kipisi pi sike lili. o sitelen insa e ni: jan lon
kipisi wan li pana mute e ike mute tawa jan pi ante lili lon kipisi ante. tenpo
mute la jan li sona ike e jan ante. jan li wile moli mute e jan ante. ona li pilin
utala wawa.
sike lili walo ni li weka e pilin suli e pilin lawa tan jan ale. ma mi li wan taso lon
pimeja suli ale. lon pimeja ni la mi ale li sona ala e ni: tenpo kama la ijo ante li
pona ala pona e mi ale?
kulupu sona jan pi tenpo lon la ma jan taso li jo e kasi e soko e pipi e kala e
soweli. tenpo lili kama la jan ale li ken ala tawa mun ma ante. jan pi mute lili li
ken tawa mun ma ante. taso tenpo lili kama la jan li ken ala tomo e mun ante.
ni li ken pona anu ken ike tawa sina. taso tenpo lon la jan ale li lon ma jan taso.
toki ni li lon: sona mun li weka e pilin suli li pona e jan. sitelen weka ni pi ma lili
mi li pana lukin e pakala pi pilin suli jan tawa mi ale. mi la ona li suli e ni: mi ale
o pana e pona tawa jan ante, o awen e sike lili laso walo. ma mama la mi ale li
sona e ona taso.
|
24
|
https://lipukule.org/post/2021/07/10/musi-moli
|
mi ante toki e toki "Todesfuge" tan jan Paul Celan.
ona li musi ala. ona li pana e pilin ike. mi lukin e ona la mi pana telo tan lukin mi. nena lili mute li kama lon selo mi. taso, kin la ona li suli mute. ni la mi wile ante toki e ona li wile e ni: jan mute li lukin e ona li kama sona e ike pini.
telo mama pimeja pi suno sin la mi moku e ona lon suno pini
mi moku e ona lon suno sewi lon suno open· mi moku e ona lon pimeja
mi moku li moku
mi pali e lupa moli lon sewi la jan li supa pona lon ona
jan mije li awen lon tomo li musi lon poka pi akesi linja li sitelen
pimeja la ona li sitelen tawa ma Tosi
linja sina pi jelo suno, Makalete o
ona li sitelen li tawa tan tomo· mun lili li suno
ona li kama e soweli ona
ona li kama e jan Juten ona li tan ona e lupa moli lon ma
ona li lawa mi e ni: o kalama musi tan tawa musi
telo mama pimeja o· mi moku e sina lon pimeja
mi moku e sina lon suno open lon suno sewi· mi moku e sina lon suno pini
mi moku li moku
jan mije li awen lon tomo li musi lon poka pi akesi linja li sitelen
pimeja la ona li sitelen tawa ma Tosi
linja sina pi jelo suno, Makalete o
linja sina pi walo pimeja, Sulami o
mi pali e lupa moli lon sewi la jan li supa pona lon ona
ona li toki wawa: o lupa pona lon ma, jan nanpa wan o· jan nanpa tu o kalama musi o musi
ona li luka e kiwen· ona li utala· lukin ona li laso sewi
o kepeken ilo lupa, jan nanpa wan o· jan nanpa tu o awen kalama musi
telo mama pimeja o mi moku e sina lon pimeja
mi moku e sina lon suno sewi lon suno open· mi moku e sina lon suno pini
mi moku li moku
jan mije li awen lon tomo, linja sina pi jelo suno, Makalete o
linja sina pi walo pimeja, Sulami o, ona li musi lon poka pi akesi linja
ona li toki o musi suwi e moli· moli li jan lawa tan ma Tosi
o musi pimeja la sina sewi lon sijelo kon
la sina jo e lupa moli lon sewi la jan li supa pona lon ona
telo mama pimeja o mi moku e sina lon pimeja
mi moku e sina lon suno sewi· moli li jan lawa tan ma Tosi
mi moku e sina lon suno pini lon suno open
mi moku li moku
moli li jan lawa tan ma Tosi· lukin ona li laso
ona li moli kiwen e sina· ona li moli e sina lon taso
jan mije li awen lon tomo· linja sina pi jelo suno, Makalete o
ona li lawa e soweli ona tawa mi· ona li pana e lupa moli lon sewi tawa mi
ona li musi lon poka pi akesi linja li sitelen lape· moli li jan lawa tan
ma Tosi
linja sina pi jelo suno, Makalete o
linja sina pi walo pimeja, Sulami o
lon toki Inli lon toki Tosi
https://poemsintranslation.blogspot.com/2010/01/paul-celan-death-fugue-from-german.html
|
25
|
https://lipukule.org/post/2021/08/07/lipu-ku-lipu-sin-pi-toki-pona
|
lipu ku li seme?
lipu ku li lipu sin pi toki pona tan jan Sonja.
pu la nimi 120 li nimi ale pi toki pona, taso jan Sonja li pana e nimi sin tan kulupu pi toki pona tawa lipu ku.
ku la nimi ku suli en nimi ku lili li lon.
nimi ku suli li nimi lon ku.
jan mute li kepeken nimi ni.
nimi ku lili li nimi kin lon ku, taso jan lili kepeken nimi ni.
ona li pona ala pona?
jan lili li pilin e ni: toki pona li kama ike tan ni: nimi li kama mute.
toki pona li toki pona.
pona li suli mute lon toki pona.
mi pilin e ni: tenpo ni la toki pona li pona, taso toki pona li jo e nimi mute, la ona li toki ike. sina pilin e seme?
nimi mute pi toki pona li pona ala pona tawa sina?
o sitelen e pilin sina lon anpa sitelen.
mi ken esun e ku lon seme?
sina wile esun e ku, la
o tawa ilo Amason!
mi pilin e ni: ku li pona mute.
sina ken kama sona e nimi mute pi toki pona.
mi wile esun e pu.
mi wile kin kepeken nimi ku suli.
tenpo ku li kama a!
tenpo ku pona!
|
26
|
https://lipukule.org/post/2021/08/15/tenpo-pi-suno-sin-pi-ma-anku-li-kama
|
mi pali e lipu ni tan seme?
tenpo ni li tenpo pi suno sin nanpa 75 pi ma Anku. tan seme la nimi pi tenpo ni li tenpo pi suno sin? tenpo pini ni la jan pi ma Anku li pilin e ni: ona li kama jo e suno sin. mi wile ala utala e ma Nijon e jan pi ma Nijon. mi wile toki taso e tenpo pini pi ma Anku tan ni: jan mute li sona ala e ona.
toki pi tenpo pini
tenpo pini la ma Nijon li utala li anpa e ma Anku. jan mute pi ma Anku li wile lawa e ma ona. tan ni la jan mute li toki e ni lon tenpo sike 1919: mi wile lawa e ma mi! tenpo pini ni la jan pi ma Anku li utala kepeken toki taso. taso ma Nijon li utala li moli e jan pi ma Anku. jan pi ma Anku li pini ala e pali pi kama lawa li pali e kulupu lawa pi tenpo lili pi ma Anku. jan utala li pali e kulupu utala pi kama lawa. ma Mansu la utala pi kama lawa pi ma Anku li open. jan mute li pana kin e sona pi toki Anku e sona pi tenpo pini pi ma Anku e sona mute pi ma Anku tawa jan lili ona. tenpo sike 1945 la utala pi ma ale nanpa tu li pini. ma Anku li kama lawa e ma ona.
toki pi tenpo ni
tenpo ni la ma Anku li lawa pona e ma ona. tenpo pini la ma Nijon li anpa e ma Anku, taso jan Anku li pilin e ni: jan pi ma Nijon li pona. mi pilin e ni tan tenpo pini pi ma ale : ma ale li wile lawa e ma ona li wile ala utala.
tenpo pi suno sin pona!
|
27
|
https://lipukule.org/post/2021/09/21/nasin-nanpa-mute-li-lon
|
nasin pi toki pona la, ijo pi wile suli ala o weka. nanpa li ijo ni. tenpo mute la, jan li wile sona e ni taso: ijo ala anu wan anu tu anu mute li lon?
kulupu Wapili
li jo e nimi ni taso, li awen lon pona.
ni la, nasin nanpa pu li ike tan
wile
. jan Sonja li wile e ni: sina
wile ala
toki e nanpa suli. kin la, tenpo pini suli la, nimi
luka
en
mute
en
ale
li nimi nanpa ala!
taso, jan sin li sona ala e ni. jan sin li wile toki e nanpa, li pilin ike tawa nasin nanpa pi toki pona, li wile pali e nasin nanpa sin.
nasin nanpa pi kama wan
nasin nanpa pu li nasin nanpa pi kama wan. sina toki e nimi nanpa. jan kute li wan e ona, li sona e nanpa.
jan pi mute lili li pali e nasin nanpa sin ni; taso, jan Misali li pali e
nasin pi nanpa luka wan
. ona li kepeken nimi ni:
wan
en
tu
li sama nasin pi toki pona
luka
li tu tu wan
ala
, li tu tu
tu
(ni li nasa suli ala; mi toki e tan lon tenpo kama)
mute
li kulupu
luka
pi ijo
luka
(li sama
mute luka luka luka wan
kepeken nasin pu)
ale
li kulupu
luka
pi ijo
mute
nasin pu la,
mute
li
luka
tu tu; taso
ale
li
mute
tu tu
wan
.
nasin ni la,
mute
li
luka
tu tu tu;
ale
li
mute
tu tu tu kin! (kin la,
luka
li
wan
tu tu tu.)
nimi nanpa suli li sama nimi nanpa lili tu tu tu.
nasin nanpa pi suli lon
nasin pi kama wan la,
luka
li nanpa sama lon tenpo ale. taso nasin nanpa pi suli lon li pakala e ni. o lukin e poki suli ni:
ale
mute
luka
wan
ala
wan
wan
tu wan
ona li toki e ni: o jo e nimi sewi pi mute pi nimi anpa. (jan li sona e
suli
nanpa li tan
lon
ona.) ni la, o jo e
ale
ala, e
mute
ala, e
luka
tu, e
wan
tu wan. nanpa tan pali ni li
mute luka wan wan wan
kepeken nasin pi jan Misali, li mute mute luka kepeken nasin pu.
nasin nanpa pi suli lon li toki e nimi anpa taso, e
nanpa lili
. (nanpa lili tu tu tu ante li lon nasin ni: "ala" en "wan" en "tu" en "tu wan" en "tu tu" en "luka".) nanpa lon poki suli ni li kama "wan wan tu wan". taso, jan li toki e ni la, jan ante li kute e ni:
ale
mute
luka
wan
wan
wan
tu
wan
ona li
ale mute luka luka wan
kepeken nasin Misali, li ale ale mute mute mute luka kepeken nasin pu. ike a!
ni la, mi wile e nimi wan tawa "tu wan", e nimi wan tawa "tu tu". nimi ken li "tuli" li "po", tan toki Inli (sama nimi
wan
sama nimi
tu
). tenpo pini la, nimi ni li lon nasin pu kin! taso, nimi "tuli" li sama nimi "tu li"; ni la, jan mute li kepeken nimi "san" tan toki Sonko.
ni la, nanpa li kama ni:
ale
mute
luka
wan
ala
wan
wan
san
jan li toki e "wan wan san". jan kute li sona e nanpa. ale li pona.
sina ken nanpa lon luka sina kepeken nasin nanpa pi suli lon, kepeken nasin ni: palisa pi luka wan li nanpa e
wan
, palisa pi luka ante li nanpa e
luka
. palisa tu tu wan li pana lon luka wan la, sina wile pana e wan sin la, luka ni li
pini
; o weka e tu tu tu tan luka wan sina, o pana e wan tawa luka ante. ni la,
luka
li tu tu tu; sina jo e tu tu tu la, sina pini e poki nanpa ni.
jan li lukin e mute palisa taso la, sina ken nanpa e luka wan tu tu taso. nasin luka ni la, sina ken nanpa e "luka luka" (mute luka luka luka lon nasin pu). nasin ni li ken toki e nanpa suli kepeken nimi mute ala. kin la, nimi nanpa suli li sama nimi nanpa lili luka wan la, sina ken pana e poki lili sin! o lukin:
mu
suli
ale
mute
luka
wan
wan
ala
ala
ala
ala
ala
mu
li
suli
luka wan.
suli
li
ale
luka wan. sina wile toki e nanpa ni kepeken nasin pu la, sina wile toki e
ale
mute mute mute luka luka luka tu, e
mute mute mute luka luka luka wan
namako! ni li nimi mute a! taso jan pi nasin pi suli lon li toki e
wan ala ala ala ala ala
taso. ni li wawa pi nasin nanpa ni.
nasin nanpa sin mute li sama ni, tan ni: jan mute mute li sitelen e nanpa kepeken nasin nanpa Alapi pi suli lon. ona li kepeken nanpa lili luka luka, taso jan mute pi toki pona li kepeken nanpa lili luka wan tan toki pi jan Misali. ilo li kepeken nanpa lili
tu
; nanpa lili ona li
wawa ala
li
wawa
.
nasin nanpa nasa
mi kama sona e nasin nanpa sin la, mi pana e ona tawa lipu mi pi toki Inli. nimi ona li "
nasin nanpa ali ike
" tan ni: nanpa li ike, a a a! (mi pali e lipu "nasin nanpa ali ike" la, mi kepeken nimi
ali
; tenpo ni la, mi kepeken ala ona. taso, mi awen e nimi tan ni: ona li toki e ni: lipu ni li tan ala jan pi lipu "nimi ale pona".)
ni la, mi kama sona e nasin nanpa nasa mute. ona li nasin nanpa pi kama wan ala, li nasin nanpa pi suli lon ala, li sama ala nasin nanpa toki ma.
jan mute li pali "sin" e
nasin ni
: nanpa lili li lon open pi nanpa suli la, o wan ala e nanpa tu ni, o mute e ona. nasin ni la,
tu luka
li luka pi kulupu tu. tenpo sike pi pali pi lipu ni li ken
mute ale mute wan
.
nasin pi jan Guymacu
li sama lili. ona la, nimi
wan
en nimi
tu
taso li lon, taso nimi
tu
li mute e nanpa:
tu tu
li awen tu tu, taso
tu tu tu
li luka tu wan. ijo luka luka tu wan li lon la, jan li toki e ni:
jan tu tu tu en jan tu tu en jan wan
.
nasin pi jan Emalan
li nasa mute ala, li nasin nanpa pi suli lon pi nanpa tu tu tu pini.
nasin nanpa pona
tan jan Kapilu tan jan Tepo li sama nasin nanpa pu, taso nimi
ale
li mute e nanpa monsi ona.
tu ale
li sama ale ale lon nasin nanpa pu.
tu tu ale mute
li ale ale ale ale mute.
mute ale ale tu
li ni: mute pi kulupu ale pi kulupu ale en tu. (
ale ale tu
li awen ale ale tu, tan ni: ni la, nasin nanpa pu li pakala ala.)
nasin nanpa pi toki ma
en
nasin nanpa pi toki pona Epansa
li sama lili nasin ni, taso ona li kepeken nimi namako.
taso jan mute la, nasin ale ni li ike, li pakala e kon pi toki pona. sina pilin sama la, sina ken kepeken nasin ni: wan li
wan
. tu li
tu
. tu wan li
mute
. kin la, nanpa ale pi wan ala pi tu ala li
mute
. nasin ni li pona nanpa wan.
jan pali pi lipu ni li wile e ni: lipu
CC0
li lawa e toki ni.
|
28
|
https://lipukule.org/post/2021/12/08/lipu-pu-tosi-li-lon-a
|
jan ale pi toki pona o · toki a
tenpo mute la lipu pu li lon toki Inli li lon toki Kanse li lon toki ante ala · tenpo suno lon la ni li kama ante! · mi toki Tosi e lipu pu! · sina ken kama jo e ona tan esun Amason lon ma mute a · lipu pu pi toki Tosi la sona ku kin li lon! · mi pana e toki noka lon poka pona ale · kin la nimi ku suli li lon a! · o toki e lon lipu tawa jan poka ale sina pi toki Tosi! · o kama jo e lipu lon wile sina a! · sina ken esun lon ni ·
https://www.amazon.de/dp/B09MJ8JPV6/
suli la o awen pona a!
|
29
|
https://lipukule.org/post/2022/01/13/musi-li-weka-lawa
|
lawa li wile ala e musi sina. sina sona e lon ni. lawa pali li wile e pali taso sina. sina musi la sina pali ala la ona li wile e pini musi sina. lawa sona li wile e sina sona taso. sina musi la sina kama sona ala la ona li wile e pini musi sina.
lawa li ken e musi lili a. lawa sona la sina ken musi li ken moku lon tenpo lili! lawa pali la sina ken musi li ken moku lili! musi ni li ike tawa lawa. ona li ken e ni tan nasin lon taso. sina ken ala pali mute lon tenpo ale la lawa li ken e musi lili tawa wawa pali.
ni li ike a! seme o kama? mi la musi mute o kama. o musi kalama lon tenpo pali, o musi tawa lon tenpo sona, o musi lon tenpo ale. sina ken musi la o musi wawa o musi ale. musi sina li pali suli la o musi ni. musi sina la sina kama sona la o musi ni. musi o wile sina taso. musi sina o weka e wawa ona.
lawa li lukin poki e musi sina. ni li musi tawa mi tan wawa musi. ona li ken ala lawa lon e musi. ni la o musi sina la sina weka e lawa.
|
30
|
https://lipukule.org/post/2022/01/17/nasin-lanpan-pi-nimi-iso
|
tenpo pi pini lili la, kulupu SIL li toki e ni:
a, ni (toki pi nimi iso tawa toki pona) li pona meso. taso, sina ken pona e ona. lipu ni li toki e wile mi. o pali lon tenpo pi lili mute a!
kulupu li sona e ni la ona li alasa e wile ona.
wile suli ona li lipu pi toki ni: jan pi toki pona ala li lukin tawa toki pona.
ni la, alasa li tawa lon tenpo lili a! kulupu li lanpan e lipu mute tan ma ale pi toki ale. lipu li toki Alapi li toki Sonko li toki Tosi li toki Wensa li toki mute a!
tenpo kama pi lili mute la kulupu SIL li toki e pali ona. ona li pana ala pana e nimi ISO tawa toki pona? tenpo kama taso li sona e ni.
|
31
|
https://lipukule.org/post/2022/01/31/tenpo-suno-pi-tenpo-sike-sin-lon-nasin-tenpo-mun-li-kama-a
|
ona li seme?
mi sona e ni: jan mute li pilin e ni: tenpo suno pi tenpo sike sin li pini lon tenpo pini. nasin tenpo suno la ona li lon, taso ma Asija la tenpo suno pi tenpo sike sin ante li lon tan ni: ma Asija li kepeken nasin tenpo suna li kepeken nasin tenpo mun kin.
tenpo suno ni la jan Anku li pali e seme?
open la ma ante lon ma Asija li jo e tenpo suno ni, taso mi sona ala e pali pi ma ante. tan ni la mi toki e pali pi ma Anku taso. tenpo suno ni la jan Anku mute li tawa tomo pi jan pi suli mute. tomo ni la jan mute pi kulupu mama li lon. tenpo suno ni la jan Anku li pali e mute. jan Anku li anpa e sijelo ona li toki e ni: o kama pona lon tenpo sike sin a! tawa jan suli. ona li pini, la jan suli li toki e ijo pona li pana e mani tawa jan lili ona. kin la jan Anku li musi e musi Junoli(윷놀이) li moku e moku telo pan. nimi pi moku ni li moku Toku(떡국).
tan seme la ni li tenpo suno suli tawa jan Anku?
tenpo suno ni la jan mute lon kulupu mama li kama tawa tomo wan. jan mute li toki li musi li moku. ma Anku la kulupu mama li suli mute. tan ni la jan Anku li lukin e kulupu mama li pilin e suli pi kulupu mama.
o kama pona lon tenpo sike sin a!
jan Epen
|
32
|
https://lipukule.org/post/2022/02/03/akesi-pi-ante-kule
|
(mi jan sona akesi ala. mi sitelen musi taso.)
akesi mute li lon. suno ni la mi wile toki lon akesi pi ante kule.
jan mute li sona e ni: selo pi akesi ni li ken ante e kule ona. nasin seme la kule selo li kama ante?
sina kepeken ilo lukin wawa la sina ken lukin pona e ijo pi lili mute. seme li lili mute lon selo kule pi akesi ni? jan sona li ken lukin e leko lipu mute pi lili mute. selo akesi la leko lipu lili li lon poka pi leko lipu lili ante li jasima e suno. leko lipu mute li lon poka anu weka, la leko ni li jasima e suno pi kule ante. nasin ni la akesi li ken ante e kule pi selo ona.
tan seme la akesi li wile ante e kule ona? jan mute li pilin e ni: akesi ni li wile weka tan lukin, li wile jo e len. ni li lon, taso ante kule li tan ijo suli ante kin. ante kule li toki e pilin akesi e wile akesi. akesi li wile utala e akesi ante, la selo li kama walo. akesi li pilin anpa, la selo li kama pimeja. pilin lape la laso. pilin wawa la jelo. kule ante li lon. kule li toki.
sijelo pi akesi kule li jo e seme? luka en noka li jo e kipisi tu. kipisi luka wan li jo e palisa luka tu. kipisi luka ante li jo e tu wan. oko pi akesi kule li nasa mute. akesi li ken lukin e ijo tu lon tenpo sama! oko wan li lukin e ijo nanpa wan. oko ante li lukin e ijo nanpa tu. akesi li ken kute, taso ona li jo ala e lupa kute.
akesi pi ante kule li moku e pipi. palisa uta pi akesi ni li suli mute a, li ilo alasa wawa. palisa uta li tawa wawa, li jo e poki lili lon pini, li lanpan e pipi.
akesi lili pi ante kule li kama tan seme? akesi mije en akesi meli li ken unpa. mije li wile unpa la ona li tawa mute e lawa. anpa lawa li kama loje. mije li pona tawa meli, la unpa li kama. meli li pana e sike mama. akesi lili li lon insa sike. akesi tonsi kin li ken lon.
akesi pi ante kule li ken mu. tenpo ni la sina sona.
(jan Lilija li pali e sitelen lukin.)
jan pali pi lipu ni li wile e ni: lipu
CC0
li lawa e toki ni.
|
33
|
https://lipukule.org/post/2022/03/01/waso-seli-pona
|
waso li moku pona tawa mi. ni la, mi pana e nasin seli waso tawa sina.
ijo wile
waso lete
kasi namako
telo namako jelo
namako walo
nasin
nanpa wan: o weka e telo
sina wile kule suno lon waso seli sina, o weka e telo tan ona! telo mute li lon la, ona li kama walo taso li lukin pona ala.
o pilin e waso kepeken len pi moku telo. len li wile weka e telo tan waso, li pona e waso.
nanpa tu: o namako e waso
o namako walo e waso. mute pona li ni: namako li ken lukin ala. o len ala e waso kepeken namako. kin la, o namako pi lili ala e waso.
sina namako walo e waso la, o kepeken namako ante. ni li kule sina a! namako seli, namako puwa, namako kiwen, ale li pona.
sina namako e waso la, o awen lon tenpo luka.
sina awen la, sina ken seli e telo namako jelo.
nanpa tuli: o seli e telo namako jelo
o pana e telo tawa poki supa. o seli e poki supa. ona li kama kalama la ona li pona tawa waso.
nanpa po: o seli e waso
o pana e waso tawa poki supa.
o seli e sinpin sijelo tu waso. sijelo waso li wile kule suno li wile walo.
ona li kule pona la, o lili e seli. ni la, insa waso li kama seli. sijelo waso li kama seli pakala ala.
tenpo luka li pini la, o lukin tawa insa waso kepeken ilo kipisi. ona li walo la, ona li moku pona a!
nanpa luka: o moku e waso
o moku e waso.
|
34
|
https://lipukule.org/post/2022/06/14/nasin-tenpo-pi-kamalawala-kanse
|
sina sona ala sona e ni: jan mute li kepeken nasin tenpo mute? ma Juwese la mi kepeken nasin tenpo pi jan Kekoli, taso ma en jan ale li kepeken ala nasin ni.
open la mi o toki e ni: nasin tenpo li seme? n, o lukin e ni: mi jan ma. mi lukin moku e kasi, taso mi sona ala e ni: tenpo seme la mi o pana e kasi lili lon ma? mi wile ala e ni: lete li kama li moli e kasi. ni la mi o nanpa e tenpo sike. mi ken kama sona e ni: tenpo seme la lete li kama? tenpo seme la seli?
nasin mute li lon tawa nanpa ni. jan wan li wile sona e ni: suno li kama seli li kama lete lon tenpo seme? jan ante li lukin sona e ni: mun li kama suli li kama weka lon tenpo seme? jan ante ante li alasa e sona ni: jan lawa li jo e tenpo sike seme? jan ale en ma ale li kepeken nasin tenpo mute.
ken la, nasin tenpo li nasa lili. tenpo suli la nasin tenpo li kama tan ni: jan wan li pali lon ma wan, jan ante li ante lon ma ante, tenpo suli li tawa la jan li awen kepeken nasin tenpo li lukin e ni: ona li kama pakala, la ona li ante li pona e ona. ni la nasin tenpo li kama nasa lili. nasa ni la jan mute li wile pali e nasin tenpo sin pona. mi toki lon wile ante ni.
open la mi toki lon nasin tenpo sin ni: jan pi ma Kanse li pali e ona lon tenpo ni: jan pi ma Kanse li weka e jan lawa sewi ona. ona li wile e ni: jan ale li ken kepeken nasin tenpo pona. nasin tenpo ni la nasin sewi en ijo nasa o weka. ona la jan li nanpa e tenpo la ona o wile ala e wawa nanpa suli. jan pi ma Kanse lon tenpo ni la, nanpa ni li pona mute a: luka luka. ona li wile e ni: jan li ken nanpa e tenpo kepeken nanpa ni.
ni la ona li pali e ni: jan sona o toki o alasa e nasin tenpo pona. jan Sipe Kome (Gilbert Romme) li lawa e kulupu ni pi jan sona li toki e nasin sin ona tawa kulupu lawa sin pi ma Kanse.
nasin tenpo sin la, tenpo sike li open lon tenpo suno ni: tenpo suno en tenpo pimeja li sama la tenpo suno li kama lili. tenpo suno ni li tenpo open pi tenpo sike li tenpo open pi tenpo pi kasi kule. ni li open pi tenpo suno sin tan ni: tenpo suno ni la jan pi ma Kanse li weka e jan lawa ona. tenpo sike nanpa wan li ni: jan pi ma Kanse li weka e jan lawa ona lon ona.
nasin tenpo sin la tenpo sike li jo e kipisi luka luka tu (12). kipisi ale li sama tenpo mun, taso ona li jo e tenpo suno mute luka luka (30). tenpo mun ale li jo e tenpo esun tu wan (3). tenpo esun ni li jo e tenpo suno luka luka (10). tenpo suno ni li jo e nimi sama ni: "tenpo suno nanpa wan", "tenpo suno nanpa tu"…. ni la jan li ken sona e ni: tenpo mun ale la, tenpo suno nanpa luka en nanpa luka luka luka en nanpa mute luka li jo e nimi "tenpo suno nanpa luka" lon tenpo esun.
sina wawa lon nasin nanpa la sina lukin e ni: nasin tenpo li jo e tenpo mun luka luka tu (12). tenpo mun li jo e tenpo esun tu wan (3). tenpo esun li jo e tenpo suno luka luka (10). ni li sama nanpa ale ale ale mute mute mute (360). taso tenpo sike li jo e tenpo suno ale ale ale mute mute mute
luka
(365)! ni la, kulupu pali pi nasin tenpo ni li pali e ni: tenpo sike o jo e tenpo suno luka (5) anu luka wan (6) namako. tenpo suno namako ni li lon tenpo mun ala li lon tenpo esun ala, taso ona o lon tenpo sike tawa ni: jan li ken nanpa pona e kama seli suno e kama lete suno.
tenpo mun en tenpo suno ale li jo e nimi. nimi ni li kama tan jan Pape Ekansin (Fabre d'Églantine). ona li pana e nimi namako tawa ni: nasin tenpo li pona tawa lawa jan la ona o pona tawa pilin jan kin. nasin tenpo pi nasin sewi Kisijan la tenpo suno ale li jo e nimi tan jan pona sewi pi tenpo pini. kin la tenpo mun ale li jo e nimi tan jan sewi pi ma Loma tan jan lawa pi ma Loma tan nasin nanpa pi ma Loma. ni la jan Pape li pilin e ni: tenpo ale li jo e sitelen e pilin.
jan Pape li wile ala e nasin sewi la ona li weka e nimi ni tan nasin tenpo sin. taso ona li pilin e ni: nasin tenpo li lipu tawa jan tan ni: jan li lukin e ona lon tenpo mute. ni la ona o pana e sona pona tawa jan o jo e nimi pona lon ona. jan Pape la sona pona ni li sona ma li sona kasi li sona soweli. ni la ona li pana e nimi sama ni tawa tenpo mun:
tenpo mun nanpa esun
tenpo mun nanpa kon telo walo
tenpo mun nanpa lete
tenpo mun nanpa ko walo lete
tenpo mun nanpa telo sewi
tenpo mun nanpa kon tawa
tenpo mun nanpa kasi sin
tenpo mun nanpa kasi suwi
tenpo mun nanpa ma kasi
tenpo mun nanpa pan
tenpo mun nanpa seli
tenpo mun nanpa kili
o awen sona e ni: nasin tenpo ni la tenpo sike li open lon pini pi tenpo seli. ni la sina ken sona e ni: tenpo mun ale la, seme li kama lon jan pi ma Kanse?
kin la, tenpo suno ale pi tenpo sike li jo e nimi. tenpo esun la tenpo suno nanpa luka ale li jo e nimi soweli. tenpo esun la tenpo suno nanpa luka luka li jo e nimi ilo. tenpo suno ante ale li jo e nimi kili anu kasi. jan Pape li lukin e ni: tenpo seme la soweli seme en kasi seme en kili seme en ilo seme li suli? tenpo ni la tenpo suno o jo e nimi pi ijo suli ni. ni la jan li ken lukin e lipu pi nasin tenpo li ken sona e ni: ijo seme li suli lon tenpo ni? mi o sona o lukin e seme lon tenpo ni?
lon la, ijo mute tan nasin tenpo ni li sin ala: jan pi ma tomo Atena li jo e tenpo esun pi tenpo suno luka luka. jan pi ma Masu li pana e tenpo suno namako luka tawa tenpo sike. jan mute li open e tenpo sike lon tenpo suno ni: suno en pimeja li sama la tenpo suno li kama lili. jan mute ante li nanpa e tenpo sike tan open pi nasin lawa sin ona.
pini la, nasin tenpo ni li awen ala. jan mute li wile ala kama sona e nasin tenpo sin. jan ante li pilin ike tan weka pi nasin sewi. jan mute mute li pilin e ni: tenpo suno luka tu tu li suli mute tawa pali. nasin tenpo sin ala pi ma Kanse la jan li pali lon tenpo suno luka wan li lape lon tenpo suno wan. ni la tenpo suno luka tu tu li suli pilin tawa jan pi ma Kanse. tenpo sike luka luka tu tu pi nasin nanpa sin la nasin tenpo ni li pini.
ni la sina sona e nasin tenpo pi kamalawala Kanse. sina pilin e seme tan ona? lon la tenpo esun li ken suli ike, taso pilin mi la nimi pi tenpo suno ale li suwi. kin la, tenpo mun ale li jo e mute sama pi tenpo suno la pona; kin la, sina sona e nanpa pi tenpo suno la sina sona e nanpa ona lon tenpo mun e nanpa ona lon tenpo esun. ijo nanpa tu ni li awen lon poka li ante ala. ni li ken pona mute. lipu kama la mi toki lon nasin tenpo ante; o lukin e sitelen kama ni!
lipu ante
lipu "nasin tenpo pi lawa jan" tan lipu Wikipesija
https://fr.wikipedia.org/wiki/Calendrier_r%C3%A9publicain
lipu pi jan Pape Ekansin
https://gallica.bnf.fr/ark:/12148/bpt6k48746z/f3.image.zoom
lipu pi jan Sipe Kome
https://gallica.bnf.fr/ark:/12148/bpt6k487479/f3.image.zoom
|
35
|
https://lipukule.org/post/2022/07/16/ante-toki-pi-au-magasin-de-nouveautes-esun-pi-ijo-sin
|
mi ante e toki pi toki lili “AU MAGASIN DE NOUVEAUTES” tan jan Isan. sina ken pilin e ni: ona li nasa lili. jan Isan li pali ala e toki lili kepeken lawa pi toki lili. ona li lukin pali e ona kepeken nasin sin. toki ni li lon kulupu pi toki lili “leko pi pali tomo pi pini ala”. mi wile pana e toki lili ante lon kulupu ni.
AU MAGASIN DE NOUVEAUTES (lon esun pi ijo sin) tan jan Isan
lekopiinsalekopiinsalekopiinsalekopiinsaleko
lekopitawasamasikepitawapilekopitawasamasikepitawapilekopitawasamasike
janlilukinekonpikopiwekapipilonnasintelo, nasinnilakopiwekapipilitawa
masikelikamalontanijosamapimasikepikamalontanmasike
lennokapiunpaala(nimionalijanWasu)
lenpitelolojesijeloala,kulepisinpinsinalisamanokawaso
pilinsulilitawasikenanpatuwanlekotansikenanpawanleko
telokontankulupuKosipitawatantenposelipimaMasejulilukinetenpopiletelililonmaAsija
tomotawakonlitawalonsewilaso.tomonilasitelen"misikekepimolipipi"lilon
makasilililonsewitomo.melilipalisamasoweli
sitelensonapitawaanpalitawapalisasupalinjasamapalisasupa
sitelen"XII"lonsiketenpolasunolonpinipitenposunolitawaanpa,sunonilatelolilon
tokipiinsapilupapiopenalapiinsawasopiinsapitokiikepiinsalupapiinsalupa
lupapitomomokulamijeenmelilikamalontenponilitawanasinpionawan
lekosuwipitelokulelasolilontomotawapisiketuwan
lennokapijanutalalianpaelipunimi. kasipilonalalitawalonsupa
janpitawaanpapitawasewipitawaanpapitawasewili
janpitawasewialapitawaanpaalapitawasewialapitawaanpaala
sijeloanpapimelinilisamasijelosewipimijeona(mipilinikelipilinike)
pokilekoliopentawakepekennoka(onalimonsutatawami)
pokapiiloselila"tawapona"litawasewi
selotomolatelolianpa. tawapikulupupikalasuno
mi sona e ni: jan mute li ken ala lukin e ona. tan ni la mi sitelen e ona kepeken lawa pi toki pona.
AU MAGASIN DE NOUVEAUTES (lon esun pi ijo sin) tan jan Isan
leko pi insa leko pi insa leko pi insa leko pi insa leko
leko pi tawa sama sike pi tawa pi leko pi tawa sama sike pi tawa pi leko pi tawa sama sike
jan li lukin e kon pi ko pi weka pipi lon nasin telo, nasin ni la ko pi weka pipi li tawa
ma sike li kama lon tan ijo sama pi ma sike pi kama lon tan ma sike
len noka pi unpa ala (nimi ona li jan Wasu)
len pi telo loje sijelo ala, kule pi sinpin sina li sama noka waso
pilin suli li tawa sike nanpa tu wan leko tan sike nanpa wan leko
telo kon tan kulupu Kosi pi tawa tan tenpo seli pi ma Maseju li lukin e tenpo pi lete lili lon ma Asija
tomo tawa kon li tawa lon sewi laso.tomo ni la sitelen "misikeke pi moli pipi" li lon
ma kasi lili lon sewi tomo.meli li pali sama soweli
sitelen sona pi tawa anpa li tawa palisa supa linja sama palisa supa
sitelen "XII" lon sike tenpo la suno lon pini pi tenpo suno li tawa anpa,suno ni la telo li lon
toki pi insa pi lupa pi open ala pi insa waso pi insa pi toki ike pi insa lupa pi insa lupa
lupa pi tomo moku la mije en meli li kama lon tenpo ni li tawa nasin pi ona wan
leko suwi pi telo kule laso li lon tomo tawa pi sike tu wan
len noka pi jan utala li anpa e lipu nimi. kasi pi lon ala li tawa lon supa
jan pi tawa anpa pi tawa sewi pi tawa anpa pi tawa sewi li
jan pi tawa sewi ala pi tawa anpa ala pi tawa sewi ala pi tawa anpa ala
sijelo anpa pi meli ni li sama sijelo sewi pi mije ona (mi pilin ike li pilin ike)
poki leko li open tawa kepeken noka (ona li monsuta tawa mi)
poka pi ilo seli la "tawa pona" li tawa sewi
selo tomo la telo li anpa. tawa pi kulupu pi kala suno
lipu ante
toki lili lon toki Anku
toki lili lon toki Inli
|
36
|
https://lipukule.org/post/2022/12/26/toki-luka-li-sin-ala-li-toki-pali-ala-tenpo-pini-pi-toki-luka
|
nimi suli ni li powe lili. toki luka li ken sin li ken toki pali. en
luka pona
en
luka Kesuno
(
Gestuno
) en
luka Nawi
(
Na'vi
Sign Language
) li sin li toki pali. kin la, en nasin toki Makaton en
nasin luka pi toki uta (toki Inli luka -
SEE
, toki pona luka pu) li
sin li tan pali jan li toki ala. jan li pali e ona ale.
taso toki luka pi ma ante mute li toki pali ala tan ni: ona li kama tan
tenpo pini li mama tan kulupu pi jan pi kute ala. jan ala li pali e ona.
jan kute mute li toki e ni:
'en toki luka pi ma mi en toki uta pi ma
mi li sama. taso toki luka li kepeken e luka'
. kin la, ona li toki e
ni:
'toki luka li sama lon ma ale. toki luka wan pi ma ale li lon'
.
mi sona ala e ni: toki tu ni li ken lon kepeken nasin seme? nanpa wan li
lon la, nanpa tu li ken ala lon. nanpa tu li lon la, nanpa wan li ken
ala lon.
toki tu ni li lon ala. en toki luka en toki uta lon ma sama li ante. kin
la, en toki luka pi ma nanpa wan en toki luka pi ma nanpa ante li ken
sama li ken ante mute a.
tan seme?
jan li wile sona e tan la, o lukin e tenpo pini pi toki luka.
tenpo pini mute la, ma Elinika la,
jan sona Sokate
(Socrates) li
toki e ni:
"jan pi kute ala li toki kepeken luka. ona li sona a li ken
jasima e ijo kepeken luka. ona li wile toki e soweli la, ona li tawa e
luka ona sama nasin soweli la, jasima e kon soweli"
. taso ona li toki
mute ala e toki luka ona la, mi ale li sona ala mute e ona lon tenpo
lon.
taso - jan sona li sona mute e toki luka pi tenpo ante pi ma ante.
tenpo sike
1760
la,
jan Lepe
(
Abbé Charles-Michel de l'Épée
) li
lon ma tomo Pali. ona li jan pi mani mute li jan kute. ona li lon ma pi
mani lili lon ma tomo Pali la, meli tu pi mama sama li lon. ona tu li
jan pi kute ala li toki luka. toki luka ni li toki luka pi tenpo pini pi
ma tomo Pali.
ona li sitelen e ona li pali e tomo sona pi jan pi kute ala. ona li toki
e ni:
"o pana e sona tawa jan pi kute ala kepeken luka tan ni: ona li
ken ala kute e toki."
kin la, ona pali e nasin luka ona li pana sona
kepeken ona. taso ona li ike mute tawa jan pi kute ala la, jan pi kute
ala li weka e nasin luka ni li toki kepeken toki luka ona tan kulupu
ona.
toki luka ona li kama
luka Kanse
(
LSF
) li toki luka pi ma Kanse.
tenpo sike
1815
la,
jan Kalate
(
Thomas Hopkins Gallaudet
) li lon
ma Mewika li pana sona tawa meli lili wan pi kute ala. ona li wile sona
e nasin pona pi pana sona tawa jan pi kute ala. ona li kama tawa ma Inli
li tawa tomo sona. tomo sona ni li pana e sona tawa jan lili pi kute
ala. taso ona li utala la, tomo sona li weka e jan Kalate la, ona li
tawa ma tomo Pali. ona li kama sona e luka Kanse e nasin pi pana sona li
tawa ma Mewika. en ni en luka Mata Winja (
Martha's Vineyard Sign
Language
) li kama wan li kama
luka Mewika
(
ASL
). ona li pali e
tomo sona Kalate li pana sona tawa jan lili pi kute ala lon ma Mewika.
tenpo lon la, jan li kute ala lon ma Mewika lon ma Kanata li toki luka
Mewika.
tenpo sike
1880
la,
ma tomo Milan
la, jan pi pana sona li kulupu
li toki e ni:
"jan pi kute ala o kama ala e sona pi toki luka tan ni:
ona li pake e sona pi toki uta. mi ale o pana e toki uta tawa ona. ni li
lawa sin! o kute!"
ona mute mute mute li ken kute ale. ona li pali e
nasin pi pana sona pi uta taso
jan li pilin e ni lon tenpo pini pi kulupu ni. taso ni li lawa e jan. ni
la, tomo sona mute li pana ala e toki luka tawa jan lili pi kute ala. ni
li ike tawa ona mute.
jan Pe
(
Alexander Graham Bell
) li mama pi
ilo toki li jan suli lon kulupu ni li toki sama la, ona li ike tawa
kulupu pi kute ala.
tomo mute pi pana sona pi jan lili pi kute ala lon ma Juke la, nasin pi
pana sona pi uta taso li lon. taso jan lili suli li pana sona e
luka
Juke
(
BSL
) tawa jan lili lili. luka Juke li awen lon. en luka Juke
en luka Mewika li ante mute a. kulupu ona li ante.
ma mute la, toki luka li ante a. taso ona li ken lon kulupu toki. luka
Nijon (
日本手話
) li mama e luka Anku (
한국 수화 언어
,
韓國手話言語
) e luka Tawan (
台灣手語
). en luka Tawan en luka Sonko
(
中国手语
) li ante a li lon kulupu toki ante.
kin la, tenpo pini la, ma Nikulaka (
Nicuragua
) la, toki luka li lon
ala. jan li pali e tomo sona pi jan lili pi kute ala la, jan lili mute
pi kute ala li tawa ona. ona mute li toki li mama e
luka Nikulaka
.
ona li sin. taso ona li toki pali ala tan ni: jan ala li pali ala e ona.
jan lili li toki lon kulupu ona li mama e ona.
toki luka li toki. ona li kule ale li ken ale a.
o pona!
nasin toki nasa mi:
nimi nimi li lon toki luka la, mi lili e ona tawa 'luka Nimi' taso. nimi suli ona li awen "toki luka pi ma Nimi" anu "toki luka Nimi", taso ni li lili e ona lon nasin pona tawa mi.
[en ijo loje en ijo laso li ...] li sama [ijo loje en ijo laso li...]
nimi sin li lon lipu ni.
tenpo pini la, lipu ni li lon lipu tenpo. tenpo ni la, mi pona e ona,
mi namako e ona la, ona li kama lon lipu kule kin.
|
37
|
https://lipukule.org/post/2023/01/03/nasin-pi-utala-meli-mije
|
o sona e ni: mi toki e ike tawa meli, tawa mije, tawa tonsi, tawa jan kule.
tenpo li kama li pini la, kulupu li kama ante. jan mute li wile e ni: kulupu li pona tawa jan ale. taso en tenpo lon en tenpo pini la, ni li lon ala. kulupu li ike tawa jan mute. pakala ante mute li lon. nasin pakala wan li nasin pi utala meli mije.
tenpo lon la, jan mute li alasa weka e nasin ni. taso - en nasin li awen lon lawa ona, lon pali ona, lon toki ona. tenpo pini la, ona li lon lawa pi jan ale a. taso ona li seme?
toki Inli la, ona li nimi ‘Oppositional Sexism’. ni li pana ala e sona tawa sina la, o ike ala pilin. jan mute li sona ala e ona.
nasin pi utala meli mije la, 'en meli taso en mije taso li lon. ona li lon tenpo ale. en sijelo pi ona tu en pilin pi ona tu en nasin pi ona tu li ante. jan li ken ala meli mije li ken ala mije meli li ken ala tonsi. en nasin mije en nasin meli li ken ala sama. ona tu li ante ale li utala.'
jan Julija-Sewano (Julia Serano) li toki mute li sitelen mute e ni. ona li meli li tonsi li ken olin e meli e mije e tonsi. ona li sitelen e lipu Wipinki (
Whipping Girl
). lipu ona li toki nanpa wan e nasin pi utala meli mije li nimi e ona.
nasin pi utala meli mije li mama e jaki ante mute.
ona li mama e ike tawa meli tan ni: ona la, 'mije li wawa li suli li len mije e sijelo li pali mije. ona la, meli li wawa ala li lili li len meli e sijelo ona li pali meli. en wawa en suli la, mije li lawa la, meli li kute. meli li wawa li suli li lawa li kute ala li len mije e sijelo ona li pali mije la, ona li lon nasin mije li kama sama mije li meli mije li pakala li ike li jaki. mije li wawa ala li suli ala li len meli e sijelo ona li lawa ala li kute e jan sona ante la, ona li lon nasin meli li kama sama meli li mije meli li pakala li ike li jaki'
en len meli en len mije en pali meli en pali mije li seme? ona lawa kin e ni.
ona li mama e ike tawa jan pi olin kule tan ni: ona la, 'mije li olin taso e meli. ona la, meli li olin taso e mije. meli li olin e meli la, mije li olin e mije la, jan li olin e meli e mije e tonsi la, ona li pakala li jaki.'
ona li mama e ike tawa tonsi tan ni: ona la, 'mije li sijelo mije len mije e sijelo mije ona li kule mije li awen mije. meli li sijelo meli li len meli e sijelo meli ona li kule meli li awen meli. meli mije en mije meli li jaki. jan li ante e sijelo ona la, ona li powe li jaki. tonsi li powe li jaki.'
ike ni ale li ante. taso mama ona li sama. ni ale la,
en
utala pi kama pona meli
en
utala pi kama pona mije
en
utala pi kama pona tonsi
en
utala pi kama pona pi olin kule li wawa lon poka. utala li wan taso li poka la, nasin pi utala meli mije li awen lon li mama sin e ike ale ni.
o utala wan.
nasin nasa mi
[en ijo laso en ijo loje] li sama [ ijo laso en ijo loje]
nimi sin li lon lipu ni.
tan jan Olipija [o. li: pi: a.]
lipu Wipinki (toki Inli):
https://en.wikipedia.org/wiki/Whipping_Girl
nasin pi utala meli mije (toki Inli):
https://www.juliaserano.com/terminology.html#O
|
38
|
https://lipukule.org/post/2023/04/10/lawa-monsuta
|
o sona a: moli en pilin ike li lon toki musi ni
jan Kete (Goethe) li sitelen e lipu mama · mi toki pona e ona · wile la toki musi ni li pona tawa sina a
kalama musi kin li lon · sina alasa e nimi "Der Erlkönig" lon ilo Jutu la sina ken kute e ona
seme li tawa wawa kepeken soweli lon tenpo pimeja ni lon kon wawa?
mama lon poka jan lili ona a;
ona li jo pona e jan lili,
ona li awen e ona, li seli e ona.
jan lili o, sina len e sinpin sina tan seme? -
sina ken ala ken lukin e lawa monsuta, mama o?
e lawa monsuta e len lawa ona e len monsi? -
jan lili o, ni li kon walo taso. -
"jan lili pona o tawa lon poka mi!
musi pi pona mute a li ken lon ni;
kasi kule mute li lon poka telo,
mama mi li jo e len suno pona a." -
mama mi o, mama mi o, sina ken ala ken kute,
e toki wile pona pi lawa monsuta?
o pini a, o pini e kalama, jan lili o;
kon li tawa e lipu kasi lili. -
"jan lili pona o, sina wile ala wile tawa mi?
jan lili mi li awen tawa sina;
jan lili mi li lawa e tawa musi lon tenpo pimeja
li awen li tawa li musi tawa sina." -
mama mi o, mama mi o, sina ken ala ken lukin
e jan lili pi lawa monsuta lon pimeja? -
jan lili mi o, jan lili mi o, mi lukin pona a
kasi majuna li pimeja walo a. -
"mi olin e sina, sijelo sina li pona tawa mi;
sina wile ala la mi utala a." -
mama mi o, mama mi o, ona li luka e mi!
lawa monsuta li pakala e mi! -
mama li pilin ike; ona li tawa wawa a,
luka ona la jan lili li kalama pi wawa ala,
ona li kama tawa tomo lon wawa weka ona;
luka ona la jan lili li moli.
|
39
|
https://lipukule.org/post/2024/03/11/linja-insa-nasin-sitelen-sin-pi-lipu-kule
|
nasin sitelen pona mute li lon. taso ala li jo e kon sama linja Inter.
ni la, akesi Jan li open pali e nasin linja sin.
ona en linja Inter li pona lon poka a!
ken pi linja insa
linja insa li ken poki e nimi:
kijetesantakalu kin li ken poki:
poki li ken jo e palisa nanpa: 12345
sitelen li ken kama tan sewi:
nimi nanpa
0123456789
ijo ante
、「」︑﹁﹂
nimi pu
nimi ku suli
nimi ku lili
nimi ante
|
40
|
https://lipukule.org/post/2024/03/16/nasin-juniko-pi-sitelen-pona
|
tenpo ni
tenpo ni la nasin Juniko UCSUR li kepeken.
kulupu mute li pali e ilo li kepeken e ona.
linja mute pi sitelen pona li kepeken nasin UCSUR.
sitelen mute li kepeken nasin UCSUR.
lipu kule li ni kin.
kulupu pi toki pona la ni li pona mute a!
taso, kulupu ante li sona ala e nasin UCSUR.
sina pana e sitelen UCSUR tawa kulupu ante la ona li lukin e sitelen leko taso.
kina la sina wile lukin e sitelen UCSUR la sina o pana sona tawa ilo sina.
ona li jo ala e sona pi nasin UCSUR tan open ona.
pali Juniko
kulupu sona li lukin e ike pi sona ala ni.
ni la ona li open pali e ni: ona li pana e sona pi sitelen pona tawa nasin Juniko.
sitelen pona li lon nasin Juniko la ilo ale li ken kama sona e ona a!
jan Lepeka li open e pali ni.
(ona li lawa e nasin Juniko UCSUR.)
ona li sona mute e nasin Juniko li toki tawa kulupu Juniko.
sona ona li suli tawa pali pi kulupu pali a!
tenpo ni la kulupu pali li ni: jan Lepeka, akesi Jan (mi a!), ijo Alison, jan Itan, lipamanka, jan Pensa, jan Juwan, jan Ke Tami, kala Asi, jan Tepo, jan Kokan Ato, nanpa Tonpite.
ijo mute lon kulupu ni li sona e:
pali ilo. ilo li wile la ona li ken lon e ona!
pali pi nasin linja. ona li sona e wile pi nasin linja li ken pali e linja sin!
pali toki. sona pi nasin toki li wile la ona li ken alasa sona kepeken nasin pona!
sona mute ni la kulupu ni li ken pali e lipu pona tawa kulupu lawa Juniko.
mi sitelen lon open pi sike suno ni.
tenpo wile pana li pini pi sike suno ni.
sina wile lukin e pali pi kulupu ni la
ona li lon ni
.
nasin alasa sona
kulupu pali li wile e kule sona tu li pali alasa e ona.
kule nanpa wan: sona toki
jan li
toki
e ijo la ni li sona toki.
ona li ken pana sona e pilin.
taso ona li ken ala pana sona pona e pali.
alasa sona la jan mute li toki e ni: "mi kepeken e nimi mute pi luka tu tu."
taso, jan mute ala li kepeken sitelen ni.
ni li tan wile tawa sona pali.
taso, sona toki li pona tawa ijo ante.
kule nanpa tu: sona pali
jan li
pali
e ijo la ni li sona pali.
ona li ken pana sona e pali.
taso ona li ken ala pana sona pona e pilin.
kulupu pali li jo ala e sona ni.
ni la ona li alasa sona e nasin ni.
nanpa wan la kulupu pali li wile e ni: kulupu mute o kepeken sitelen pona!
pali mute li lon la sona pali mute li lon kin.
nanpa tu la kulupu pali li open alasa e sitelen pona kepeken tan ma ale.
nanpa tu wan la kulupu pali li pali e tomo sona pi sitelen pona alasa.
ni la sona pi ijo ni ale li lon tomo wan.
tenpo kama
nasin kama li utala li pali suli a!
taso pini ona li pona e utala e pali suli.
ilo ale li ken sona e toki pona la pona ale li kama suli.
|
41
|
https://lipukule.org/post/2024/07/16/pan-linja-en-telo-pi-kili-loje
|
nasin ni li pali e pan linja nanpa wan tawa mi
nasin ni li tan jan Adam Ragusea
mi ante e toki ona taso
sitelen li jo e moku tawa jan tu
ijo wile
kili loje. kili suli li pona. taso kili lili li pona mute
telo pi mute sama
namako walo
telo ko jelo
ko pi kili loje
pan palisa kiwen
wile ala wile la kasi namako
nasin
nanpa wan: o pali e telo pi kili loje
o tu e kili loje en telo
o pana namako walo e telo ni
telo ni li kule pona la o pini pana e namako walo
o tu tu e telo ni
nanpa tu: o seli
o pana telo ko jelo e poki supa
o seli e poki supa ni
poki supa li kama seli la o pana ko pi kili loje
ko ni li kama pimeja lili la o pana pan palisa en kulupu wan pi telo kili
o wan e ona lon tenpo wan taso
nanpa tu wan: o seli e pan palisa
anpa pi pan palisa li kama pimeja lili la o pana kulupu wan pi telo kili
o wan e ona lon tempo wan taso
o ni
o ni
pan linja li kiwen ala la o seli ala
pan palisa li kiwen la o awen nasin ni kepeken telo pi kili ala
nanpa tu tu: o moku
moku ni li wile e namako walo la o pana namako walo
sina jo e namako kasi la o pana namako kasi
o moku a e moku ni
sona lili
pan palisa li ken ala lon poki supa la o tu e ona
nasin ni li kule pona tan kili loje pona
nasin ni li kule pona tan pan palisa pi mani lili. pan ni li pona tan nena ala lon selo ona
|
README.md exists but content is empty.
- Downloads last month
- 17
Size of downloaded dataset files:
50.1 kB
Size of the auto-converted Parquet files:
50.1 kB
Number of rows:
42